جاڭا حابارلار

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى ۇرىمجىدە اشىلدى

    كەلۋ قاينارى: شينجياڭ گازەتى    2017-06-30 18:12:26  

ورتالىق كورسەتكەن يۇي جىڭشىڭ، ەركىن يمىرباقى پارتيا 19-قۇرىلتايىنىڭ ۋاكىلى بولىپ سايلاندى

اۆتونوميالى رايوندىق پارتكومنىڭ تۇراقتى كوميتەتى ءماجىلىستى باسقاردى، چىن چۋانگو ءسوز سويلەدى

29 - ماۋسىمدا جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى ءتىلشىمىز سۇي جىجيان تۇسىرگەن

تىلشىلەرىمىز ياۋ تۇڭ، دۇڭ شاۋحۋا 29 - ماۋسىمدا ۇرىمجىدەن حابارلايدى. 29 - ماۋسىمدا جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى ۇرىمجىدە اشىلدى. ءماجىلىس شينجياڭنان جۇڭگو كوممۋنيستىك پارتياسىنىڭ 19 - قۇرىلتايىنا قاتىناساتىن 43 ۋاكىلدى سايلاپ شىقتى.

  جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسىنىڭ جالپى ۋاكىلدەرى 290 ادام، ماجىلىسكە 284 ادام قاتىناستى، بۇل بەلگىلەنگەن ادام سانىنا ۇيلەسەدى.
  ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين، اۆتونوميالى رايوندىق پارتكومنىڭ تۇراقتى مۇشەلەرى شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى ماجىلىسكە قاتىناستى ءارى ءتوراعالار مىنبەسىنەن ورىن الدى.

