جاڭا حابارلار

حالىق تۇرمىسىن جاقسارتۋدى بارىنشا قامتاماسىزداندىرىپ، حالىققا ءتيىمدى ناقتى ىستەردى كوپتەپ ىستەيىك

    كەلۋ قاينارى: شينجياڭ حالىق راديو ىستانسياسى    2017-06-19 13:38:34  
ستانسيامىزدىڭ تىلشىلەرى حى فەي، ما گولەي جانە ايبىنعازى راحىمان ۇلىنىڭ اقپاراتتىق بايىمداۋىن تىڭداڭىزدار: ەكى كۇننەن بەرى، حوتان ايماعى لوپ اۋدانىنىڭ 2017-جىلعى جالپى حالىقتىڭ دەنساۋلىعىن تەگىن تەكسەرۋ قىزمەتى رەسمي باستالدى. 33 جاستاعى تۇرسىنتوحتى توحتىروزىنىڭ وتكەن جىلى دەنساۋلىعىن تەكسەرتكەندە، باۋىر جىلاۋىعى ناۋقاسىنا شالدىققاندىعى انىقتالعان، ناۋقاسى ەرتە بايقالىپ، ەرتە ەمدەلگەندىكتەن، ەڭبەك قۋاتىنان نەگىزىنەن ايىرىلعان ول، قازىر ەگىس جۇمىسىن ىستەۋدەن سىرت، قىستاقتاعى بەيقۇت ءۇي سالۋ قۇرىلىس ورنىندا ۋاقىتتىق جۇمىس ىستەي باستادى. وسى رەت ول 2-رەتكى دەنساۋلىعىن تەكسەرۋگە دە قاتىناستى. ول: ەگەر حالىقتىڭ دەنساۋلىعىن تەگىن تەكسەرۋ قيمىلى جۇرگىزىلمەسە، ناۋقاستانعانىمدى بىلمەي ەمدەلۋ ۋاقىتىن وتكىزىپ العان بولار ەدىم، مۇنى ويلاۋعا دا باتىلىم بارمايدى، ناۋقاسىم اسقىناتىن بولسا، وتباسىم كۇيرەيدى، پارتيا مەن ۇكىمەتتىڭ جاقسى ساياساتىنا العىس ايتامىن،-دەدى.
ەمدەۋ جاعىندا حالىققا تيىمدىلىك جاساۋعا تاباندى بولۋ، حالىقتىڭ احاۋسىزدىق دەڭگەيىن جوعارىلاتادى. 2016-جىلى قىركۇيەكتە، رايونىمىز جالپى حالىقتىڭ دەنساۋلىعىن تەگىن تەكسەرۋ ينجەنەرياسىن رەسمي باستادى، شينجياڭدىق قالا-اۋىل تۇرعىندارى جىلىنا ءبىر رەت دەنساۋلىعىن تەگىن تەكسەرۋ تيىمدىلىگىنەن يگىلىكتەنەتىن بولدى. 2017-جىلى اقپانعا دەيىن، رايونىمىز ءبىر ميلليارد 490 ميلليون يۋان دەنساۋلىق تەكسەرۋ قارجىسىن شىعاردى، مۇنان 17 ميلليون 500 مىڭ ادام يگىلىكتەندى، ءار ۇلت حالىق بۇقاراسى حالىققا تيىمدىلىك جاساۋ ساياساتى الا كەلگەن ناقتى تيىمدىلىكتى شىنايى سەزىندى. قازىر، رايونىمىزدىڭ كوپتەگەن جەرى 2-رەتكى جالپى حالىقتىڭ دەنساۋلىعىن تەگىن تەكسەرۋ قىزمەتىن ىركەس-تىركەس باستادى، بيىل شينجياڭداعى جىلجىمالى حالىق سانى مەن جوعارى مەكتەپ وقۋشىلارى جالپى حالىقتىڭ دەنساۋلىعىن تەگىن تەكسەرۋ كولەمىنە ەنگىزىلەدى، دەنساۋلىق تەكسەرۋ قارجىسى ءبىر ميلليارد 785 ميلليون يۋانعا جەتىپ، 21 ميلليون ادامنىڭ دەنساۋلىعى تەكسەرىلەدى دەپ مەجەلەنىپ وتىر. