جاڭا حابارلار

تىزە قوسا سەلبەسىپ، ىنتىماقتاسا وتىرىپ دامۋدىڭ كۇشىن ۇيىستىرايىق

    كەلۋ قاينارى: شينجياڭ حالىق راديو ىستانسياسى    2017-06-19 18:41:40  
ستانسيامىزدىڭ تىلشىلەرى حى بيڭ، ما گولەيلار جازعان اقپاراتتىق بايىمداۋىن تىڭداڭىزدار: وسى سەنبى كۇنى، لوپنۇر اۋداندىق ورمان شارۋاشىلىعى مەكەمەسى توراڭعى ورمانىن باسقارۋ پونكيتىنىڭ باستىعى الي نياز ورنىنان ەرتە تۇرىپ، وتباسىنداعىلارعا ءۇيدى تازالاپ، تاماققا دايىندالۋ سياقتى جۇمىستاردى تاپسىرعاننان كەيىن، ءوزى كولىگىمەن شيڭپيڭ اۋىلىنىڭ كونچى قىستاعىنا تۋىسى جۋ جىنياڭدى ۇيىنە ەرتىپ كەلۋگە كەتتى.
جولدا، الي نياز بيىل كوكتەمدەگى قالامشاسىنىڭ ەندى ساتىلىپ بولىپ، جۋ جىنياڭ كاريانىڭ 12 مىڭ يۋان كىرىس كىرگىزگەنىن، ءوزىنىڭ قالامشانى جالعاستى ەگە تۇسپەك بولعان ەسەبىن ايتا كەلىپ بىلاي دەدى: «قازىر باسقا قالامشا ەگۋدىڭ ۋاقىتى ءوتىپ كەتتى، ءبىز اقىلداسقاننان كەيىن جاي پىساتىن اس بۇرشاق ەگۋدى ءجون كوردىك، وسىنىڭ وزىنەن ءبىر جىلدا 3 مىڭ يۋان كىرىس كىرەدى. اس بۇرشاقتان كەيىن قاراشادا قالاماشا ەگە باستايمىز. وسىلاي ەسەپتەسەك جىلىنا 5 مىڭ يۋان كىرىس كىرەدى، بۇل ونىڭ تۇرمىستىق قاراجاتىنا جەتەدى».
تۇستە، ءبىر ءۇيلى جان تاماقتى كوڭىلدەنە وتىرىپ ءىشتى، ءالي نياز كارياعا دەنساۋلىعىنا اباي بولىپ، جۇمىسى بولسا تەلەفون شالۋدى قادالاعاندا، جۇزىنە كۇلكى ۇيىرىلگەن جۋ جىنياڭ باسىن قايتا-قايتا يزەپ ماقۇلدىق ءبىلدىردى، ول ءوزىنىڭ ءبىر ۇلى كوبەيگەندەي سەزىنگەنىن ايتا كەلىپ بىلاي دەدى: «ايىنا از دەگەندە 3تە 4 رەت نەمەسە 4 تە 5 رەت كەلىپ تۇرادى، كەيدە كۇن ارالاتىپ كەلەدى، تەلەفون شالسام 10 مينۋتتا جەتىپ ۇلگىرەدى. ءبىر ۇلىم كوبەيگەندەي بولىپ قالدىم، اتىزدا، ۇيدە جۇمىس بولسا بولعانى، ول قاسىمنان تابىلادى».
وتكەن جىلى اۆتونوميالى رايون «ۇلتتار ىنتىماعىنىڭ ۇلى شاڭىراعىندا» قيمىلىن ورىستەتكەننەن بەرى، رايونىمىز ءار دارەجەلى اكىمشىلىك ءىس ورىنداعى پارتيالى كادرلاردى باس بولىپ، ءار ادام نەگىزگى ساتىداعى ءبىر بۇقارا وتباسىمەن سەرىكتەسىپ، پارتيالى كادرلاردىڭ تۋىستىق قاتىناس ورتاتۋىن بۇكىلدەي جالپىلاستىردى، ءالي نياز بەن 69 جاستاعى جۋ جىنياڭ سولاردىڭ ءبىرى. ولار سياقتى بۇگىنگى كۇنى، كەڭ بايتاق شينجياڭ دالاسىندا، رايونىمىزداعى ءبىر ميلليوننان ارتىق كادر مەن جۇمىسشى-قىزمەتكەر نەگىزگى ساتىداعى ءار ۇلت بۇقاراسىمەن تۋىسقاندىق قاتىناس ورناتىپ، ۇلتتار ىنتىماعىنا قاتىستى اسەرلى اڭگىمەلەر تيانشاننىڭ تۇستىگى مەن تەرىستىگىندە كەڭىنەن تارالۋدا.