جاڭا حابارلار

اۆتونوميالى رايونىمىز جالپى 41 ميلليون 875 مىڭ 500 مۋ قۇمايتتانعان جەردى وڭادى

    كەلۋ قاينارى: شينجياڭ حالىق راديو ىستانسياسى    2017-06-28 13:57:50  
ءتاڭىرتاۋ تورابىنىڭ حابارى: ءتىلشىنىڭ اۆتونوميالى رايوندىق ورمان شارۋاشىلىعى مەڭگەرمەسىنەن ۇعىسۋىنشا، «12-بەسجىلدىق» پلان اتقارىلعاننان بەرى، 3 تەرىستىك ىقتاسىن ورمانى، ورماندى قالپىنا كەلتىرۋ، جايلىمعا قايتا ءشوپ ەگۋ، سۋ-توپىراقتى ساقتاۋ جانە شاعىن الاپتاردى جان-جاقتى جونگە سالۋ سياقتى مەملەكەتتىك ءتۇيىندى ينجەنەريالارعا سۇيەنىپ، اۆتونوميالى رايونىمىز جالپى 41 ميلليون 875 مىڭ 500 مۋ قۇمايتتانعان جەردى وڭادى، بۇل اۆتونوميالى رايونىمىزدىڭ «12-بەسجىلدىق» كەزىندەگى قۇمايتتانۋدان ساقتانۋ، قۇمايتتانۋدى وڭاۋ نىسانالى مىندەتىنىڭ 2.6 ەسەسىنە تەڭ.
مەملەكەتتىك ورمان شارۋاشىلىعى مەكەمەسى جۋىقتا، «12-بەسجىلدىق» پلان مەزگىلىندەگى ولكە دارەجەلى ۇكىمەتتەردىڭ قۇمايتتانۋدان ساقتانۋ، قۇمايتتانۋدى وڭاۋ نىسانالى جاۋاپكەرلىگى بويىنشا جان-جاقتى باعالاۋ ناتيجەسىن حابارلادى، شينجياڭ «قىزمەتى كورنەكتى» ولكە-رايون دارەجەسىنە كوتەرىلدى.
رايونىمىز ەلىمىزدەگى قۇمايتتانعان جەر اۋماعى ەڭ ۇلكەن ولكە، اۆتونوميالى رايون؛ جۇڭگوداعى قۇمدى بوراننىڭ نەگىزگى قاينار كوزىنىڭ ءبىرى. «12-بەسجىلدىق» پلان اتقارىلعاننان بەرى، رايونىمىز ءتۇرلى تاسىلدەردى قولدانىپ، «12-بەسجىلدىق» كەزىندەگى قۇمايتتانۋدان ساقتانۋ، قۇمايتتانۋدى وڭاۋ مىندەتتەرىن ەسەلەپ ورىندادى، ورمانمەن كومكەرىلۋى %4.02 تەن %4.7 كە، شۇراتتاردىڭ ورمانمەن كومكەرىلۋى %23.5 تەن %28 كە كوتەرىلىپ، ورماندى جەردىڭ اۋدانى 165 ميلليون مۋعا جەتتى. مەملەكەت دارەجەلى الەۋمەتتىك ورمان 12 ميلليون 120 مىڭ مۋ ارتىپ، جالپى اۋدانى 114 ميلليون مۋعا جەتتى، بۇندا ءشولدى القاپتاعى الەۋمەتتىك ورماننىڭ اۋدانى 87 ميلليون 100 مىڭ مۋعا جەتىپ، تولىقتاي باسقارۋ-قورعاۋ اياسىنا الىندى.

بەرىپ كەت ورامالىڭدى

دوستار

الىستاعى اق ەركە