  پارتيا ۋستاۆى مەن پارتيا ورتالىق كوميتەتىنىڭ قاتىستى بەلگىلەمەسى بويىنشا، ءماجىلىس دەموكراتيالىق ورتالىقتاندىرۋ پرينسيبىنە تاباندى بولىپ، دەموكراتيانى تولىق كورنەكتىلەندىرىپ، اقىلداسىپ، تالقىلاپ، سايلاۋ ءادىسىن بەلگىلەپ، شينجياڭ ۇيعۇر اۆتونوميالى رايونىنان پارتيا 19 - قۇرىلتايىنا قاتىناساتىن 43 ۋاكىلدى سايلاپ شىقتى. ورتالىق كورسەتكەن ۋاكىل كانديداتتار يۇي جىڭشىڭ، ەركىن يمىرباقى جولداستار ۋاكىل بولىپ سايلاندى. سايلاۋ ناتيجەسى جاريالانعان كەزدە ءماجىلىس زالىنان دۋ قول شاپالاق ءۇنى كوتەرىلدى.
  ءماجىلىستىڭ سايلاۋ مىندەتى تولىق ورىندالعاننان كەيىن، چىن چۋانگو ءسوز سويلەدى.
  چىن چۋانگو مىنالاردى اتاپ كورسەتتى: جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى شينجياڭنىڭ پارتيا 19 - قۇرىلتايىنا قاتىناساتىن ۋاكىلدەردى سايلاۋ سىندى ساياسي مىندەتتى تولىق ورىندادى، بۇل ءماجىلىس تۋدى بيىك ۇستاپ، باعداردى ايقىن كورسەتكەن ءماجىلىس، ۇيتقىعا ادال بولعان، ۇيتقىنى قورعاعان ءماجىلىس، تىلەك - كۇشتى توعىستىرىپ، ىنتىماقتاسا العا ۇمتىلعان ءماجىلىس، ءتارتىبى قاتاڭ، ستيلى پاك، سالتى دۇرىس ءماجىلىس بولدى، ول ءار ۋاكىلدىڭ قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايتىن يدەيالىق سانالىلىعىن، ساياسي سانالىلىعىن، ارەكەت سانالىلىعىن تولىق ايگىلەپ، بۇكىل رايوننىڭ پارتيا 19 - قۇرىلتايىنىڭ جەڭىسپەن اشىلۋىن كوكىرەك كەرنەگەن ىستىق ىنتامەن قارسى الاتىن بەرىك سەنىمىن، رۋحاني بەينەسىن، تاماشا وبرازىن شوعىرلى تۇردە بەينەلەدى.
  چىن چۋانگو مىنالاردى باسا دارىپتەدى: پارتيا 19 - قۇرىلتايى ەلىمىزدىڭ جاپپاي دوڭگەلەك داۋلەتتى قوعام قۇرۋدىڭ شەشۋشى شايقاسى كەزەڭىندە اشىلعان اسا ماڭىزدى قۇرىلتاي، ول پارتيا مەن مەملەكەتتىڭ ساياسي ومىرىندەگى ءىرى ءىس. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيالى كادرلار 19 - قۇرىلتايدى قارسى الۋدى، 19 - قۇرىلتايدى ۇگىتتەۋدى، 19 - قۇرىلتايدى دايەكتىلەندىرۋدى نەگىزگى جەلى ەتىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىنىڭ جانە ەل باسقارۋداعى جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ جەتەكشىلىگىندە، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، وتان تۇتاستىعىن قورعاۋ، ۇلتتار ىنتىماعىن جەبەۋ سياقتىلاردى ماڭىزدى ءتۇيىن ەتىپ، جاۋاپكەرشىلىكتى باتىل ارقالاپ، قيىنشىلىقتان تايسالماي ورگە ۇمتىلىپ، ورنىقتىلىقتىڭ، دامۋدىڭ ءتۇرلى قىزمەتتەرىن ءبىر تۇتاس جوسپارلاپ، ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
  ءبىرىنشى، قوعامنىڭ جاراسىمدى ورنىقتىلىعىن قورعاۋعا ءتىپتى دە ءمان بەرۋ كەرەك. ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، ەرتە باستان، كىشكەنەدەن، جەدەل، ويداعىداي يگەرۋدى تياناق ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» تياناقتاندىرىپ، «التىنى ويداعىداي يگەرۋگە» تاباندى بولىپ، «بەستى باسقارۋعا» كەپىلدىك ەتىپ، «ءتورتتى تولىق قامتۋدى» ىلگەرىلەتىپ، «ءبىر ۇدايىلىقتى» ساقتاپ، قاتاڭ سوققى بەرۋ كۇرەسى، بۇقارالىق قىزمەت، قوعامدىق ساقتانۋ - مەڭگەرۋ سىندى «3 شايقاستى» باتىل تۇردە جاقسى جۇرگىزىپ، شەكارا ءوڭىردى باسقارۋ - مەڭگەرۋدىڭ «حالىقتىق سوعىسىنىڭ» جەڭىسىنە باتىل قول جەتكىزىپ، بۇكىل رايون قوعامدىق جالپى جاعدايىنىڭ جاراسىمدى ورنىقتىلىعىنا بار كۇشپەن كەپىلدىك ەتۋ كەرەك.
  ەكىنشى، جاڭا دامۋ ۇستانىمىن دايەكتىلەندىرۋگە ءتىپتى دە ءمان بەرۋ كەرەك. ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنە تاباندى بولىپ، جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، دامۋدىڭ ساپاسى مەن ونىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، 1 - كاسىپتىڭ دەڭگەيىن جوعارىلاتۋعا، 2 - كاسىپتە ماڭىزدى ءتۇيىندى مىقتى ۇستاۋعا، 3 - كاسىپتى جاپپاي دامىتۋعا تاباندى بولىپ، ورنىقتىلىقتى ساقتاۋ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن تىڭعىلىقتى، ويداعىداي ىستەپ، ەكونوميكانىڭ ورنىقتى، اقاۋسىز دامۋىن ىلگەرىلەتۋ كەرەك.

29 - ماۋسىمدا جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى ۇرىمجىدە اشىلدى. سۋرەتتە: ءماجىلىس زالى. سۋرەتتى ءتىلشىمىز سۇي جىجيان تۇسىرگەن

