جاڭا حابارلار

كەدەيلىكتەن قۇتىلدىرۋ جولىندا بىردە-بىرەۋى قاعىس قالماۋى كەرەك

    كەلۋ قاينارى: شينجياڭ حالىق راديو ىستانسياسى    2017-06-20 19:36:52  
ستانسيامىزدىڭ تىلشىلەرى حى بين، ما گولەي، ايبىنحازى راحىمان ۇلى جازعان اقپاراتتىق بايىمداۋدى تىڭداڭىزدار: تۇستە، مارالباسى اۋدانى ساربۇيا قالاشىعى ونەركاسىپ باقشا رايونىنىڭ تەمپوراتۋراسى 35 سەلتسي گرادۋستان اسسادا، ي-مەي كيىم-كەشەك شەكتى جارنا سەرىكتەستىگىنىڭ كيىم ۇتىكتەۋ سەحىندا جۇمىسشىلار اۋەلگىدەي قاربالاس جۇمىس ىستەدى.
45 جاستاعى ايشامگۇل ياسىن ۇستازى لۋ گوشيۇڭنىڭ جەتەكشىلىگىندە، فابريكادان شىعۋ الدىنداعى كيىمدەردى مۇقيات ۇتىكتەدى. تۇسكى تاماق ۋاقىتى بولايىن دەگەندە، ايشامگۇل ياسىن 200 پارعا جۋىق كيىمدى ۇتىكتەپ بولدى. ماڭدايىنان اققان تەرىن سۇرتىپ قويىپ، تاماق سالاتىن قالبىرىن كوتەرگەن ايشامگۇل ياسىن فابريكانىڭ اسحاناسىنا كەلىپ تاماقتاندى. ول تىلشىگە بىلاي دەدى: وسىنداي قاربالاس تۇرمىس ماعان ۇنايدى. وسى جەرگە كەلگەننەن كەيىن ۇستازىم ماعان تىگىن ماشيناسىن مەڭگەرۋدى جانە كيىم ۇتىكتەۋ تەحنيكاسىن ۇيرەتتى، ۇيدەن فابريكاعا 10 مينۋتتا-اق جەتەمىن، تاڭەرتەڭ ساعات 10 دا قىزمەتكە شىعامىن، ساعات 7 دە جۇمىستان تۇسەمىن، تۇستە فابريكادان تاماقتانامىز، باستابىندا 80 پار عانا كيىم ۇتىكتەيتىنمىن، قازىر، 300 دە 350 پارعا دەيىن كيىم ۇتىكتەيتىن بولدىم.
مارالباسى اۋدانى اۋىل-قالاشىقتاردان قوسالقى فابريكا اشتى، مۇندا، قولمەن كىلەم توقۋ، جەرگىلىكتى كەزدەمە توقۋ، كىلەمدى ماشينا ارقىلى تۇزەۋ، كيىم-كەشەك مانەرلەۋ سياقتى كوپتەگەن كاسىپ تۇرلەرى قامتىلىپ، كەدەي ديقانداردى وتباسىنىڭ ماڭىندا كاسىپتەندىردى. بۇل جەردە، ايشامگۇل ياسىننىڭ ايلىق كىرىسى ءبىرمىڭ 500 دە 2 مىڭ يۋان، جولداسىنىڭ اي سايىن سىرتتا جۇمىس ىستەپ تاپقان تابىسىمەن قوسىلىپ، بىلتىر، ايشامگۇل ياسىن وتباسى رايونىمىزداعى 600 مىڭنان استام كەدەي جان سانىمەن بىرگە كەدەيلىكتەن قۇتىلدى.
بيىل، رايونىمىز 590 مىڭ كەدەي جان سانىن ۋاعىندا كەدەيلىكتەن قۇتىلدىرۋ، 800 كەدەي قىستاقتى، 10 كەدەي اۋداندى كەدەيلىكتەن قۇتىلدىرۋ سىندى كەدەيلىكتەن قۇتىلدىرۋدان قامال الۋ مىندەتىن تۇراقتاندىردى. وسى نىسانانى جۇزەگە اسىرۋ ءۇشىن، اۆتونوميالى رايون «التىنى دالمە-دال ورىنداۋ» تالابىن جاپپاي تياناقتاندىرىپ، «بەس ءبىر توپتى» كەدەيلىكتەن قۇتىلدىرۋ جولىنا تاباندى بولىپ، ءبىر قىدىرۋ ەرەكشە ءتيىمدى ساياسات-شارالاردى العا قويدى، اناعۇرلىم مىعىم بەكىم، اناعۇرلىم دالمە-ءدال شارالار، كۇشتى تەبىن ارقىلى كەدەيلىككە سايىس جاريالادى.
