جاڭا حابارلار

شينجياڭعا باعىتتامالى كومەكتەسەتىن ولكە، قالالار باس نىسانانى مىقتاپ ارقاۋ ەتىپ، نەگىزدى مىقتى يگەرىپ، دالمە-ءدال كۇش شىعاردى

    كەلۋ قاينارى: شينجياڭ حالىق راديو ىستانسياسى    2017-06-29 18:05:38  
ءتاڭىرتاۋ تورابىنىڭ حابارى: شينجياڭعا باعىتتامالى كومەكتەسەتىن ولكە، قالالار باس نىسانانى مىقتاپ ارقاۋ ەتىپ، نەگىزدى مىقتى يگەرىپ، دالمە-ءدال كۇش شىعاردى. شينجياڭعا باعىتتامالى كومەكتەسۋدىڭ جاڭا كەزەكتى قىزمەتى باستالعاننان بەرى، شينجياڭعا كومەك بەرەتىن ولكە، قالالار كومەك قارجىسىن باستان-اياق حالىق تۇرمىسىنا، نەگىزگى ساتىعا، كەدەيلەردى سۇيەمەلدەۋگە بەيىمدەپ، شەكتى قارجىنى قيىنشىلىعى بار بۇقارانىڭ ەڭ كوكەي تەستى تۇرمىسىنا جۇمساپ، كەدەيلەردى عىلمي جانە دالمە-ءدال سۇيەمەلدەۋگە كۇش سالدى.
تەك 2014-جىلدان 2016-جىلعا دەيىن ياركەن، پوسكام، قاعىلىق، مارالباسى اۋداندارىنا باعىتتامالى كومەكتەسكەن شاڭحاي قالاسى كومەك الاتىن وڭىرلەرگە ارناۋلى كومەك قارجىسىنان 2 ميلليارد 299 ميلليون يۋان قارجى بوساتىپ، كومەككە يە بولعان جەرلەردىڭ بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ نىسانى بويىنشا 200 مىڭ 800 ءۇي سالۋىن قولداپ، ءبىر ميلليونعا جۋىق شارۋانى جاڭا ۇيگە كوشىردى. شارۋالاردىڭ جاڭا ۇيگە كوشىپ كىرىپ، الاڭسىز تۇرمىس كەشىرۋىنە كەپىلدىك ەتۋ ءۇشىن، شاڭحاي قالاسى بەلگىلەنگەن تىكەلەي كومەك قارجىدان سىرت، تاعى ءبىر ميلليارد 103 ميلليون يۋان قارجى شىعارىپ، بەيقۇت ءۇي سالۋ تۇيىندەرىندەگى نەگىزدىك قۇرىلعىلاردىڭ سايكەستى قۇرىلىسىنا كومەكتەستى.
ساناققا قاراعاندا، 2014-جىلدان 2016-جىلعا دەيىنگى 3 جىلدا شينجياڭعا كومەكتەسكەن ولكە، قالالار جيىنى 36 ميلليارد 490 ميلليون يۋان كومەك قارجى شىعارىپ، حالىق تۇرمىسىنا قاتىستى 2 مىڭ 971 نىساندى ورىنداپ، بەيقۇت ءۇي سالىپ، حالىقتى اۋقاتتاندىرۋ جانە مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا 758 مىڭ ءۇي سالعان، 3 ميلليون ادامنان استام شارۋا كەڭ دە جارىق جاڭا ۇيلەرگە كوشىپ كىرگەن.
كاسىپ سالاسىن دامىتۋ ارقىلى شينجياڭدى سۇيەمەلدەپ، جۇمىسقا ورنالاستىرۋدى جەبەۋ ارقىلى «كەدەيلەردى سۇيەمەلدەۋ ونىمدىلىگىن» كورنەكتىلەندىردى. جياڭسۋ ولكەسى قىزىلسۋ وبلىسىنىڭ وسىزامانعى كاسىپ سالاسى شوعىرىن قالىپتاستىرۋدى دانەكەر ەتىپ، 387 ميلليون يۋان قارجى جۇمساپ، اتۇش كۇنشان كاسىپ باقشاسىن، ۇلىقشات-چاڭجوۋ ونەركاسىپ باقشاسى مەن اقشي جەڭىل ونەركاسىپ باقشاسىن قۇردى؛ 40 نەشە ولشەمدى زاۆود ءۇيى سالىندى، 129 كاسىپورىن ىرگە تەپتى ءارى تىزىمگە تىركەلدى، جالپى 6 ميلليارد 600 ميلليون يۋاننان استام قارجى قوسىلىپ، جۇڭشيڭ ەنەرگيا شەكتى سەرىكتەستىگى، ەرەكشە ترانسفورماتور سياقتى ءبىر توپ كاسىپورىندى ىرگە تەبۋگە باۋراپ، 6 مىڭ 200 دەن استام ادام جۇمىسقا ورنالاستى.
جۇمىسقا ورنالاستىرۋ حالىق تۇرمىسىنىڭ نەگىزى ءارى ورنىقتىلىقتى قورعاۋدىڭ ءتۇبىرلى شاراسى. 3 جىلدان بەرى گۋاڭدۇڭ ولكەسى 4 ميلليارد 410 ميلليون يۋان قارجىنى قاشقار ايماعىنىڭ كاسىپ سالاسىن دامىتۋعا اجىراتىپ، قاشقار كونە شار اۋدانى-گۋاڭجوۋ جاڭا قالا ساۋدا ورتالىعى، ءپايزاۋات ونەركاسىپ باقشاسى سياقتى قۇرىلىستاردى سالۋعا جۇمسادى؛ 45 ميلليارد 900 ميلليون يۋان قارجى قوسىپ، 124 نىسان ەنگىزدى، بۇل ساۋدا-زات اينالىمى، توقىما، كيىم-كەشەك سىندى كاسىپتەردىڭ شوعىرىن قالىپتاستىرىپ، كومەككە يە بولعان جەرلەردە 50 مىڭنان استام جۇمىس ورنىن ازىرلەپ،رايونىمىز بويىنشا 100 مىڭ ادام-رەت، شينجياڭنان سىرت جەرلەردە 16 مىڭ ادام-رەت جۇمىسقا ورنالاستىردى.
«ءبىر اۋىلدا ءبىر ءونىم بولۋ» نىسانىن اتقارۋ ارقىلى گۋاڭدۇڭ ولكەسى 40 مىڭنىڭ ۇستىندەگى وتباسىنىڭ، 60 مىڭنان ارتىق شارۋانىڭ ادام باسىنا تۋرا كەلەتىن كىرىسىن بۇرىنعىدان مىڭ يۋانعا تاياۋ ارتتىردى، كومەككە يە بولعان وڭىردەگى كەدەيلەر سانىن 2014-جىلدىڭ باسىنداعى 280 مىڭ ادامنان 170 مىڭ ادامعا ءتۇسىردى.

بەرىپ كەت ورامالىڭدى

دوستار

الىستاعى اق ەركە