 ءۇشىنشى، حالىق تۇرمىسىن قامتاماسىز ەتۋگە جانە جاقسارتۋعا اناعۇرلىم ءمان بەرۋ كەرەك. شينجياڭنىڭ ورنىقتىلىعىن، شينجياڭنىڭ تىنىشتىعىن وسكەلەڭ دارەجەدە تياناق ەتۋدەن جازباي، جۇمىسقا ورنالاستىرۋدى كەڭەيتۋ، دەنساۋلىقتى تەگىن تەكسەرۋ، مەكتەپكە دەيىنگى «قوس ءتىل» وقۋ - اعارتۋى، كەدەيلىكتەن قۇتىلدىرۋدان قامال الۋ سياقتىلاردى ءتۇيىن ەتىپ، حالىققا ءتيىمدى 9 ءىرى ينجەنەريانى باياندى ىلگەرىلەتىپ، اۋىل - قىستاقتارداعى مىندەتتى ەڭبەك پەن «5 ءبىر تۇتاستى» جاپپاي كۇشىنەن قالدىرىپ، قاشقاردا، حوتاندا 3 جىلدا 100 مىڭ ادامدى جۇمىسقا ورنالاستىرۋ جوسپارىن باستاپ اتقارۋ كەرەك. باس شۋجي شي جينپيڭنىڭ اۋىر كەدەي وڭىرلەردە كەدەيلىكتەن قۇتىلدىرۋدان قامال الۋ جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، وڭتۇستىك شينجياڭداعى 3 ايماق، ءبىر وبلىستى ءتۇيىن ەتكەن اۋىر كەدەي وڭىرلەردە كەدەيلىكتەن قۇتىلدىرۋدان قامال الۋدى جەدەل ىلگەرىلەتىپ، 2020 - جىلى ۋاعىندا كەدەيلىكتەن قۇتىلدىرۋعا كەپىلدىك ەتۋ كەرەك.
  ءتورتىنشى، ۇلتتار ىنتىماعىن بەكەمدەۋگە، دامىتۋعا اناعۇرلىم ءمان بەرۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، ۇلتتىق تەرريتوريالى اۆتونوميا تۇزىمىنە تاباندى بولىپ، ۇلتتار ىنتىماعى ۇگىت - تاربيەسىن تىڭعىلىقتى ىشكەرىلەي ورىستەتىپ، ءار ۇلت كادر، بۇقارانى «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتۋعا جەتەكتەپ، «5 ورتاق تانىمدى» كۇشەيتىپ، ۇلتتار ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قالىپتاستىرۋدى جەبەپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى دوستاسۋ قيمىلىن ىشكەرىلەي قانات جايدىرىپ، ءار ۇلت كادر، بۇقاراسىنىڭ بارىس - كەلىس جاساۋ، اڭگىمەلەسۋ، ءان ايتۋ، كەڭەس قۇرۋ بارىسىنداعى ارالاسۋىن، ىشتەسۋىن، توعىسۋىن جەبەپ، اناردىڭ دانىندەي تىعىز ۇيىسۋىنا مۇمكىندىك كەرەك.
  بەسىنشى، ەكولوگيالىق ورتانى قورعاۋعا اناعۇرلىم ءمان بەرۋ كەرەك. «ەكولوگيالىق ورتانى قورعاۋ دەگەنىمىز وندىرگىش كۇشتى قورعاۋ دەگەندىك، تۇنىق سۋ، جاسىل تاۋ − قىمباتتى بايلىق» دەيتىن ۇستانىمدى بەرىك ورناتىپ، ەكولوگيالىق ورتانى قورعاۋدى ءبىرىنشى ورىنعا قويۋدان، «ۇشتە جوعارى» نىسانداردىڭ شينجياڭعا كىرۋىنە قاتاڭ تيىم سالۋدان جازباي، ەنەرگيانى، كەن بايلىعىن اشۋداعى اۆتونوميالى رايوندىق ۇكىمەتتىڭ «ءبىر قالام» ارقىلى بەكىتۋ تۇزىمىندە، قورشاعان ورتانى قورعاۋداعى «ءبىر بەلەتپەن تەرىستەۋ» تۇزىمىندە تاباندى بولىپ، ەكولوگيانى قورعاۋ قۇرىلىسىن كۇشەيتىپ، سۋ بايلىعىن باسقارۋداعى ەڭ قاتاڭ ءتۇزىمدى اتقارىپ، لاستانۋدىڭ الدىن الۋ - تىزگىندەۋ جانە قۇمايتتانۋدىڭ الدىن الۋ - تىزگىندەۋ تەبىنىن بارىنشا كۇشەيتىپ، ەكولوگيالىق ورتانى ءبۇلدىرۋ جاۋاپكەرشىلىگىن ومىرلىك قۋزاستىرۋ ءتۇزىمىن اتقارىپ، ءتۇيىندى وڭىرلەردە ەنەرگيانى ۇنەمدەپ، ىعىستىرۋدى ازايتۋدى زاڭ بويىنشا ىلگەرىلەتىپ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا گۇلدەندىرۋ كەرەك.
