جاڭا حابارلار

ءدىندى سوتسياليستىك قوعامعا سايكەستىرەيىك

    كەلۋ قاينارى: شينجياڭ حالىق راديو ىستانسياسى    2017-06-28 14:35:12  
ستانسيامىزدىڭ تىلشىلەرى لان تيان مەن لي گاڭ جازعان «ءىز» دەگەن تاقىرىپتاعى جەلىلەس حاباردىڭ ءتورتىنشى ءبولىمىن تىڭداڭىزدار: ءۇرىمجى ياڭحاڭ مەشىتىندە الۋان تۇستەگى گۇلدەر قاتار قويىلىپ، زالدىڭ الدىنداعى الاڭ رەتتەلىپ، بۇقارانىڭ ناماز وقۋىنا قولايلىلىق جاسالدى. ياڭحاڭ مەشىتىنىڭ يمامى مۇحتىرام ءشارىپجان: پارتيا مەن ۇكىمەت ءدىن قىزمەتىنە ەجەلدەن ەرەكشە كوڭىل ءبولىپ كەلدى، شينجياڭداعى قالىڭ وتانشىل ءدىني قايراتكەرلەر مەن قالىڭ دىنگە سەنەتىن بۇقاراعا قاشاندا كوڭىل ءبولىپ، قامقورلىق جاساپ كەلدى،-دەدى. 2014-جىلى 30-ءساۋىر تۇستەن بۇرىن، باس شۋجي شي جينپيڭنىڭ ياڭحاڭ مەشىتىنە كەلىپ وتانشىل ءدىني قايراتكەرلەرمەن امانداسقانداعى كورىنىسى ەسىنەن كەتپەيتىندىگىن ايتا كەلىپ ول: «باس شۋجي اۆتوموبيلدەن تۇسە سالا قولىمنان قىسا ۇستاپ، امانداسىپ، دىنگە سەنەتىن بۇقارامەن بەتپە-بەت تىلدەستى، بۇل مەملەكەتتىڭ ءدىن سالاسىنا ەرەكشە كوڭىل بولەتىندىگىن اڭعارتادى»،-دەدى.
ءۇش جىلدان بەرى، مۇحتىرام ءشارىپجان ىلگەرىندى-كەيىندى قاشقار، حوتان، اقسۋ سياقتى رايونداردا 200 رەتتەن استام ارالاپ ءجۇرىپ ۇگىت لەكسيا جاساپ، دىنگە سەنەتىن بۇقاراعا ۇشقارلىقتى الاستاۋ تاربيەسىن جۇرگىزىپ، دىنگە سەنەتىن بۇقارانى دۇرىس سەنىم، دۇرىس ارەكەتتە بولۋعا باستادى. ول: «مەنىڭ تاقىرىبىمدا ءيسلام ءدىنىنىڭ بەيبىتشىلىكتى، ورتا جولدى، كەڭ پەيىلدىلىك پەن جاراسىمدىلىقتى، ۇلتتار ىنتىماعىن قۋاتتايتىندىعى ايتىلادى. ەلىمىز ەڭ تىنىش، ەڭ جاراسىمدى، ەڭ ىنتىماقتى ەل، ءبىز وسى ەلدىڭ ازاماتى بولعانىمىزدى، پارتيانىڭ باسشىلىعىندا تۇرمىس كەشىرگەنىمىزدى ماقتانىش ساناۋىمىز كەرەك»،-دەدى.
