جاڭا حابارلار

مەكتەپكە ءتۇسۋ الدىنداعى قوس ءتىل وقۋ-اعارتۋى بالالارعا تاماشا بولاشاق سيلادى

    كەلۋ قاينارى: شينجياڭ حالىق راديو ىستانسياسى    2017-06-14 17:35:04  
ستانسيامىزدىڭ جيناق حابارىن تىڭداڭزىدار: بالالاردىڭ قوس ءتىلدى ويداعىداي ۇيرەنۋىنە، قوس تىلدەن پايدالانۋىنا ويداعىداي مۇمكىندىك جاساۋ ءۇشىن، وتكەن جىلى جىل سوڭىندا اۆتونوميالى رايون اۋىل-قىستاقتاردا مەكتەپكە ءتۇسۋ الدىنداعى 3 جىلدىق تەگىن قوس ءتىل وقۋ-اعارتۋىن جاپپاي جالپىلاستىرۋدى العا قويدى. بۇگىنگى كۇنى، رايونىمىز بويىنشا «بالالار باقشاسىنا كىرۋگە تيىستىلەرىن كىرگىزۋ» جوسپارى بويىنشا، اۋىل-قىستاقتارداعى مەكتەپكە ءتۇسۋ الدىنداعى 3 جىلدىق بالالار باقشاسىنا كىرگەندەر ءبىر ميليون 53 مىڭ 700 ادامعا، جالپىلاسۋ مولشەرى %100 كە جەتتى. مەكتەپكە ءتۇسۋ الدىنداعى قوس ءتىل وقۋ-اعارتۋى بالالارعا تاماشا بولاشاق جوسپارلاۋدا.
وقىتۋشى: «بۇل نە؟» ــ دەپ سۇراعاندا، وقۋشىلار «بۇل انار»، ــ دەپ جاۋاپ بەردى. وقىتۋشىنىڭ: «وسى تىعىز جىمداسقان اناردىڭ ءدانى ءار ۇلتتىڭ ۇلى ىنتىماعىنىڭ سيموۆىلى ەكەنىن بىلەسىڭدەر مە؟» ــ دەگەن سۇراعىنا وقۋشىلار: «بىلەمىز،» ــ دەپ جاۋاپ قايتاردى. جاڭا ءبىر اپتا باستالىپ، شايار اۋدانى جاڭا ءمالى قالاشىعى قۇرۇلقۇم قوس ءتىل بالالار باقشاسىنداعى بالالاردىڭ قوس ءتىل ساباعى دا جاڭا كەزەڭگە ءوتتى. ءبىر رەتكى تاربيەلىك جانە كوڭىل اشۋ مازمۇنىنداعى قوس ءتىل ساباعىنان كەيىن، بالالار تاعى دا بىرنەشە جەمىستىڭ حانزۋشا اتالۋىن ءبىلدى. وقۋشى سادامجان ءيۇسان: «مەن بالالار باقشاسىن جاقسى كورەمىن، بۇل جەردە مەن ۇناتاتىن وقىتۋشىلار، تاعى كىشكەنتاي دوستار بار»،-دەدى.
بۇرىنعى بۇيىعى، تارتىنشاق، اكە-شەشەسىنەن ءبىر ەلى ايرىلمايتىننان، بۇگىنگى كۇنى ءار كۇنى قۋانا سومكاسىن اسىنىپ، بالالار باقشاسىنا كەتۋگە اسىققان بالالاردىڭ وزگەرىسىنە اتا-انالارى دا ءسۇيىندى. وتكەن جىلدىڭ سوڭىندا، اۆتونوميالى رايوننىڭ ورنالاستىرۋىنا ساي، شينجياڭنىڭ جەر-جەرىنە اۋىل-قىستاقتاردىڭ شۇعىل قاجەتتى بالالار باقشاسى جاڭادان سالىندى، قاراشانىڭ اياعىندا، اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ اۋىل-قىستاقتاردا