ۇشتۇرپان اۋدانى جاڭا اۋات اۋىلى ــ شالعاي شەكاراعا ورنالاسقان اۋىل، ناشار جاراتىلىستىق شارت-جاعدايى مەن جالاڭ كىرىس قاينارى ــ ەگىنشى-مالشىلاردىڭ كەدەيلەسۋىندەگى نەگىزگى فاكتور. بيىل جىل باسىنان بەرى، ءۇشتۇرپان اۋدانى « كەدەيلەردى باسقا جەرگە كوشىرىپ سۇيەمەلدەۋ» تەبىنىن ارتتىرىپ، وسى جەردەگى ەگىنشى-مالشىلاردىڭ تاۋ قويناۋىنان شىعۋىنا كومەكتەستى. اۋىلدىق ۇكىمەتتەن 70 كيلومەتر شالعايداعى جاڭارت تاۋىندا تۇراتىن كەدەي وتباسى امەتجان قادر كوشۋدەن باس تارتقان 280 ەگىنشى-مالشى وتباسىنداعىلارمەن بىرگە تاۋدان ءتۇسىپ اۋىل جوبالاعان «كەدەيلەردى باسقا جەرگە كوشىرىپ سۇيەمەلدەۋ، ورنالاستىرۋ ءتۇيىنىن» كورگەننەن كەيىن كوشۋ بەكىمىنە كەلەدى. ول: وتىرىقتاندىرۋ ءتۇيىنىن كوردىم، شارت-جاعدايى وتە جاقسى ەكەن، قىستا قويدى قوراعا، جازدا سىرتقا باعادى ەكەنبىز، قۇلشىنا ەڭبەكتەنىپ تابىسىمدى مولايتامىن،-دەدى.
باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىندە بىلاي دەپ اتاپ كورسەتتى: كەدەيلەردى سۇيەمەلدەۋ قارجى ۇسىنىلىمىن ارتتىرىپ، ونى ەگىن-مال شارۋاشىلىق رايونىنا، شەكارا رايونعا، ەرەكشە قيىنشىلىعى بار بۇقاراعا ءتۇيىندى بەيىمدەپ، كەدەيلەردى دالمە-ءدال سۇيەمەلدەۋ مەحانيزىمىن ورناتىپ، كەدەيلەردى ءتۇيىندى ءارى تۇبەگەيلى سۇيەمەلدەۋ، بارلىق كەدەي وتباسىلارىن سۇيەمەلدەۋ كەرەك. 3 جىلدان بەرى، رايونىمىز كەدەيلەردى سۇيەمەلدەۋدە قازىنادان 21 ميلليارد 930 ميلليون يۋان ارناۋلى قارجى بوساتىپ، ءبىر ميلليون 390 مىڭ كەدەي جان سانى كەدەيلىكتەن قۇتىلدى، كەدەي قىستاقتىڭ %71 ىندە وقۋعا تۇسۋدەن بۇرىنعى قوس تىلدە تاربيەلەۋ ورنى بار بولدى، كەدەي قىستاقتىڭ %68 ندە جاڭادان ەمحانا سالىنىپ، 31 مىڭ 600 كەدەي وتباسىنىڭ ەمدەۋ، قامتاماسىزداندىرۋ ماسەلەسى شەشىلدى، قالا-اۋىلدى ءبىر تۇتاس جوسپارلاۋ، جالپى حالىق قامتىلعان نەگىزگى زەينەتكەرلىك قامسىزداندىرۋ جانە نەگىزدىك ەمدەۋ قامسىزداندىرۋ ءتۇزىمى ورنادى، كەدەي جان سانىنىڭ اۋىل-قىستاقتاردىڭ جاڭاشا سەلبەسىپ ەمدەۋىنە قاتىناسۋ مولشەرى %100 كە، سالماقتى ناۋقاستى قامسىزداندىرۋعا قاتىناسقاندار مولشەرى %100 كە جەتىپ، قالىڭ كەدەي بۇقارا كەدەيلىكتەن قۇتىلىپ، باقىتتى تۇرمىس كەشىردى.
