جاڭا حابارلار

كورىكتى مەكەن قۇرايىق

    كەلۋ قاينارى: شينجياڭ حالىق راديو ىستانسياسى    2017-06-27 20:52:00  
ستانسيامىزدىڭ تىلشىلەرى جين لەي، لەي ميڭ، چاي لين، ما گولەيلەر جازعان «ءىز» دەگەن تاقىرىپتاعى جەلىلەس حاباردىڭ ەكىنشى ءبولىمىن تىڭداڭىزدار: قاشقار كونە ءشار اۋدانى توققۇزاق قالاشىعى اياققى ماڭگەن قىستاعىندا، اعاشتىڭ كولەڭكەسىندە، حالىق ونەرپازى قاۋىل مامەت بىرنەشە قىستاق تۇرعىنىمەن بىرگە كىلەمگە قورالانا وتىرىپ ويىن نومەرلەرىنە جاتتىقتى. ول عيجاكپەن « ەڭ كوركەم جەر ءبىزدىڭ شينجياڭ» ءانىن شالدى. 2014-جىلى ساۋىردە، ول قىستاقتا باس شۋجيعا وسى مۋزيكانى ورىنداپ بەرگەن بولاتىن. قازىرگە دەيىن 3 جىل ءوتتى، ءار جولى وسى مۋزيكانى شالعان سايىن ماڭىندا بولعان وزگەرىستەر جونىندە باس شۋجيعا مالىمەت بەرۋدى ارماندايتىن ەدى. ول بىلاي دەدى:باس شۋجي كەلگەن كەزدە مەن ەڭ تومەنگى تۇرمىستى قامتاماسىزداندىرۋ قارجىسىنان يگىلىكتەنەتىنمىن. باس شۋجي كوركتى مەكەندى قوس قولعا سۇيەنىپ قۇرۋ كەرەك،-دەدى، مەن قىستاقتىڭ ادەبيەت-كوركەمونەر قيمىلدارىنا قاتىناسۋدان سىرت، تاعى اۋدانداعى استىق مەكەمەسىندە اماندىق قورعاۋ قىزمەتىن ىستەدىم، اي سايىن ءبىر مىڭ يۋاننان ارتىق ەڭبەكاقى الامىن، ەڭ تومەنگى تۇرمىستى قامتاماسىزداندىرۋ قارجىسىنان يگىلىكتەنۋدەن ىرىقتىلىقپەن شەگىندىم، قىستاقتاعى باسقا تۇرعىندار دا قوس قولىنا سۇيەنىپ تاعدىرىن وزگەرتۋدە، مەن باس شۋجيعا حات جازىپ وسى وزگەرىستەردى جەتكىزگىم كەلەدى.
2014-جىلى ساۋىردە، باس شۋجي شي جينپيڭ اياققى ماڭگەن قىستاعىندا قىزمەت تەكسەرگەندە قىستاق تۇرعىندارىنا « حالىقتىڭ تىلەگىنە ساي كەلەتىن سىتەردىڭ ءبارى پارتيامىزدىڭ كۇرەس جاساۋ نىساناسى ەسەپتەلەدى»،-دەگەن ەدى. 3 جىل ءوتتى، قىستاقتىڭ اسپاليت جولدارى وتباسىلاردىڭ ەسىگىنىڭ الدىنا دەيىن جەتكىزىلدى، كوشە شامدارى جارقىراپ، حالىقتى اۋقاتتاندىرۋ بەيقۇت ۇيلەرى دە سالىندى، تەگىن دەنساۋلىق تەكسەرۋ، اۋىل-قىستاقتاعى ەڭ تومەنگى تۇرمىستى قامتاماسىزداندىرۋ، اۋىل شارۋاشىلىق ماشينالارى قوسىمشا قاراجاتى سياقتى.... حالىققا ءتيىمدى وسى شارالار ءار ۇلت بۇقاراسىنىڭ ءوندىرىس، تۇرمىس دەڭگەيىن زور دارەجەدە جوعارىلاتتى. قىستاقتاعى 52 جاستاعى ساقا پارتيا مۇشەسى ابدىكەرىم يمين باس شۋجي شي جينپيڭنىڭ كوپشىلىكپەن بىرلىكتە قورالانا وتىرىپ كەڭەس قۇرعان كەزىن ەسكە الىپ قاتتى تەبىرەنگەن بەينەدە بىلاي دەدى:باس شۋجيدىڭ تاپسىرماسى كوپشىلىكتى اتا-مەكەندى بىرگە كوركەيتۋگە شابىتتاندىردى. پارتيانىڭ حالىققا ءتيىمدى ساياساتتارى وتە كوپ، بالالار تەگىن وقيتىن بولدى، ناۋقاسىن ەمدەتسە اۋىل-قىستاقتىڭ جاڭاشا سەلبەسىپ ەمدەۋىنە قاتىناساتىن، ەگىن سالسا كومەك قاراجات بەرەتىن بولدى، قىستاق تۇرعىندار كوميتەتى كوپشىلىكتى سىرتقا شىعىپ ەڭبەك ىستەپ تابىس تابۋعا ۇيىمداستىردى. قازىر كوپشىلىك تىنىش تىرشىلىك ەتۋدە، تۇرمىستارى بارعان سايىن جاقسارۋدا.