مەكتەپكە ءتۇسۋ الدىنداعى 3 جىلدىق تەگىن قوس ءتىل وقۋ-اعارتۋىن ىلگەرىلەتۋ جونىندەگى پىكىرىن» بىرلەسىپ باسىپ تاراتتى. قازىر، اۆتونوميالى رايوننىڭ بيىل جوبالاعان اۋىل-قىستاقتارداعى 3 مىڭ 682 قوس ءتىل بالالار باقشاسىنىڭ قۇرىلىسى جەدەل ءجۇرىلىپ، بالالار باقشاسى تامىزدىڭ اياعىندا جاپپاي اشىلادى دەپ جوسپارلاندى. قازىر شينجياڭنىڭ جەر-جەرىنەن، وتە-موتە وڭتۇستىك شينجياڭداعى ءۇش ايماق، ءبىر وبلىستىڭ بارلىق جەرىنەن اۋىل-قىستاق قوس ءتىل بالالار باقشاسىنىڭ دابىرالى جۇرگىزىلگەن قۇرىلىس جاعدايىن كورۋگە بولادى.
پوسكام اۋدانى پوسكام اۋىلى قوسجيدە قىستاعىنىڭ بالالار باقشاسى سالىنىپ جاتقان جەردە، جاڭادان سالىنعان بالالار باقشاسىنىڭ باستى تۇلعالىق قۇرىلىسى نەگىزىنەن ءبىتىپ، قۇرىلىس جۇرگىزۋشىلەر ءۇيدىڭ ىشكى تامىن جوندەۋ جۇمىسىن ىستەپ جاتتى. بالالار باقشاسى سالىنعاننان كەيىن، ماڭىنداعى 3 قىستاقتاعى 600 بالا وسى جەردە وقيتىن بولادى. پوسكام اۋدانى بيىل مەكتەپكە ءتۇسۋ الدىنداعى قوس ءتىل بالالار باقشاسىنان جيىنى 30 ىن جاڭادان سالىپ، قىركۇيەكتەگى جاڭا وقۋ ماۋسىمىندا بالالار باقشاسىنا ءتۇسۋ جاسىنداعى 5 مىڭ 200 دەن ارتىق بالانىڭ جاقىن ماڭدا وقۋىن قاناعاتتاندىرادى. پوسكام اۋداندىق وقۋ-اعارتۋ، عىلىم-تەحنيكا مەكەمەسى نىسان كەڭسەسىنىڭ ورىنباسار مەڭگەرۋشىسى تۇرسىنجان سىدىق بىلاي دەپ تانسىتىردى: قۇرىلىسى بىتكەن بالالار باقشاسىنا جابدىقتاردى ورنالاستىرۋ قىزمەتىن ىستەپ جاتىرمىز. قاتتى بولشەك قۇرىلعىلارىن تياناقتاندىرۋعا كەپىلدىك ەتكەن جاعدايدا، ءبىز وقىتۋشىلاردى ۇسىنىسپەن قابىلداۋ قىزمەتىن ىستەپ، كەلەر وقۋ ماۋسىمىنان بۇرىن قاتتى، جۇمساق بولشەك قۇرىلعىلارىن تۇگەلدەي ورنالاستىرىپ، قىركۇيەكتە قالىپتى وقۋعا تۇسۋگە كەپىلدىك ەتەمىز.
وسىزاماندانعان بالالار باقشاسى اۋىل-قىستاقتارداعى ەڭ كوركەم ءۇي قۇرىلىسى، ءارى قىستاق تۇرعىندارىنىڭ ءۇمىتى بولدى. وڭتۇستىك شينجياڭنىڭ قوس ءتىل بالالار باقشاسىندا وقىتۋشى جەتىسپەۋ ماسەلەسىن باسەڭدەتۋ ءۇشىن، وتكەن جىلى قازاندا اۆتونوميالى رايون وڭتۇستىك شينجياڭداعى مەكتەپكە ءتۇسۋ الدىنداعى قوس ءتىل وقۋ-اعارتۋىنا كادرلاردى وقۋ-اعارتۋدى قولداۋعا جىبەرۋ قىزمەتىن