جاڭا حابارلار

تىڭ دامۋ تانىمىن دايەكتى تياناقتاندىرىپ، شينجياڭ ەكونوميكاسىنىڭ ءۇرتىس اقاۋسىز دامۋىن ىلگەرلەتەيىك

    كەلۋ قاينارى: شينجياڭ حالىق راديو ىستانسياسى    2017-06-19 13:23:45  
ستانسيامىزدىڭ تىلشىلەرى لي لۇڭ، ما گولەي، ەرىكتى ءتىلشى اسەننىڭ اقپاراتتىق بايىمداۋىن تىڭداڭىزدار: ءبىر اپتادان كەيىن يىڭسار اۋدانىنداعى شينداشين كيىم-كەشەك شەكتى سەرىكتەستىگىنىڭ سيتلا اۋىلى قالجاق قىستاعىنداعى قوسالقى زاۆوتى وڭدەگەن ءبىر توپ جاستىق قاپ قوراپتالىپ تاسىمالدانادى، ساپا تەكسەرۋشىسى گۇلسىنگۇل ديحان ءاربىر جاستىق قابىنىڭ تىگىسىن مۇقيات تەكسەرىپ، ءونىم ساپاسىنا كەپىلدىك ەتتى.
ءبىر جىلدىڭ الدىندا، گۇلسىنگۇل ديحان قاراپايىم اۋىل ايەلى ەدى. وتكەن جىلى، شينداشين كيىم-كەشەك شەكتى سەرىكتەستىگى قىستاقتا قوسالقى زاۆوت قۇرعاننان بەرى، ول قىستاقتاعى 70 نەشە اپەكە-سىڭىلىسىمەن بىرگە زاۆوتقا بارىپ تىزىمدەلىپ جۇمىسقا قابىلداندى. قۇلشىنا ۇيرەنگەندىكتەن، ول جەتىلىپ ساپا تەكسەرۋشىسىنە اينالدى. گۇلسىنگۇل ديحان:«بۇرىن ۇيدە تەك ەگىس جۇمىسىن ىستەپ، تاماق ازىرلەپ بالا باعاتىنمىن، قازىر جاقىن ماڭنان قىزمەت تاۋىپ، اي سايىن ءبىر دە ەكى مىڭ يۋانعا دەيىن ەڭبەكاقى الامىن، وتباسى تۇرمىس جاعدايىمىز نەداۋىر وڭالدى»،-دەدى.
ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنەن بەرى، رايونىمىز توقىما، كيىم-كەشەك سالاسىن دامىتىپ كاسىپتەنۋدى جەبەۋدىڭ ءبىر قىدىرۋ ءتيىمدى ساياساتتارىن اتقارىپ، جۇڭشيڭ قولعابى، رۋيى توقىماسى، شينداشين سياقتى ءبىر توپ توقىما، كيىم-كەشەك كاسىپورىندارىن يىڭسار اۋدانىندا قارجى قوسىپ زاۆوت قۇرۋعا باۋرادى. وسى كاسىپورىندار «باس شتاپ پەن قوسالقى زاۆوتتىڭ بىرىككەن» ۇلگىسىن قولدانىپ، نەگىزگى تىگىنشىلىك ىستەرىن قىستاقتاعى قوسالقى زاۆوتقا ورنالاستىردى، قىستاق تۇرعىندارى تاربيەلەنگەننەن كەيىن جاقىن ماڭدا كاسىپتەندى. قازىرگە دەيىن، يىڭسار اۋدانى 116 «قوسالقى» زاۆوت قۇرىپ، 6 مىڭنان استام قىستاق تۇرعىنى كاسىپتەندى.