  التىنشى، ءدىننىڭ بەرەكەلى، جاراسىمدىلىعىن جەبەۋگە اناعۇرلىم ءمان بەرۋ كەرەك. پارتيانىڭ ءدىن قىزمەتىنىڭ نەگىزگى باعىتىن جان - جاقتى دايەكتىلەندىرىپ، زاڭدىلارىن قورعاپ، زاڭسىزدارىنا تيىم سالىپ، ۇشقارىلىقتى شەكتەپ، كەۋلەپ كىرۋگە قارسى تۇرىپ، قىلمىسقا سوققى بەرىپ، ەلىمىزدىڭ ءىسلام ءدىنىن جۇڭگوشالاندىرۋ باعىتىنان جازباي، وتانشىل ءدىني قايراتكەرلەردىڭ رولىن تولىق ساۋلەلەندىرىپ، وتانشىل ءدىني قايراتكەرلەردى تاربيەلەۋدى جانە قورعاۋدى، ولارعا قامقورلىق جاساۋدى شىن مانىندە كۇشەيتىپ، مەشىتتەردەگى «جەتىگە كىرۋ، 2 بولۋدى» شىنايى ىلگەرىلەتىپ، دىنگە سەنەتىن بۇقارانىڭ قالىپتى ءدىن قاجەتىن زاڭ بويىنشا قامتاماسىز ەتىپ، زاڭسىز ءدىني قيمىلداردى زاڭ بويىنشا جونگە سالىپ، «ۇشقارىلىقتى الاستاۋدى» ءۇرتىس ىلگەرىلەتىپ، ءدىني ۇشقارى يدەيانىڭ كەۋلەپ كىرىپ، كولەم الۋىن باتىل تەجەۋ كەرەك.
  جەتىنشى، شەكارانى باسقارۋ - مەڭگەرۋدى كۇشەيتۋگە اناعۇرلىم نازار اۋدارۋ كەرەك. ارميا مەن حالىقتىڭ، ساقشى مەن حالىقتىڭ، شەكارا قورعانىس كۇشتەرى مەن حالىقتىڭ بىرلەسىپ ساقتانۋىنا، ادامدىق ساقتانۋدى، زاتتىق ساقتانۋدى، تەحنيكالىق ساقتانۋدى ءوزارا ۇشتاستىرۋعا تاباندى بولۋ، بەكەم شەكارا قورعانىس شەبىن سومداۋ كەرەك.
  سەگىزىنشى، پارتيانى جاپپاي قاتاڭ جونگە سالۋعا اناعۇرلىم ءمان بەرۋ كەرەك. پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، «4 تانىمدى» بەرىك ورناتىپ، باس شۋجي شي جينپيڭ سىندى ۇيتقىنى باتىل دا بەكەم قورعاۋدى ەڭ ۇلكەن ساياسي ەتىپ، شينجياڭ استانا بەيجيڭنەن الىس بولعانىمەن، اۆتونوميالى رايوندىق پارتكومنىڭ، اۆتونوميالى رايونداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ، كادرلاردىڭ جانە ءار ۇلت حالىق بۇقاراسىنىڭ جۇرەگى باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسۋىن، بەرىك تۇتاسۋىن جۇزەگە اسىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. بولشەكتەۋشىلىككە قارسى كۇرەستىڭ ءتارتىبىن قاتايتىپ، باسشىلىق القاسى مەن كادرلار قوسىنى قۇرىلىسىن كۇشەيتىپ، نەگىزگى ساتى ۇيىمى مەن نەگىزگى ساتى اكىمياتىن نىعايتىپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى ىشكەرىلەي ورىستەتىپ، ستيلى تازا، تۋراشىل ساياسي ەكولوگيا قالىپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن پارمەندى كەپىلدىك ازىرلەۋ كەرەك.
  چىن چۋانگو سوڭىندا مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋ جونىندەگى جاڭا ۇستانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ، تياناقتاندىرىپ، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، شينجياڭدا قىزمەت تەكسەرگەن كەزدە جانە مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، شينجياڭدى زاڭمەن جونگە سالۋدان، شينجياڭدى ىنتىماقتاستىرا ورنىقتىرۋدان، شينجياڭدى ۇزاق ۋاقىت كوركەيتۋدەن جازباي، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، يدەيانى بىرلىككە كەلتىرىپ، رۋحتى تاسقىنداتىپ، اۋەلگى ماقساتتى ەستەن شىعارماي، ۇدەرە العا تارتىپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىنىڭ شينجياڭ تاراۋىن كۇش سالا جازىپ، پارتيا 19 - قۇرىلتايىنىڭ جەڭىسپەن اشىلۋىن سۇبەلى ناتيجەمەن قارسى الۋىمىز كەرەك!
  ءماجىلىس ايبىندى ينتەرناتسيونال انىمەن جەڭىسپەن جابىلدى.


بەرىپ كەت ورامالىڭدى

دوستار

الىستاعى اق ەركە