جاڭا حابارلار

ورنىقتىلىقتى قورعاۋدىڭ ىرگە تاسىن بەرىك قالايىق

    كەلۋ قاينارى: شينجياڭ حالىق راديو ىستانسياسى    2017-06-27 20:30:27  
ستانسيامىزدىڭ تىلشىلەرى چاي لين، ما گولەي، لەيميڭدەر جازعان حاباردىڭ ءبىرىنشى ءبولىمىن تىڭداڭىزدار: 2014-جىلى 27-ساۋىردەن 30-ساۋىرگە دەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەرىپ، شينجياڭنىڭ ءتۇرلى قىزمەتتەرىن جاقسى ىستەۋ جونىندە تەكسەرۋ-زەرتتەۋ جۇرگىزىپ، جەتەكشىلىك ەتكەن بولاتىن. وڭتۇستىك شينجياڭداعى ماڭىزدى قالاشىق قاشقاردان ورتالىق قالا ۇرىمجىگە، ونان شينجياڭ ءوندىرىس قۇرىلىس بيڭتۋانىنا بارعان نە ءبارى 3 كۇندە شينجياڭنىڭ كوپ جەرلەرىندە باس شۋجيدىڭ ءىزى قالدى، شينجياڭداعى ءار ۇلت كادرلارى مەن بۇقاراسى باس شۋجيدىڭ شىنايى قامقورلىعىن تەرەڭ سەزىندى. 3 جىلدان بەرى، شينجياڭداعى ءار ۇلت پەرزەنتتەرى ۇدىرە العا تارتىپ، ءورىس اشا العا ىلگەرلەپ، باس شۋجيدىڭ ىزگى تىلەگىن كوركەم شينجياڭ قۇرۋدىڭ جاندى امالياتىنا اينالدىردى. بۇگىننەن باستاپ، «شينجياڭ حالىق راديو ستانسياسىنىڭ تاڭعى جاڭالىقتار» حابار باعدارلاماسىندا «ءىز» دەگەن تاقىرىپتا جەلىلەس حابار بەرىلەدى.
ماۋسىمدا، وڭتۇستىك شينجياڭنىڭ بايتاق دالاسىندا كۇن شۇلەن شۇعىلاسىن شاشىپ، قارۋلى ساقشى شينجياڭ باس اترەتىنىڭ 4-تارماق اترەتى ەرەكشە مىندەت اتقارۋ ورتا اترەتىنىڭ جاتتىعۋ الاڭىندا وفيتسەرلەر مەن اسكەرلەر جاپالى جاتتىعۋ جاساۋدا. وسى قوسىن تيانشان باۋرايىنداعى «لاڭكەستىككە قارسى تۇراتىن الماس سەمسەر»، ولاردىڭ 50 نەشە رەتكى زورلىقتى كۇش لاڭكەستىك ۋاقيعاسىن ءساتتى ءبىر جايلى ەتكەن ەرەن ەڭبەكتەرىنەن زورلىقتى كۇش لاڭكەستەرىنىڭ زارە-قۇتى قاشتى. 2014-جىلى 27-ساۋىردە، باس شۋجي شي جينپيڭ وسى جەرگە بارىپ قىزمەت تەكسەرگەندە «ورتا اترەتتەرىڭنىڭ شايقاستاعى ەڭبەگى ەرەن ەكەن، ايتسا ايتقانداي ناعىز قايسار جاۋىنگەر ەكەنسىڭدەر» دەپ القاۋ ايتىپ شابىتتاندىرعان ەدى. قارۋلى ساقشى شينجياڭ باس اترەتىنىڭ 4-تارماق اترەتى ەرەكشە مىندەت اتقارۋ ورتا اترەتىنىڭ باستىعى ليۋ لين بىلاي دەدى: سول كەزدە ءتوراعا شي جينپيڭ ورتا اترەتتى تەكسەرىپ بولعاننان كەيىن بىزگە «تۇرعان جەرلەرىڭ لاڭكەستىككە قارسى تۇرۋداعى ەڭ الدىڭعى شەپ ەكەن، وسىنداي ورتادا مىندەت پەن بورىشتى اتقارۋ ەرەكشە داڭق ءارى ماقتانىش» دەي كەلىپ، ەندى ءبىر جاعىنان بىزگە وتان،حالىق ءۇشىن تىڭ ەڭبەكتەر ءسىڭىرۋدى تاپسىردى.
3 جىلدان بەرى، ەرەكشە مىندەت اتقارۋ ورتا اترەتى «ءتوراعانىڭ تاپسىرماسىن ەستە بەرىك ساقتاپ، لاڭكەستىككە قارسى تۇرۋدىڭ اتويشىسى بولۋ» تاربيەسىن امالياتتان وتكىزۋ قيمىلىن ۇزدىكسىز ورىستەتىپ، اسكەرلەردى جاتتىقتىرىپ، شايقاس دايىندىعىن كۇشەيتىپ، جاۋىنگەرلىك قۋاتتى جوعارىلاتىپ، لاڭكەستىككە قارسى تۇرۋداعى سىعايلانعان اسكەرلەردى جەتىلدىردى. ليۋ لين :وڭتۇستىك شينجياڭنىڭ ۇقساماعان جەر بەدەرىنە قاراي شايقاس تاكتيكاسى بويىنشا جاتتىعۋ جاساپ، ۇقساماعان ماۋسىم، ۇقسامان جەر بەدەرىنە ءونىمدى توتەپ بەرۋگە كەپىلدىك ەتتىك،-دەدى.