باستاپ، اۆتونوميالى رايوننان جانە ءار قايسى ايماق، وبلىس، اۋدان، قالالاردان 3 مىڭ كادر وڭتۇستىك شينجياڭنىڭ اۋىل-قىستاقتارىنىڭ قوس ءتىل بالالار باقشاسىنا وقۋ-اعارتۋدى قولداۋعا باردى. چىن تيڭتيڭ شينجياڭ كوركەمونەر ينستيتۋتىنەن ياركەن اۋدانى تاعارچى اۋىلدىق سەنترلى بالالار باقشاسىنا وقۋ-اعارتۋدى قولداۋعا بارعان وقىتۋشى، ول ءار ءبىر بالانىڭ ەرەكشەلىگىنە نەگىزدەلىپ، تالانتىنا قاراي وقىتىپ، وقىتۋ تاجىريبەسىن جەرگىلىكتى ورىنداعى وقىتۋشىلارمەن ورتاقتاستى. ءبىر وقۋ ماۋسىمى وتە شىقتى، بالالاردىڭ تەز ارادا جەتىلۋى چىن تيڭتىڭدى ءسۇيىندىردى، ول بىلاي دەدى: «وسى رەتكى وقۋ-اعارتۋدى قولداۋ قىزمەتى ارقىلى، ۇيرەنگەن، پايدالانعان وقىتۋ بىلىمدەرىمىزدى، تانىمىمىزدى بالدىرعاندارعا شىنايى ىستەتىپ، ءبىرىنشى شەپكە كەلىپ قىزمەت ىستەدىك، ءارى وسى وقىتۋ تانىمى مەن وقىتۋ ادىستەرىن جەرگىلىكتى ورىنداعى اناعۇرلىم كوپ وقىتۋشىعا ۇيرەتىپ، ولارمەن ورتاقتاستىق».
اۆتونوميالى رايوندىق وقۋ-اعارتۋ مەڭگەرمەسى قوس ءتىل وقۋ-اعارتۋى كەڭسەسىنىڭ ورىنباسار مەڭگەرۋشىسى شياڭ ياڭ بىلاي دەپ تانىستىردى: «ءبىز نەگىزىىنەن قوس ءتىل وقۋ-اعارتۋىنداعى بوبەكتەر وقۋ-اعارتۋى مەن باستاۋىش مەكتەپ وقۋ-اعارتۋىنىڭ تۇتاسۋىن جانە باستاۋىش مەكتەپ وقۋ-اعارتۋى مەن ورتالاۋ مەكتەپ وقۋ-اعارتۋىنىڭ تۇتاسۋىن ويداعىداي مىقتى يگەرىپ، مەملەكەتتىڭ ءبىر تۇتاس پايدالانىلاتىن ءتىل وقىتۋىن ءار دارەجەلى، ءار ءتۇرلى وقۋ-اعارتۋدا باستان-اياق دايەكتىلەندىرىپ، ءۇزىلىس بولعىزباي، بۇكىلدەي جالپىلاستىرامىز. ءتۇرلى جولدارمەن قوس ءتىل وقۋ-اعارتۋى جۇمىس ورنىنا وقىتۋشىلاردى تولىقتاپ، قوس ءتىل وقىتۋشىلارىنىڭ جەتىسپەۋ ماسەلەسىن شەشىپ، تاربيەلەۋدى كۇشەيتەمىز، ءتۇرلى جولدار ارقىلى قوس ءتىل وقۋ-اعارتۋى جۇمىس ورنىنداعى وقىتۋشىلاردىڭ جالپى ساپاسى مەن قابىلەتىن جوعارىلاتامىز. تۇتاس قوس ءتىل وقۋ-اعارتۋى جاعىنداعى مەكتەپ قۇرۋ دەڭگەيىن اناعۇرلىم جوعارىلاتىپ، بالالاردىڭ بالالار باقشاسىنا كىرىپ عانا قالماستان، تاعى جاقسى وقۋىنا مۇمكىندىك جاساپ، ولاردىڭ بولاشاق دامۋىنا اناعۇرلىم تاماشا نەگىز قالايمىز».

بەرىپ كەت ورامالىڭدى

دوستار

الىستاعى اق ەركە