جاڭا حابارلار

كورىكتى شينجياڭنىڭ اسپانىنىڭ اناعۇرلىم اشىق، جەرىنىڭ اناعۇرلىم جاسىل، سۋىنىڭ اناعۇرلىم ءمولدىر بولۋىنا مۇمكىندىك جاراتايىق

    كەلۋ قاينارى: شينجياڭ حالىق راديو ىستانسياسى    2017-06-21 20:05:21  
ستانسيامىزدىڭ ءتىلشىسى سۇن ۋي جازعان اقپاراتتىق بايىمداۋدى تىڭداڭىزدار: تاياۋدان بەرى، ءۇرىمجى قالاسىنىڭ ساياپىل كولىنە قوناقتاعان جىل قۇستارى بارعان سايىن كوبەيدى. اق قۇتان، جابايى ۇيرەك سياقتى قورعالاتىن حايۋاناتتار توپ-توبىمەن كەلەتىن بولدى. ال وسىنداي اسپانى مەن سۋى كوگىلدىر، سۋ قۇستارى قوناقتاعان كورىنىس ءۇش جىلدىڭ الدىندا دەرلىكتەي عايىپ بولعان-ەدى. ءۇرىمجى ساياپىل كولى مەملەكەتتىك سازدىق باقشاسىن باسقارۋ باسقارماسىنىڭ باستىعى ياڭ شيانرۇڭ تىلشىگە، ءۇرىمجى قالاسىنىڭ پايدالاناتىن سۋ مولشەرى مەن كول رايوننىڭ جوعارعى اعارىنداعى اۋىل شارۋاشىلىعىنا پايدالانىلاتىن سۋ مولشەرىنىڭ ۇزدىكسىز ارتۋىنا بايلانسىتى، ساياپىل كولىنىڭ ايدىنى ءبىر مەزەت كۇرت تارايىپ، كەزىندە 29 شارشى كيلومەترگە دە جەتپەي قالىپ، مۇلدە تارتىلىپ قالۋعا تاياعانىن ايتىپ:« 2014-جىلى، كولدىڭ سۋ ايدىنىنىڭ اۋماعى 0.2 شارشى كيلومەترگە جەتپەي قالدى. ساياپىلدىڭ توڭىرەگىندەگى ەگىستىك جەردى تىنىقتىرىپ كولدىڭ سۋىن تولىقتاۋ بارىسىندا، جالپى 20 مىڭ مۋدان استام ەگىستىك تىنىقتىرىلىپ، 24 قۇدىق جابىلدى. سونىمەن بىرگە وسى توڭىرەكتە سۋ سۇرىپتاۋعا شەك قويىلدى. سونىمەن سازدىقتىڭ اۋماعى 16 شارشى كيلومەترگە جەتتى»،-دەدى.
وتكەن جىلدىڭ سوڭىندا، ساياپىل كولى مەملەكەتتىك سازدىق باقشاسى باعالاۋىنان ءوتتى. قازىر كەمەلدەندىرىلۋدەگى سۋ دەڭگەيى، جابايى حايۋاناتتاردى ۇستىنەن باقىلاۋ-تەكسەرۋ جۇيەسى مەن سۋ بايلىعى ءوڭىرى قورشاۋى، ەكولوگيالىق كول جاعاسىن بەكەمدەۋ سياقتى نەگىزگى قۇرىلىعى قۇرىلسىتارى كولدى قورعاۋعا، ەكولوگيانى قالپىنا كەلتىرۋگە بارىنشا كەپىلدىك ەتتى. ياڭ شيانرۇڭ: «سازدىق باقشاسى، نەگىزگى تۇلعالىق قۇرىلعىلارى كەمەلدەنگەننەن كەيىن، دابانچىڭنىڭ جەرگىلىكتى ساياحاتى مەن ەكونوميكاسىنىڭ دامۋىن جەتەكتەي الادى، سايىپ كەلگەندە، تاماشا ەكولوگيالىق ورتانىڭ ءوزى بايلىق»،-دەدى.
باس شۋجي شۋي جينپيڭ ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىندە بىلاي دەپ اتاپ كورسەتتى: شينجياڭنىڭ دامۋىندا ەكولوگيالىق ورتا ەرەكشەلىگىن تولىق ويلاسۋ، ەكولوگيالىق ورتانى قورعاۋعا اناعۇرلىم ءمان بەرۋ، دامۋ بارىسىندا قورعاۋ، قورعاۋ بارىسىندا دامۋعا تاباندى بولىپ، ەكونوميكا مەن قوعامنىڭ باياندى دامۋىن جۇزەگە اسىرۋ كەرەك. ءۇش جىلدان بەرى، وتە-موتە ج ك پ اۆتونوميالى رايوندىق 9-قۇرىلتايىنان بەرى، ورتالىقتىڭ «بەستى ءبىر تۇلعالاندىرۋ» باستى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنىڭ جەتەكتەۋىندە، اۆتونوميالى رايون ەكولوگيالىق ورتانى قورعاۋ-وندىرگىش كۇشتى قورعاۋ، تاماشا ەكولوگيالىق ورتانىڭ ءوزى بايلىق دەيتىن تانىمدى بەرىك ورناتتى. ەكولوگيانى قورعاۋ تومەنگى شەگىنە قاتاڭ بويسۇنىپ، «لاستاۋ مولشەرى جوعارى، ەنەرگيا سارىپ ەتۋ مولشەرى جوعارى، لاس زاتتاردى ىعىستىرۋ مولشەرى جوعارى» نىسانداردىڭ شينجياڭعا كىرۋىنە قاتاڭ تيىم سالىپ، ەنەرگيا، كەن بايلىعىن اشۋدى اۆتونوميالى رايوندىق ۇكىمەت ءبىر جولاتا قاراپ بەكىتۋ ءتۇزىمىن ورناتىپ، ورتانى قورعاۋدا «ءبىر داۋىسپەن تەرىستەۋدى» اتقارىپ، ەكولوگيالىق ورتانى قورعاۋ قۇرىلىسىن ۇزدىكسىز كۇشەيتتى.