«جاڭا جاعدايدا، شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى قوعام ورنىقتىلىعى مەن باياندى تىنىشتىق. بۇل كەزەكتەگى شينجياڭ قىزمەتىن جاقسى ىستەۋدەگى باس نىسانا». باس شۋجي شي جينپيڭ شينجياڭنىڭ ورنىقتىلىعىنىڭ ەرەسەن رەال ءمانى مەن ۇزاق بولاشاقتىق ستراتەگيالىق ءمانىن بايانداپ، شينجياڭداعى ءار ۇلت حالقىنىڭ ءتۇبىرلى مۇددەسى مەن ورتاق جۇرەك لەبىزىن جەتكىزدى. 3 جىلدان بەرى، رايونىمىزداعى پارتيالى كادرلار مەن بۇقارا تاپسىرمانى ەستە بەرىك ساقتاپ، باس نىسانانى جۇزەگە اسىرۋ جولىندا ۇدىرە العا تارتتى؛ پارتيا، ۇكىمەت، اسكەر، ساقشى، حالىق جاساعى، بۇقارا سىندى «التى ءبىر تۇلعالانعان» ورنىقتىلىقتى قورعاۋ كۇشتەرى الىنباس قۇرىش قورعان سوقتى.
سويلەسۋ اپپاراتىنان مىناداي دىبىس شىعىپ تۇردى: كاڭ-ان ساقشى ىستەرى ورنى، كاڭ-ان ساقشى ىستەرى ورنى تيانشان شىعىس كوشەسىنە تىزگىن ۇشىمەن جەتىڭدەر، بىرەۋلەر توبەلەسىپ جاتىر، قولدارىندا پشاق بار ەكەن، دەرەۋ كەلىپ ءبىر جايلى ەتىڭدەر.... جارايدى، بىلدىك، ءارقايسى گرۋپپا دايىندالىڭدار....................
16-ماۋسىمدا، ءبىر رەتكى شۇعىل ەلىكتەمەلى شايقاس جاتتىعۋى قاشقار قالالىق قوعام حاۋىپسىزدىگى مەكەمەسى نازارباق ساقىشى بولىمشەسىندە وتكىزىلدى؛ ساقشىعا مالىمدەۋدى قابىلداۋ، ۋاقيعا تۋىلعان جەرگە جەتۋ، جەدەل ءبىر جايلى ەتۋ..... ءبىر مينۋتقا جەتپەيتىن ۋاقىتتا ناقتى شايقاس جاتتىعۋى بارىسىندا حالىق ساقشىلارى قولدارىنا پشاق العان «قانقۇيلى سودرلاردى» تۇتقىندادى. وسىنداي شۇعىل جاعدايعا توتەپ بەرۋ جاتتىعۋىن جاساۋ نازارباق ساقشى بولىمشەسىندەگى حالىق ساقشىلارىنىڭ كۇندەلىكتى داعدىسىنا اينالعان.
2014-جىلى 28-ساۋىردە، باس شۋجي شي جينپيڭ قاشقار قالاسىنىڭ نازارباق ساقشى بولىمشەسىنە بارىپ، بەينە ەكىرانمەن باقىلاۋ-مەڭگەرۋدى، ساقشىلار پايدالاناتىن قارۋلاردى تەكسەرىپ، لاڭكەستىككە قارسى تۇرىپ، زورلىقتى كۇش لاڭكەستىگىنىڭ الدىن الۋ جاتتىعۋىن كورگەن بولاتىن. ول:جابدىقتارىڭ مەن جاتتىعۋلارىڭا ايىرىقشا كوڭىل بولەمىن، زورلىقتى كۇش لاڭكەستىك ارەكەتتەرىنە توتەپ بەرۋدە، ءسوزجوق، ۇتىمدى شارا بولۋ كەرەك، جاتتىعۋدى،ءسوزجوق، ناقتىلى شايقاس ەسەبىندە قاراۋعا تاباندى بولىپ، ادەتتە كوپ تەر توكسەڭدەر، شايقاستا از بوداۋ بەرەسىڭدەر،-دەدى.
3 جىلدان بەرى، ساقشى بولىشمەسىندەگى ءار ءبىر حالىق ساقشىسى وسى تاپسىرمانى ەستە بەرىك ساقتاپ، امانشىلىقتا جامانشىلىقتىڭ دا بولاتىنىن ەستەن شىعارماي، قاجىرلىلىقپەن جاتتىعىپ، ساقاداي سايلانىپ، تىنشىتىققا كەپىلدىك ەتتى. ساقشى بولىمشەسىنىڭ ساياسي تاربيەشىسى تاۋ يۇڭشىڭ بىلاي دەدى:ۇستىندە ءبىر جايلى ەتۋ بارىسىندا كوپ وزگەرىستەر بولادى، ءبىز ناقتى شايقاس جاساۋ قۋاتىن جوعارىلاتۋدا نەگىزىنەن ءتۇرلى ساقتىق جاعدايىنا ەلىكتەيمىز، وسى ارقىلى حالىق ساقشىلارى مەجە جوباسىنا قانىق بولادى، «ءبىر مينۋتتا سوققى بەرۋ اۋماعىنىڭ» تالابى بويىنشا،ءبىر مينۋتتا ۋاقيعا تۋىلعان جەرگە بارىپ، جەدەل ءبىر جايلى ەتۋ ءتيىس. باس شۋجيدىڭ «ادەتتە كوپ تەر توكسەڭدەر، شايقاستا از بوداۋ بەرەسىڭدەر» دەگەن ءسوزىن شىنايى تياناقتاندىردىق.

بەرىپ كەت ورامالىڭدى

دوستار

الىستاعى اق ەركە