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ ورىنباسار باستىعى ليۋ جيانزى بىلاي دەدى: ماۋسىمنىڭ سوڭىنان شىلدەنىڭ باس شەنىنە دەيىن، 2-رەتكى جالپى حالىقتىڭ دەنساۋلىعىن تەگىن تەكسەرۋ قىزمەتى رەسمي باستالادى. قازىر ءبىز يەلەگەن جاعدايعا نەگىزدەلگەندە، نەگىزىنەن قاشقار، حوتان سياقتى ايماق، وبلىس، قالالاردا مىڭنان ارتىق تەحنيككالىق قىزمەتكەر، شيپاگەر تاربيەلەنگەن.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە بىلاي دەپ اتاپ كورسەتتى: شينجياڭنىڭ ءتىپتى دە ويداعىداي، تەز دامۋىن بۇلجىتپاي تاباندىلىقپەن ىلگەرىلەتۋمەن بىرگە، دامۋدى حالىق تۇرمىسىن جاقسارتۋعا، جەرگىلىكتى ورىنعا تيىمدىلىك جەتكىزۋگە، ىنتىماقتى جەبەۋگە تياناقتاندىرىپ، ءار ۇلت حالىق بۇقاراسىنىڭ پارتيانىڭ قامقورلىعى مەن وتانىمىز ۇلى شاڭىراعىنىڭ مەيىرىن شىنايى سەزىنۋىنە مۇمكىندىك جاساۋ كەرەك. ءۇش جىلدان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ ستراتەگيالىق ورنالاستىرۋىن جاپپاي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، عىلىمي شەشىم جاساپ، بارىنشا جەبەگەندىكتەن، حالىق تۇرمىسىن جاقسارتۋدى ءتۇيىن ەتكەن حالىققا تيىمدىلىك جاساۋ ينجەنەرياسى ۇزبەي ىلگەرىلەتىلىپ، حالىق تۇرمىسىن جاقسارتۋ نىساندارى تياناقتاندى.
وسى بارىستا، ءۇرىمجى قالاسىنىڭ كونە قالا رايونىن وزگەرتىپ سالۋ، دارەجەسىن جوعارىلاتۋ ينجەنەرياسى جاپپاي باستالدى، ينجەنەريا كولەمى تيانشان رايونى، سايباق رايونى سىندى 6 قالا رايونىن شارپىپ، وزگەرتىپ سالۋ مىندەتى وتكەن بەس جىلداعى كونە قالا رايونىن وزگەرتىپ سالۋ مىندەتىنىڭ جالپى مولشەرىنەن استى، بۇل ءبىر ميلليون 600 مىڭ ءار ۇلت حالىق بۇقاراسىن تيىمدىلىككە كەنەلتەدى. بيىل رايونىمىز 2 مىڭ 80 قۇرىلىس نىسانىن شوعىرلى باستايدى، بۇعان جيىنى ءبىر تريلليون 133 ميلليارد 400 ميلليون يۋان قارجى قوسىلادى. اۆتونوميالى رايوندىق تۇرعىن ءۇي جانە قالا-اۋىل قۇرىلىس مەڭگەرمەسىنىڭ باستىعى لي شۇەدۇڭ بىلاي دەدى: وسىنشاما كوپ ءتۇيىندى قۇرىلىس نىسانىنىڭ باستاپ سالىنۋى، كەلەلى حالىق تۇرمىسىن جاقسارتۋ ينجەنەرياسىن اتقارۋدا، حالىقتىڭ قوعام اماندىعى مەن ەكونوميكانىڭ دامۋىنا بولعان سەنىمىن ارتتىرۋدا ماڭىزدى ءمان الادى.