كوركەم القاپتى قورعاۋ ءۇشىن، بۇراتالا وبلىسى اراسان اۋدانىنىڭ ىشكى ءوندىرىسىنىڭ جالپى ءونىم قۇنىن باعالاماي، ەكولوگيالىق ورتانى الدىمەن باعالاۋدى اتقاردى. اراسان اۋدانىنىڭ ورىنباسار اكىمى امانكەلدى: «بوعدا تاۋىمىزدىڭ جاسىلدانۋ مولشەرى 3 مىڭ مۋدان استى، بۇل تۇگەلدەي قالانىڭ تۇرمسىتىق لاس سۋىن قايتالاي پايدالانۋدىڭ ونىمدىلىگى سانالىپ، تاقىر تاۋ جاسىل تاۋعا اينالدى. بيىل 10 ميلليون يۋان قارجى قوسىپ، قۇرىلىس كولەمىن كەڭەيتەمىز»،-دەدى.
ەكولوگيانى قورعاۋ قۇرىلىسى كۇشەيتىلىپ، كورىكتى شينجياڭ اسپانىنىڭ اناعۇرلىم اشىق، جەرىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاراتىلدى. قازىرگە دەيىن، رايونىمىز بويىنشا جالپى 3 ميلليون 948 مىڭ 200 گەكتار سازدىق بار، سازدىق ەكولوگيالىق جۇيەسىنىڭ ەكولوگيالىق ونىمدىلىگى كۇن سايىن كورنەكتىلەندى. تۇتاس رايونىمىزداعى وزەندەردىڭ سۋى جالپى العاندا ساپالىلىعىن ساقتاپ، وزەن اعارلارىنىڭ ساپالىلىق مولشەرى 2013-جىلداعى %94.8 تەن ارتىپ، 2016-جىلى %97.6 كە جەتىپ، ەلىمىز بويىنشا وزدىك دەڭگەيگە كوتەرىلدى. اۆتونوميالى رايوندىق ورتانى قورعاۋ مەڭگەرمەسى جاراتىلستىق ەكولوگيانى قورعاۋ باسقارماسىنىڭ باستىعى پان فىڭ:« مەملەكەت دارەجەلى جانە اۆتونوميالى رايون دارەجەلى جاراتىلستىق قورىق 29 عا، ونىڭ اۋماعى 196 مىڭ 800 شارشى كيلومەترگە جەتتى، بۇل تۇتاس رايونىمىزدىڭ جەر اۋماعىنىڭ %11.82 ىن يەلەدى. بۇل سالىستىرما بۇكىل ەلىمىزدە نەداۋىر جوعارى، ورمانمەن كومكەرىلۋ مولشەرى 2015-جىلداعىدان ارتتى. ءتۇرلى ساندى مالىمەتتەر 2016-جىلى جالپى ەكولوگيالىق ورتانىڭ نەداۋىر وڭالىپ، جالپى العاندا ورنىقتىلىقتى ساقتاعانىن كورسەتتى»،-دەدى. بيىل 1-قاڭتاردان باستاپ، «اۆتونوميالى رايوننىڭ ورتانى قورعاۋ ەرەجەسى» رەسىمي اتقارىلعان سوڭ، ەكولوگيانى قورعاۋ تانىمى ونان ارى جوعارلاپ، ءتۇرلى قامتاماسىزداندىرۋ شارالارى جاپپاي كۇشەيتىلدى. لاستانۋدىڭ الدىن-الۋ جانە وڭاۋ قىزمەتىن كۇشەيتۋ ءۇشىن، اۆتونوميالى رايوندىق حالىق ۇكىمەتى تاعى دا ىلگەرىندى-كەيىندى «اۆتونوميالى رايوننىڭ اتموسفەرا لاستانۋىنىڭ الدىن الۋ جانە وڭاۋ ارەكەت جوسپارىن اتقارۋ جوباسىن»، «اۆتونوميالى رايوننىڭ سۋدىڭ لاستانۋىنىڭ الدىن-الۋ جانە وڭاۋ قىزمەت جوباسىن»، «اۆتونوميالى رايوننىڭ توپىراقتىڭ لاستانۋىنىڭ الدىن الۋ جانە وڭاۋ قىزمەت جوباسىن» باسىپ تاراتىپ، اتموسفەرانىڭ، سۋدىڭ، توپىراقتىڭ لاستانۋىنىڭ الدىن الۋ جانە وڭاۋدىڭ ءۇش ماڭىزدى شايقاسىن جاپپاي باستادى. اۆتونوميالى رايوندىق ورتانى قورعاۋ مەڭگەرمەسىنىڭ اعا ينجەنەرى ۋىن يۇيبياۋ: «ءتۇزىم جاعىنداعى جوعارى دارەجەلى جوبانى جاقسى جاساپ، ەكولوگيالىق وركەنيەت جۇيەسىن كەمەلدەندىرىپ، ءتابيعي بايلىققا ءوزىن وڭايتىن وراي جاراتقانىمىزدا ول اۋەلگى قالپىنا كەلەدى، ءبىز ۇيلەسىمدى اشىپ پايدالانىپ، حالىق بۇقاراسىنىڭ اناعۇرلىم جاقسى تابىس سەزىمىنە يە بولۋىنا مۇمكىندىك جاراتمىز»،-دەدى.

بەرىپ كەت ورامالىڭدى

دوستار

الىستاعى اق ەركە