ەكونوميكانىڭ دامۋى كاسىپتەنۋدى جەبەپ، حالىق تۇرمىسىن جاقسارتتى، وسى قۋانارلىق جاعداي تيانشاننىڭ تۇستىگى مەن تەرىستىگىنىڭ جەر-جەرىندە كوزگە شالىنادى. 2014-جىلى ساۋىردە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەرگەندە، «دامۋ شينجياڭنىڭ بارلىق ماسەلەسىن شەشۋدىڭ تەتىگى، ءسوزسىز شىنايى ويداعىداي يگەرۋ كەرەك»،-دەگەندى باسا دارىپتەدى. ءۇش جىلدان بەرى، وتە-موتە ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايون جاڭا دامۋ تانىمىن باتىل دايەكتى تياناقتاندىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى باستى جەلى ەتىپ، ءبىرىنشى كاسىپتى تىڭ دەڭگەيگە كوتەرۋ، ەكىنشى كاسىپتە ءتۇيىندى مىقتى يگەرۋ، ءۇشىنشى كاسىپتى قارىشتاپ دامىتۋدا تاباندى بولىپ، ەرەكشە ابزال كاسىپتەردى جەتىلدىرىپ كوركەيتىپ، شينجياڭ ەكونوميكاسىنىڭ جالپى مولشەرىن ۇزدىكسىز ارتتىرىپ، ەكونوميكالىق قۇرىلىمدى ءۇرتىس ساپالاندىرىپ، شينجياڭ ەكونوميكاسىنىڭ ىقپالىن كۇننەن كۇنگە كۇشەيتتى.
ەلىمىزدەگى كولەمى ەڭ ۇلكەن جەل-ەلەكتر جابدىعىن جاسايتىن ــ شينجياڭ جينفىڭ عىلىم-تەحنيكا شەكتى جارنا سەرىكتەستىگى تەحنيكالىق ارتىقشىلىعىنان پايدالانىپ زەرتتەپ اشقان تەڭىز ءۇستى جەل-ەلەكتر ءونىمى، حالىقارالىق وزىق دەڭگەيگە جەتتى، سەرىكتەستىكتىڭ باس مەڭگەرۋشىسى ياڭ شۇەجۇن بىلاي دەدى: بيىل، نەگىزىنەن ەلىمىزدىڭ وڭتۇستىك بازارلارىن بەتكە الدىق، جالپى تۇلعالىق جاقتان العاندا ونىمدىلىگى جاقسى بولدى، تەڭىز ءۇستى جەل-ەلەكتر ونىمدەرىنە قاتىستى بيىل 500 مىڭ كيلوۆاتتىق ەكى زاكازعا قول جەتكىزدىك. الدا، شەتەل بازارىن بەتكە الىپ تەڭىز ءۇستى جەل ەلەكتر ونىمدەرى ستراتەگياسىن جۇرگىزەمىز، مۇنىڭ حالىقارالىق بازارداعى كولەمى نەداۋىر كەڭ بولادى.
مۇنان سىرت، رايونىمىز ءداستورلى كاسىپتى جەدەل جاڭالاپ جانە جوعارىلاتىپ، كومىر، كومىر-ەلەكتر حيميا ونەركاسىبى، مۇناي، مۇناي حيميا ونەركاسىبى، مەتال، قۇرىلىس ماتەريالدارى، جەڭىل ونەركاسىپ، ازىق-تۇلىك سياقتى ءداستورلى كاسىپتەردىڭ جوعارى دەڭگەيگە قادام قويۋىن كۇش سالا جەبەيدى. باۋشان بولات-تەمىر توبى شينجياڭ ءبىرىنشى تامىر بولات-تەمىر توبى سەرىكتەستىگى عىلىم-تەحنيكا ۇسىنىلىمىن ارتتىرىپ، كوپىرگە، اۆتوموبيلگە پايدالانىلاتىن بولات سياقتى جوعارى قوسىمشا قۇندى ونىمدەردى بىرتىندەپ زەرتتەپ اشىپ، قيىن