قازىر، ءۇش جىل ءوتىپ، پارتيا مەن ۇكىمەتتىڭ قولداۋىندا ياڭحاڭ مەشىتىندە اسا زور وزگەرىستەر تۋىلدى، ياڭحاڭ مەشىتىنىڭ باس القاسى باكىر ياقۇپ: «پارتيا مەن ۇكىمەت ءدىن قىزمەتىن باستان اياق ماڭىزدى ورىنعا قويىپ، پارتيانىڭ ءدىن قىزمەتىنىڭ نەگىزگى باعىتىن جەتەكشى ەتىپ، پارتيانىڭ دىنگە سەنۋ ەركىندىگى ساياساتىن دايەكتىلەندىرۋ، ءدىن ىستەرىن باسقارۋدى زاڭ بويىنشا كۇشەيتۋ، دەربەس، ءوز وزىنە قوجا بولۋ، ءوزى باسقارۋ پرينسيبىنە تاباندى بولۋ، ءدىندى سوتسياليستىك قوعامعا سايكەستىرەۋگە بەلسەنە باستاۋ سياقتى جاقتاردا كوپتەگەن قىزمەت ىستەدى. پارتيا مەن ۇكىمەت ءدىن قىزمەتىنە ەرەكشە كوڭىل بولەدى جانە قولدايدى، ءدىن قىزمەتكەرى رەتىندە رولىمىزدى ساۋلەلەندىرىپ، دىنگە سەنەتىن بۇقارانى باستاۋىمىز، ولارعا پارتيانىڭ ءار جاقتىلى ساياساتتارىنىڭ حالىققا قىزمەت وتەۋ ەكەنىن ۇعىندىرۋىمىز، مەملەكەتتىڭ ءتۇرلى زاڭ-تۇزىمدەرىنىڭ ءبىزدى قورعايتىندىعىن ۇعىندىرۋىمىز، ءبىز ءىس جۇزىندىكپەن ۇشتاستىرىپ تاپسىرلەۋمەن، ۋاعىز ايتۋمەن ۇشتاستىرىپ، ناقتى ارەكەتپەن ءدىندى سوتسياليستىك قوعامعا سايكەستىرۋگە باستاۋىمىز كەرەك.
بيىل 10-ناۋرىزدا، باس شۋجي شي جينپيڭ مەملەكەتتىك 12-كەزەكتى حالىق قۇرىلتايىنىڭ 5-ماجىلىسىندەگى شينجياڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، «پارتيانىڭ ۇلت ساياساتىن جاپپاي دايەكتىلەندىرىپ، ءدىندى سوتسياليستىك قوعامعا سايكەستىرۋگە بەلسەنە باستايىق» دەگەندى اتاپ كورسەتتى. قازىر، بۇل شينجياڭداعى ءار ۇلت ءدىن سالاسىنداعى قايراتكەرلەردىڭ كۇرەس جاساۋ نسىاناسىنا اينالىپ وتىر. جۇڭگو ءيسلام ءدىنى قوعامىنىڭ ورىنباسار باستىعى، شينجياڭ ءيسلام ءدىنى قوعامىنىڭ ورىنباسارى باستىعى، شينجياڭ ءيسلام ءدىنى ينستيتۋتىنىڭ باستىعى ءابدىراحىپ تۇمنيازدىڭ كەڭسەسىندە، باس شۋجي شي جينپيڭ مەن ونىڭ بىرگە تۇسكەن سۋرەتى كورنەۋ ورىنعا قويىلعان ەكەن. ءابدىراحىپ تۇمنياز: «پارتيا مەن ۇكىمەت بىزگە قامقورلىق جاساۋدا، مەنىڭ وقۋشىلاردى تۇگەلدەي وتاندى، مەملەكەتتى، سوتسياليزمدى سۇيەتىن تولىمدى ىزباسارلار ەتىپ تاربيەلەۋ بەكىمىم كۇشتى، بىرىنشىدەن، ساياسيدا مۇراتتاستىققا يە بولۋىمىز، ەكىنشىدەن، مادەنيەت جاعىندا توعىسۋىمىز، ۇشىنشىدەن، قوعامعا سايكەسىپ، باس شۋجي مەن پارتيا ورتالىق كوميتەتىنىڭ ءدىن سالاسىنداعى قايراتكەرلەرگە دەگەن ءۇمىتىن اقتاۋىمىز كەرەك»،-دەدى.

بەرىپ كەت ورامالىڭدى

دوستار

الىستاعى اق ەركە