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە: «شينجياڭ ماسەلەسىندەگى ەڭ ۇزاق بولاشاقتىعى تاعى دا ۇلتتار ىنتىماعى ماسەلەسى»، ــ دەپ اتاپ كورسەتتى. ءۇش جىلدان بەرى، وتە-موتە، ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايوندىق پارتكوم پارتيانىڭ ۇلت ساياساتىن جاپپاي دايەكتىلەندىرىپ، ءار ۇلتتىڭ ۇلى ىنتىماعى تۋىن بيىك ۇستاپ، ۇلتتار ىنتىماعى ۇگىت تاربيە ايى مەن ۇلتتار ىنتىماعى العاباسارلىعىنداعى وركەنيەتتى ورىندى بىرگە قۇرۋ قيمىلىن ىشكەرىلەي ورىستەتىپ، ارميا مەن ۇكىمەت، ارميا مەن حالىق، ساقشى مەن حالىق، بيڭتۋان مەن جەرگىلىكتى ورىننىڭ ىنتىماعىن كۇشەيتىپ، ءار ۇلت بۇقاراسىن «3 تىڭ ءبىر-بىرىنەن ايرىلا الماۋ» يدەياسىن بەرىك ورناتىپ، ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە مۇراتتاستىعىن ۇزدىكسىز كۇشەيتىپ، ءار ۇلت بۇقاراسىن بىرگە ۇيرەنىپ، بىرگە تۇرمىس كەشىرىپ، بىرگە قىزمەت ىستەپ، توننىڭ ىشكى باۋىنداي ىنتىماقتاستىردى.
13 جىلدىڭ الدىندا گانسۋدان قاشقار ايماعىنىڭ قاشقار كونە ءشارى اۋدانى زەمىن اۋىلىنا كەلگەن جاڭ دىلي قاشقار كونە ءشارى اۋدانىن ءوزىنىڭ ەكىنشى مەكەنىنە بالادى. ول تىلشىگە، سول جىلدارى شينجياڭعا كەلگەندە، ۇيعۇر اۋىلداستارىنىڭ كومەگىندە، ورنىعىپ العانىن ايتتى. بۇگىنگى كۇنى، جاڭ دىلي قىستاق تۇرعىندارىمەن بىرگە اۋىل شارۋاشىلىق كوپەراتيۆىن قۇرىپ، كوكونىستى تاپسىرىس بويىنشا ساتۋمەن شۇعىلدانادى. ول بىلاي دەدى: «ارامىزدا تۋىستىق سۇيىسپەنشىلىك بار. ءار جولى ۇيگە ۇلكەن كىسىلەر، بالالارىم كەلگەندە، كوپتەگەن ديقان ولاردى ۇيىنە قوناققا شاقىرادى، مەنىڭ دە، بالامنىڭ دا نوپوسى وسى جەردە، راسىندا كەتكىمىز كەلمەيدى».
وتكەن جىلدىڭ باسىندا، رەسمي اتقارىلعان «شينجياڭ ۇيعۇر اۆتونوميالى رايونىنىڭ ۇلتتار ىنتىماعى العاباسارلىعى قىزمەت ەرەجەسى» شينجياڭنىڭ ۇلتتار ىنتىماعى العاباسارلىعى ىستەرىن زاڭمەن ونان ارى جونگە سالۋ ءتاسىلى ارقىلى ارناعا ءتۇسىردى جانە قامتاماسىزداندىردى. جەر-جەر، تاراۋلار بەلسەنە ارەكەتكە كەلدى، حوتان ايماعى ءوزارا ءتىل، سالت-سانا، تاجىريبە ۇيرەنۋ سياقتى 7 ناقتىلى مىندەتتى ورنالاستىردى؛ اۆتونوميالى رايونعا توتە قاراستى ورگاندار قىزمەت كوميتەتى كومەكتەسىپ سۇيەمەلدەۋ قورىن قۇرىپ جانە اقىلداسۋ مەحانيزمىن ورناتىپ، مەكەمە ورىن قارجى شىعارىپ، كادر مەن جەكە جىلۋ اتاۋ سياقتى تاسىلدەرمەن قارجى دايىنداپ، تۋىسقاندىق قاتىناس ورناتقان وتباسىندا ماڭىزدى جاعداي تۋىلعاندا نەمەسە ءوندىرىس پەن تۇرمىستا اۋىر قيىنشىلىققا ۇشىراعاندا قارجىلاي كومەكتەستى؛ ءۇرىمجى قالاسى ۇلتتار ىنتىماعى اۋلاسىن، ۇلتتار ىنتىماعى مەكتەبىن، ۇلتتار ىنتىماعى مەشىتىن، ۇلتتار ىنتىماعى جاعىندا قىزمەت كورسەتۋ ۇلگىلى ورنىن قۇرۋ قيمىلدارىن ورىستەتىپ، تۇزىمدەنگەن، ۇدايىلانعان، ۇتىمدى شارالار ۇلتتار ىنتىماعى ىستەرىن پارمەندى جەبەدى. اۆتونوميالى رايوندىق قوعامدىق عىلىمدار اكادەمياسى قوعام زەرتتەۋ ورنىنىڭ باستىعى زىڭ حىپيڭ بىلاي دەدى: «ۇلكەن ىستەرگە وي جۇگىرتىپ، كىشى-گىرىم ىستەرگە بەل شەشە كىرىسكەندە عانا ۇلتتار ىنتىماعى العاباسارلىعى قىزمەتىنىڭ ناتيجەسىن كوزبەن كورىپ، قولمەن ۇستاۋعا بولادى، ۇلتتار ىنتىماعى العاباسارلىعى قىزمەتى ءىس جۇزىندە ادامدار اراسىنداعى ىنتىماق، ال ادامدار اراسىنداعى ىنتىماق سۇيىسپەنشىلىكتەن باستاۋ الادى».

بەرىپ كەت ورامالىڭدى

دوستار

الىستاعى اق ەركە