جاڭا حابارلار

قوعامدىق قامسىزداندىرۋ جاعىندا حالىققا تيىمدىلىك جەتكىزۋدەن ءار ۇلت بۇقاراسىنىڭ تيىمدىلىككە كەنەلۋ سەزىمى اناعۇرلىم كۇشەيدى

    كەلۋ قاينارى: شينجياڭ حالىق راديو ىستانسياسى    2017-06-15 17:15:48  
ستانسيامىزدىڭ ءتىلشىسى دۇڭ جىيۇڭ، ەرىكتى تىلشىلەر جاۋ يە، ۋاڭ حۇڭداردىڭ حابارىن تىڭداڭىزدار: ج ك پ اۆتونوميالى رايوندىق 9-قۇرىلتايىنان بەرى، رايونىمىز قوعامدىق قامتاماسىزداندىرۋ جاعىندا حالىققا تيىمدىلىك جەتكىزۋ ينجەنەرياسىن ورنىقتى اتقارىپ، قوعامدىق قامتاماسىزداندىرۋدىڭ ءبىرسىپىرا تۇبەگەيلى «كەشەندى شارالارى» ءار ۇلت بۇقاراسىنىڭ تيىمدىلىككە كەنەلۋ سەزىمىن اناعۇرلىم كۇشەيتتى.
بىرنەشە كۇننەن بەرى، قۇمىل قالاسى ەۋىرعۇل رايونى پالۋانتۇر قالاشىعى شينحۋ قىستاعىنىڭ تۇرعىنى گۇلسىماي امەت كەرەك-جاراقتارىن جيناستىرۋمەن، ءارى شيپاحانادان شىعۋ ەسەبىن جابۋ راسمياتىن بىتىرۋمەن ابىگەر بولدى. تاياۋدا، ونىڭ بەل ومىرتقاسى تومپايىپ شىعىپ، قۇمىل قالاسى ەۋىرعۇل رايوندىق حالىق شيپاحاناسىنا ەمدەلۋگە بارادى. راسمياتتى بىتىرگەننەن كەيىن، گۇلسىماي امەت ەرەكشە قۋاندى، سەبەبى بۇل ونىڭ جاڭا قوعامدىق قامتاماسىزداندىرۋ كارتىشكاسىن العاننان كەيىن، قالا-اۋىل تۇرعىندارىنىڭ جاڭا ەمدەۋ قامسىزداندىرۋ ءتۇزىمى بويىنشا تۇڭعىش رەت ەسەپتەن كوتەرۋ ءراسمياتىن ءبىتىرۋى ەدى. ول: «راسميات بىتىرۋگە كەلگەنمىن، جالپى 4 مىڭ يۋان جۇمسادىم، ءوزىم مۇنىڭ ءبىر مىڭ 161 يۋانىن شىعاردىم، بۇل وتە قولايلى بولدى، ەسەپتەن كوتەرۋى دە جاقسى، ءراسمياتتى ءبىتىرۋ دە تەز ەكەن»،-دەدى.
بيىل جىل باسىندا، قۇمىل قالاسى قالا-اۋىل تۇرعىندارىنىڭ ەمدەۋ قامسىزداندىرۋى ءتۇزىمىن بىرىكتىرۋ قىزمەتىن باستاپ ىستەپ، قالا-قالاشىق تۇرعىندارىنىڭ ەمدەۋ قامسىزداندىرۋى مەن اۋىل-قىستاقتاردىڭ جاڭاشا سەلبەسىپ ەمدەۋىن بىرىكتىرىپ، قالا-اۋىل تۇرعىندارىنىڭ ەمدەۋ قامسىزداندىرۋىنا وزگەرتتى. قازىر، قۇمىل قالاسىنىڭ ءتۇرلى بىرىكتىرۋ قىزمەتى جاپپاي ورىندالىپ بولدى. بۇرىنعى اۋىل-قىستاقتاردىڭ جاڭاشا سەلبەسىپ ەمدەۋىنەن يگىلىكتەنەتىن تۇرعىندار ءۇشىن الىپ ايتقاندا، بەلگىلەنگەن ەمدەۋ قۇرىلىمدارىندا، ەمدەۋ قامسىزداندىرۋىنىڭ ەسەپتەن كوتەرىلەتىن ءدارى-دارمەكتەرىنىڭ تىزىمدىگى كوبەيدى؛ بۇرىنعى قالا-قالاشىق تۇرعىندارىنىڭ ەمدەۋ قامسىزداندىرۋىنان يگىلىكتەنەتىن قالا-قالاشىق تۇرعىندارى ءۇشىن الىپ ايتقاندا، ادەتتەگى ەمحانانىڭ ەسەپتەن كوتەرۋىنەن يگىلىكتەنە الاتىن بولدى، ەگەر الەۋمەتتىك اۋماق تۇرعىندارى بەلگىلەنگەن الەۋمەتتىك اۋماقتىڭ دەنساۋلىق ساقتاۋ جاعىندا قىزمەت وتەۋ پۋنكتىنىڭ ەمحاناسىندا ەمدەلسە، ءبىر رەتكى ەمدەۋ قاراجاتىنىڭ %80 تىن ەسەپتەن كوتەرتە الادى. قۇمىل قالاسى ەۋىرعۇل رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى قوعامدىق قامسىزداندىرۋدى باسقارۋ ورتالىعىنىڭ مەڭگەرۋشىسى ۋي گاڭ تىلشىگە، قازىر جاڭا ەمدەۋ قامسىزداندىرۋ ءتۇزىمى 300 مىڭ قالا-اۋىل بۇقاراسىنا تيىمدىلىك جەتكىزگەنىن ايتا كەلىپ بىلاي