كاسىپتەندىرۋ، وقۋ-اعارتۋ، قوعامدىق قامسىزداندىرۋ جاعىندا حالىققا تيىمدىلىك جاساپ، ءار ۇلت حالىقىنىڭ شات-شادىمان، باقىتتى تۇرمىس كەشىرۋ، ريزا بولۋ سەزىمىن ارتتىرۋدى ارقاۋ ەتىپ، جەر-جەر ءتۇرلى ناقتى شارا قولداندى. قاعىلىق اۋدانى بيىل ۋاقىتتىق كومەك بەرۋ قىزمەتىنىڭ تەبىنىن ۇزدىكسىز ارتتىرىپ، ءبىرىنشى توقساندا قينشىلعى بار 485 وتباسىنا 900 مىڭ يۋان ۋاقىتتىق كومەك قاراجاتىن تاراتتى. قاعىلىق اۋدانى جايتەرەك اۋىلى قۇمدوڭ قىستاعىنىڭ ديحانى ءوماريلي تۇردىيەت: قوسىمشا قاراجاتتى العاننان كەيىن، بالام الاڭسىز وقىدى، وتباسىمىزدىڭ ەكونوميكالىق اۋىرتپالىعى دا جەڭىلدەدى،-دەدى.
حالىق تۇرمىسىن جاقسارتۋ قىزمەتى جۇرگىزىلۋدە، بولاشاقتا بۇعان ءتىپتى دە ءمان بەرىلەدى. وسى جونىندە، رايونىمىزدىڭ جەر-جەرى جۇمىسقا ورنالاستىرۋدا ونەرگە تاربيەلەۋ، ەرەكشە ونەركاسىپتى بارىنشا دامىتۋ سياقتىلاردى قالا-اۋىل تۇرعىندارىنىڭ كىرىسىن ارتتىرۋدىڭ ماڭىزدى شاراسى ەتتى. بيىل، سانجى وبلىسى اۋىل، قالاشىقتاردا ەڭبەككۇشتەردى سىرتقا شىعارۋ سەلبەستىك كوپەراتيۆبىن قۇردى، كاسىپورىننىڭ تالابىنا ساي، باعىتتامالى تۇردە ونەرگە تاربيەلەدى. سانجى قالاسى سانگۇڭ قالاشىعى چاڭشىڭ قىستاعىندا، ديحان ما شياۋليڭ پراندىك ءپىسىرۋدى ۇيرنگىسى كەلەتىن، ول وسى رەتكى قىستاقتاعى تەگىن تاربيەلەۋ ورايىن وتە قاستەرلەدى. ول: وتە جاقسى وراي بولدى، پراندىك ءپىسىرۋ ونەرىن ۇيرەنىپ كۋالىك السام، سىرتقا شىعىپ جۇمىس ىستەۋىمە دە قولايلى بولادى،-دەدى. ءۇش جىلدان بەرى، وتە-موتە، اۆتونوميالى رايوندىق 9-پارتيا قۇرىلتايىنان بەرى، جەر-جەردىڭ، تاراۋلاردىڭ بارىنشا قۇلشىنۋىندا، حالىق تۇرمىسىن جاقسارتۋ قۇرىلىسى بارعان سايىن ىشكەرىلەي جۇرگىزىلىپ، حالىق بۇقاراسى ارمانداعان حالىق تۇرمىسىن جاقسارتۋ ماسەلەسى ءونىمدى شەشىلدى، حالىق تۇرمىسىن جاقسارتۋدىڭ جاڭا ساياساتى ارت-ارتىنان شىعارىلىپ، حالىق تۇرمىسىن جاقسارتۋداعى ناقتى ىستەر ارت-ارتىنان تياناقتانىپ، حالىق تۇرمىسىن جاقسارتۋ قىزمەتى بۇقارانىڭ قالاۋىنان شىقتى، ءار ۇلت حالقى حالىق تۇرمىسىن جاقسارتۋدىڭ تيىمدىلىگىنە كەنەلىپ، بۇقارانىڭ يە بولۋ سەزىمى بارىنشا جوعارلادى.

بەرىپ كەت ورامالىڭدى

دوستار

الىستاعى اق ەركە