قاشقار كونە ءشار اۋدانى توققۇزاق قالاشىعى پارتكومىنىڭ مۇشەسى، اياققى ماڭگەن قىستاعى پارتيا ياچەيكاسىنىڭ ءبىرىنشى شۋجيى روزىمامەتجان مامەتيمين بىلاي دەدى:الدا، قىستاعىمىز اۋلا شارۋاشىلىعىنىڭ كومەسكى قۋاتىن اشۋ جاعىنا كۇش سالىپ، قىستاق تۇرعىندارىنىڭ كىرىسىن ارتتىرادى، بوس جەرلەردەن اۋىل تاعامجايى كاسىبىن دامىتۋعا، كوكونىس ەگۋگە بولادى، ديقانداردىڭ كەيبىر جەمىس اعاشتارىن ەگىپ ءوزىن-ءوزى قامداۋىنا، قارجىنىڭ كوپ بولەگىن ىركىپ قالىپ باسقا جاقتاردى دامىتۋىنا بولادى.
اياققى ماڭگەن قىستاعىندا قىزمەت تەكسەرگەندە، باس شۋجي شي جينپيڭ قىستاق دارەجەلى ۇيىمداردىڭ حالىق ءۇشىن قىزمەت كورسەتۋ جانە « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن قىستاققا بارۋ قىزمەتى جاعدايىن ەگجەي-تەگجەيلى ۇعىستى. ءبىرىنشى توپتا قىستاققا بارعان قىزمەت اترەتىنىڭ مۇشەسى، اۆتونوميالى رايوندىق پارتيا مەكتەبى كادرلار وقۋ-اعارتۋ ينيستيتۋتىنىڭ ۇنەمىلىك ىستەرگە جاۋاپتى ورىنباسار باستىعى ما لين سول كەزدەگى جاعدايدى جىپكە تىزگەندەي ايتىپ بەردى:باس شۋجي قاقپادان كىرىسىمەن كوپشىلىكپەن قول الىسىپ، جاعدايدى ەگجەي-تەگجەيلى سۇرادى، سول ۋاقىتتا ول كىسى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگى جولداستار نەگىزگى ساتىداعى باسشىلارمەن كوپ قارىم-قاتىناس جاساپ، كوپ سەلبەسىپ، بۇقارانىڭ قيىنشىلىعىن ويداعىداي شەشۋى كەرەك، بۇقارانىڭ قاجەتى سەندەردىڭ قىزمەت نىسانالارىڭ،-دەدى.
باس شۋجي شي جينپيڭ تاعى ماڭىنداعى كادرلار مەن « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اتىرەتىنە:بىزدە مىزعىماس نەگىزگى ساتى اكىمياتى بولۋ كەرەك، سىزدەردەن كادرلاردى باۋلىپ، قىستاق پارتيا ياچەيكاسىن ويداعىداي قۇرۋدى ءۇمىت ەتەمىن،-دەدى. 3 جىلدان بەرى، قىستاققا بارعان قىزمەت اترەتى مەن اۋدان، اۋىل كادرلارى قىستاق كادرلارىن بىلەك سىبانا ىسكە كىرىسىپ، كورىكتى مەكەن قۇرۋ جاعىندا نەگىزگى ساتى نەگىزىن بەكەمدەدى. اۆتونوميالى رايوندىق پارتيا مەكتەبىنەن اياققى ماڭگەن قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا بارعان قىزمەت اترەتىنىڭ باستىعى چىن دىيڭ :كادرلار قۇرىلىمىنا، كادرلاردىڭ قىزمەت تاسىلىنە وزگەرىس ەنگىزۋ ناتيجەسىندە تۇتاس قىستاقتىڭ بەت-بەينەسىندە، قىستاق تۇرعىندارىنىڭ رۋحاني بەت-بەينەسىندە زور وزگەرىس بولدى،-دەدى.