شينجياڭنىڭ 2020-جىلعا بارعاندا بۇكىل ەلىمىزبەن تەڭ جاپپاي دوڭگەلەك داۋلەتتى قوعام قۇرۋىنا كەپىلدىك ەتۋ ءۇشىن، شينجياڭدا جوعارىدان تومەنگە دەيىن « تۇتاس قامتىۋدى» كوزدەپ، اۆتونوميالى رايوننىڭ « كەدەيلىكتەن قۇتىلدىرۋدان قامال الۋداعى 13-بەسجىلدىق پلانىن» قۇراستىردى، اۋماقتار، كەدەي اۋداندار، كەدەي قىستاقتار دارەجە بويىنشا لايىقتى جوبا جاساپ، « 4 دارەجەلى» جوبا جۇيەسىن قالىپتاستىردى. جوبانى اتقارۋ، كەدەيلىكتەن قۇتىلدىرۋ، رايونىمىز ىشىندە سەلبەسۋ، شينجياڭعا كومەكتەسىپ كەدەيلەردى سۇيەمەلدەۋ، ناتيجەسىن باعالاۋ، تەكسەرۋگە قۋزاۋ سياقتى قىزمەت جۇيەسىن ارقاۋ ەتىپ، اۆتونوميالى رايون ەرەكشە كاسىپتى جەبەۋ، باسقا سالادا كاسىپتەندىرۋ سىندى « 10 ءىرى ارناۋلى ارەكەتتى» اتقارۋ جوباسىن بەلگىلەپ، كەدەيلىكتەن قۇتىلدىرۋدان قامال الۋ ءتۇزىلىس مەحانيزىمىن العاشقى ادىمدا ورناتىپ، تۇتاس قوعامدا كەدەيلىكتەن قۇتىلدىرۋدان قامال الۋدى بىرلىكتە جەبەۋدىڭ دابىرالى تاماشا جاعدايىن قالىپتاستىردى. اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى ما چىڭ بىلاي دەدى: 2020-جىلعا بارعاندا 2 ميلليوننان استام كەدەي جان سانىنىڭ تۇگەل كەدەيلىكتەن قۇتىلۋىنا كەپىلدىك ەتىلەدى، وڭتۇستىك شينجياڭداعى 3 ايماق، ءبىر وبىلىستى، شەكارا رايوندى، ەرەكشە قيىنشىلىعى بار تاۋلى رايوندى كەدەيلىكتەن قۇتىلدىرۋدان قامال الۋداعى نەگىزگى شايقاس مايدانى ەتۋ كەرەك. كەدەيلەردى دالمە-ءدال سۇيەمەلدەۋ، دالمە-ءدال كەدەيلىكتەن قۇتىلدىرۋعا تاباندى بولىپ، «كىمدى سۇيەمەلدەۋ»، «كىم سۇيەمەلدەۋ»، «قالاي سۇيەمەلدەۋ»، «قالاي كەدەيلىكتەن قۇتىلدىرۋ» ماسەلەسىن ءتۇيىندى شەشىپ، ساياسي ابىزالدىلىقتى ساۋلەلەندىرىپ، كەدەيلەردى سۇيەمەلدەۋ، كەدەيلىكتەن قۇتىلدىرۋ جاۋاپكەرلىگىن تياناقتاندىرۋ، كەدەيلەردى سۇيەمەلدەۋ ۇسىنىلىمىن كورنەكتى ارتتىرىپ، ساياسي بىرىككەن كۇش قالىپتاستىرۋ، ءارقايسى كۇشتەردى كەدەيلىكتەن قۇتىلدىرۋدان قامال الۋ مىندەتىن جاپپاي ورىنداۋعا، بىردە-ءبىر كەدەي رايوندى، بىردە-ءبىر كەدەي بۇقارانى قاعىس قالدىرۋماعا جۇمىلدىرۋ ءتيىس.

بەرىپ كەت ورامالىڭدى

دوستار

الىستاعى اق ەركە