وتكەلەكتەردەن ءوتىپ قالماستان، شينجياڭنىڭ جاساۋ كاسىبىنىڭ كاسىپ تىزبەگىن كەڭەيتتى. سەرىكتەستىكتىڭ ورىنباسار باس مەڭگەرۋشىسى يۋان ۋاننىڭ بىلاي دەدى: بيىل، ءبىرىنشى تامىز بولات تەمىر توبىنىڭ ءبىرىنشى توقسانداعى ءوندىرۋ-ساتىلىم مولشەرى تەڭ بولىپ، ءبىرىنشى توقساندا تۇتاس سەرىكتەستىك پايدا تاپتى. قازىر، ءبىرىنشى تامىز بولات-تەمىر سەرىكتەستىگى وندىرەتىن بولات-تەمىر ماتەريالدارى نەگىزىنەن ەلىمىزدىڭ باتىس-سولتۇستىك بازارى مەن شينجياڭ بازارلارىنا ويىسۋدا، شينجياڭعا مولىنان قاجەتتى بولات-تەمىردى ءبىرىنشى تامىز بولات-تەمىر سەرىكتەستىگى ءوندىرىپ، شينجياڭ بازارىنىڭ سۇرانىسىن قاناعاتتاندىردى، ءبىرىنشى تامىز بولات-تەمىر سەرىكتەستىگى بۇل جاعىندا ويداعىداي قىزمەت كورسەتتى.
جاڭا دامۋ كوزقاراسىن ولشەم ەتىپ، رايونىمىزداعى 3 ءىرى كاسىپ سايكەستى دامۋدى جۇزەگە اسىردى، جەڭىل، اۋىر ونەركاسىپتەر تەڭ قاداممەن دامىدى، وڭتۇستىك-سولتۇستك شينجياڭدا ورتاق دامىعان، وڭتۇستىك شينجياڭدا جەدەل دامىعان جاعداي قالىپتاستى. اۆتونوميالى رايوندىق قوعامدىق عىلىم اكادەمياسىنىڭ باستىعى گاۋ جيانلۇڭ بىلاي دەدى: شينجياڭنىڭ ەكونوميكاسىنىڭ دامۋىندا ەڭ ماڭىزدىسى ــ پارتيا 18-كەزەكتى ورتالىق كوميتەتى 5-جالپى ماجىلىسىندە العا قويىلعان جاڭالىق اشا دامۋ، سايكەستى دامۋ، جاسىل دامۋ، ەسىك اشا دامۋ،تەڭ يگىلىكتەنە دامۋ دايەكتى تياناقتاندى. جاڭالىق اشۋ ــ ەكونوميكانىڭ دامۋ جەبەۋشى كۇشى جاعىنداعى ماسەلەنى شەشەدى. سايكەستى دامۋ جونىنەن الساق، ەكونوميكا مەن قوعامنىڭ، قالا-اۋىلداردىڭ سايكەستى دامۋىنا سايادى، وڭىرلىك دامۋداعى پارىقتاردى قالاي ازايتقان ءجون؟ مۇندا، وتە-موتە، وڭتۇستىك شينجياڭ ەكونوميكاسىنىڭ دامۋ جىلدامدىعىن جەدەلدەتىپ، ونىڭ ساپاسىن جوعارىلاتۋ، نەگىزگى قۇرىلعى، نەگىزگى الەۋمەتتىك قىزمەت وتەۋ سونداي-اق، ەگىنشى، مالشىلاردىڭ كىرىس دەڭگەيىن جوعارىلاتۋ جانە ارتتىرۋ كەرەك. جاسىل دامۋدا، شينجياڭنىڭ كوگىلدىر اسپان، ءمولدىر سۋ، جاسىل القابىن قالاي ساقتاۋ؟ ەكونوميكانىڭ دامۋىن جەبەۋدە ەڭ اۋەلى، ەكولوگيالىق قورشاعان ورتانى قورعاۋ كەرەك.

بەرىپ كەت ورامالىڭدى

دوستار

الىستاعى اق ەركە