18-ماۋسىمدا، شينجياڭ جەمىس كاسىبى توبى داتاڭ جىبەك جولى ەلەكتروندى ساۋدا ىستەرى شەكتى جارنا سەرىكتەستىگىنىڭ ساتۋ ءبولىمى قاربالاستىققا ءتۇستى، 20 نەشە قىزمەتكەر كومپيوتەر ەكرانىنان كوز الماي، تاپسىرىس سانىن ەسەپتەۋمەن بولدى ءارى ءالسىن-ءالى تىلتاقتانى باسىپ توراپتاستارمەن سەلبەستى. باتىس ءوڭىر جەمىس باقشاسى تيانماۋ چيجيان دۇكەنىنىڭ جاۋاپتىسى ما شيڭجۇن بىلاي دەدى:وسى رەت ەكى ءتۇرلى قۇمىل قاۋىنىن تانسىتىردىق، بىرەۋى « شي-جوۋ-مي 17-ءنومىرلى قاۋىنى» ەندى ءبىرى « شي-جوۋ-مي 25-ءنومىرلى قاۋىنى»، تۇرپاننان الىنعان قاۋىنعا ەكى مىڭداي تاپسىرىس بەردى، وسى قۇمىل قاۋىنىنا تاپسىرىس بەرگەن حاريدارلاردىڭ كوبى جياڭسۋ، جىجياڭ، شاڭحاي، انحۇيلىق حاريدارلار، ءبىر قاۋىندى 30 نەشە يۋاننان ساتتىق.
2014-جىلى، باس شۋجي شي جينپيڭ داتاڭ جىبەك جولى ەلەكتروندى ساۋدا ىستەرى شەكتى جارنا سەرىكتەستىگىندە قىزمەت تەكسەرگەندە، كاسىپورىن قىزمەتكەرلەرىنە:زات اينالىم كاسىپورنىن ويداعىداي باسقارۋ كاسىپتى دامىتۋدا زور جەبەۋ رولىن اتقارادى. ۇزدىكسىز قۇلشىنىپ، شينجياڭنىڭ ەرەكشە بايلىعىن اناعۇرلىم ويداعىداي اشىپ، ەكونوميكانىڭ دامۋى مەن ديقانداردىڭ كىرىسىن ارتتىرۋدى جەبەۋدە كوپتەپ ۇلەس قوسىڭىزدار،-دەگەن بولاتىن. قازىر، شينجياڭ جەمىس كاسىبى توبى شەكتى جارنا سەرىكتەستىگىنىڭ ەلىمىزدە قۇرعان جانە سەلبەسكەن ناقتى تۇلعالىق تيجارات دۇكەنى 2 مىڭنان اسىپ، مىڭعا تاياۋ توراپ ساۋدا دۇكەنى مەن ناقتى تۇلعالىق كاسىپورىنداردىڭ توراپتا ساتۋ ىستەرىن ءارى رايونىمىزداعى ەگىنشى-مالشىلاردىڭ كىرىسىن ارتتىرىپ اۋقاتتانۋىن ءونىمدى جەبەدى. داتاڭ جىبەك جولى ەلەكتروندى ساۋدا ىستەرى شەكتى جارنا سەرىكتەستىگىنىڭ ورىنباسار باس جوراسى ياڭ يۇڭشياڭ بىلاي دەدى:باس شۋجي كەلگەندە سەرىكتەستىگىمىزدىڭ ءونىم قۇنى ءبىر ميلليارد 400 ميلليون يۋان بولاتىن، 2016-جىلدىڭ سوڭىندا ءونىم قۇنى 4 ميلليارد يۋانعا جەتتى، بىلتىر ءتۇرلى كوپەراتيۆتەر اۋەلگى 20 نەشە كوپەراتيۆتەن 100 كوپەراتيۆكە كوبەيىپ، تاپسىرىستى اۋىل شارۋاشىلىعى ونىمدەرىنىڭ كولەمى 400 مىڭ مۋعا كەڭەيدى. ەكى جىلدا، شينجياڭ بويىنشا %40 اۋدان قالاشىعىنا جالپىلاستىرۋدى جوسپارلاپ وتىرمىز، وسىلاي بولعاندا اۋىل شارۋاشىلىق ونىمدەرىنىڭ ساپاسىنا، باعاسىنا كەپىلدىك ەتىلىپ، باياندى دامۋعا بەرىك نەگىز قالانادى.

بەرىپ كەت ورامالىڭدى

دوستار

الىستاعى اق ەركە