دەدى: ءبىز قۇرىلىمداردى، ادامداردى، تاعى ساياساتتى بىرىكتىرۋدى ىستەپ بولدىق. قازىر قالا-اۋىل تۇرعىندارىنىڭ اقى تاپسىرۋى، ەمدەۋ قامسىزداندىرۋى مامىلەسى تۇگەلدەي توراپتا ىستەلىپ، قالا-اۋىل تۇرعىندارىنا بارىنشا قولايلىلىق اكەلدى. قىستاق پەن الەۋمەتتىك اۋماقتاردا اقى تاپسىرۋعا بولادى. بەلگىلەنگەن ەمدەۋ قۇرىلىمدارىندا ەمدەۋ مامىلەسى بويىنشا ەسەپتى جابا الادى، بۇل وتە قولايلى بولدى».
قۇمىل قالاسىنان سىرت، بۇراتالا، قىزىلسۋ وبلىستارى دا قالا-اۋىل تۇرعىنداردىڭ ەمدەۋ قامسىزداندىرۋ ءتۇزىمىن بىرىكتىرىپ اتقاردى، ال رايونىمىزداعى باسقا ايماق، وبلىس، قالالار دا وسى قىزمەتتى بىرتىندەپ اتقاردى، وسى جىلدىڭ ىشىندە بىرىكتىرۋ قىزمەتى تۇگەل ىستەلىپ بولادى دەپ مەجەلەنىپ وتىر.
مۇنان سىرت، وتكەن جىلى رايونىمىز تاعى ۇكىمەتتىڭ جەتەكشىلىگىندەگى، ساۋدا قامسىزداندىرۋ سەرىكتەستىگىنە تيجاراتىن باسقارۋ جۇكتەلگەن توسىننان زاقىمدالۋ قامسىزاندىرۋىن قۇرۋمەن بىرگە، تاعى قالا-اۋىل تۇرعىندارىنىڭ سالماقتى ناۋقاسىن ەمدەۋ قامسىزداندىرۋى نەگىزىندە، قالا-قالاشىق جۇمىسشى-قىزمەتكەرلەرىنىڭ سالماقتى ناۋقاسىن ەمدەۋ قامسىزداندىرۋ قىزمەتىن ورىستەتكەندىكتەن، رايونىمىز «جەتى قامسىزداندىرۋ ءبىر قور» داۋىرىنە ءوتىپ، قوعامدىق قامسىزداندىرۋ جۇيەسى بۇرىنعىدان دا كەمەلدەندى. جاقىندا، قاشقار ايماقتىق قوعامدىق قامسىزداندىرۋ مەكەمەسى، تاشقورعان اۋداندىق قوعامدىق قامسىزداندىرۋ مەكەمەسى، جۇڭگو عۇمىر قامسىزداندىرۋ سەرىكتەستىگىنىڭ شينجياڭ بولىمشەسى سياقتى ءۇش مەكەمە ورىننان ۇيىمداسقان بىرىككەن تولەم بەرۋ گرۋپپاسى، تاشقورعان اۋدانىنا بارىپ، وسىنىڭ الدىنداعى جەر سىلكىنىسىندە قازا بولعان بەس ادامنىڭ وتباسىنداعىلارعا توسىننان زاقىمدالۋ قامسىزداندىرۋىنان 250 مىڭ يۋان تولەم بەردى. جەر سىلكىنسىندە قازا بولعان بىرەۋدىڭ تۋىسىنىڭ نەمەرە ءىنىسى باي: ءىنىمنىڭ ۇيىندە ءۇش جان بار، شەشەسى جەر سىلكىنىسىندە قازا بولدى، وتباسىندا قينشىلىق بولعانىمەن، ءبىراق 50 مىڭ يۋان اقشاعا يە بولدى، تاعى قوعامنىڭ ءارسالاسىنداعىلاردىڭ قامقورلىعىندا، ولار قينشىلىق قىسپاعىنان قۇتىلادى، ىنىمە جالعاستى جاقسى وقىپ، مەكەندى قايتا قۇرۋعا تاربيە بەرەمىن،-دەدى.
قازىرگە دەيىن، رايونىمىزداعى زەينەتكەرلىك، ەمدەۋ قامسىزداندىرۋى سياقتى بەس ءتۇرلى قوعامدىق قامسىزداندىرۋعا قاتىناسقان ادام سانى 25 ميلليون ادام رەتتەن استى، وعان سالماقتى ناۋقاستى ەمدەۋ قامسىزداندىرۋىنا جانە توسىننان زاقىمدالۋ قامسىزداندىرۋىنا قاتىناسقانداردى قوسقاندا، جالپى ادام سانى 50 ميلليون ادام رەتتەن اسادى. الدا اۆتونوميالى رايونىمىز قوعامدىق قامسىزداندىرۋ جاعىندا حالىققا تيىمدىلىك جەتكىزۋ ينجەنەرياسىن ۇزبەي ورنىقتى ىلگەرىلەتەدى، ءارى ەكونوميكانىڭ تۇتاس تۇلعالىق دامۋ دەڭگەيىنە ساي، قامسىزداندىرۋعا قاتىناسقانداردىڭ قوعامدىق قامسىزداندىرۋدان يگىلىكتەنۋ مامىلەسىنىڭ دەڭگەيىن ۇزدىكسىز جوعارلاتادى.

بەرىپ كەت ورامالىڭدى

دوستار

الىستاعى اق ەركە