جاڭا حابارلار

قوس ءتىل وقۋ-اعارتۋىن كۇشەيتىپ، شينجياڭنىڭ بولاشاق ارمانىنا قۇلاش سەرمەيىك

    كەلۋ قاينارى: شينجياڭ حالىق راديو ىستانسياسى    2017-07-01 21:16:49  
ستانسيامىزدىڭ تىلشىلەرى حى فەي، ما گولەي، ديڭ شياۋدان، ىلە حالىق راديو ستانسياسىنىڭ ءتىلشىسى جاڭ جينيۇي جازعان اقپاراتتىق ارناۋلى حاباردى تىڭداڭىزدار: «جۇڭگو حاتكەرلىگىنىڭ ماعناسى تەرەڭ، ۇلتتار ارا سۇيىسپەنىشىلىك قويۋ، قوس ءتىل ۇيرەنىپ، وتاننىڭ ءۇمىتىن اقتايمىز..» تاياۋدا، قاشقار ايماعى قاشقار كونە ءشارى اۋدانى توققۇزاق قالاشىعى سەنترلى باستاۋىش مەكتەبىندەگى وقۋشىلار مەكتەپتىڭ ولەڭ وقۋ قيمىلىنا قاتىناستى. وقۋشى اكرام مامەت: «وقىتۋشىلار ءار رەت تاپسىرمادان ۇلگى الىپ تەكسەرگەندە، ماعان ءار جولى A قويادى، حانزۋ ءتىلىن جاقسى سويلەيتىندىگىمنەن، ولەڭ وقۋ كلاسىنا كىرگىزىپ قويدى»،-دەدى.
سوڭعى جىلدارى مەكتەپ «4 رەت وقىپ، 3 رەت تىڭداپ، 2 رەت ايتىپ، ءبىر رەت جازۋ» سىندى وقىتۋ ۇلگىسىن كۇش سالا ورىستەتىپ، قوس ءتىل كلاسى دا بۇرىنعى 12 دەن 15 كە كوبەيىپ، ءار ءبىر كلاسقا بىردەن كومپيۋتەر ورنالاستىرىلدى. مەكتەپتىڭ ورىنباسار باستىعى تان لييىڭ بىلاي دەدى: «ەرەكشە جۇمىس ورنىنداعى وقىتۋشىلار، توقتامدى وقىتۋشىلار كەلگەننەن كەيىن ءبىز ولاردى اۋەلى ءبىرىنشى جىلدىققا قوس ءتىل ساباعىن بەرۋگە تولىقتاپ ورنالاستىردىق، توراپتى جالعاعاننان كەيىن، وقىتۋشىلار كوپتەگەن وقىتۋ بايلىعىن ءتۇسىرىپ، قوسىمشا ساباق بەرەتىن بولدى».
قازىر، توققۇزاق قالاشىعىنىڭ سەنترلى باستاۋىش مەكەبى قاشقار ايماعىنداعى اۋىل-قىستاق مەكتەپتەرى بويىنشا، باستاۋىش 1-جىلدىعىنان 6-جىلدىعىنا دەيىن مەملەكەتتىڭ ءبىرتۇتاس پايدالانىلاتىن ءتىل-جازۋ وقىتۋىن تۇگەلدەي جالپىلاستىرۋدى الدىمەن جۇزەگە اسىرىپ، «بالالار ۇلكەندەرگە ۇيرەتۋ» قيمىلى ارقىلى، قوس ءتىل وقۋ-اعارتۋىنىڭ ىقپالىن بارعان سايىن كوپ وتباسىنا جەتكىزە باستادى.
وتكەن جىلى قىركۇيەكتە، اۆتونوميالى رايوندىق پارتكوم «وقۋ-اعارتۋ جاعىندا حالىققا تيىمدىلىك جەتكىزۋدى» حالىققا تيىمدىلىك جەتكىزۋدەگى 9 ءىرى ينجەنەريانىڭ ءبىرى ەتىپ، «3 جىلدىق بالالار باقشاسى وقۋ-اعارتۋىن الدىمەن اتقارۋ، وڭتۇستىك شينجياڭداعى ءۇش ايماق، ءبىر وبلىستا الدىمەن اتقارۋ، قوس ءتىل وقۋ-اعارتۋىن الدىمەن اتقارۋ، كەدەي بۇقارالىق توپقا الدىمەن اتقارۋ» سىندى ماڭىزدى نۇسقاۋدى العا قويدى، ءارى اۋىل-قىستاقتاردا مەكتەپكە ءتۇسۋ الدىنداعى 3 جىلدىق قوس ءتىل وقۋ-اعارتۋىن تەگىن ەتۋدى «وقۋ-اعارتۋ جاعىندا حالىققا تيىمدىلىك جەتكىزۋ ينجەنەرياسىنىڭ» «1-ءنومىرلى ينجەنەرياسى» ەتتى. بيىل، رايونىمىز مەكتەپكە ءتۇسۋ الدىنداعى قوس ءتىل وقۋ-اعارتۋىنان تەگىن يگىلىكتەنەتىن اۋىل-قىستاقتاعى وقۋ جاسىنا لايىق 562 مىڭ 900 بالانى تىڭنان كوبەيتۋدى جوسپارلادى، مۇنىڭ ىشىندە، وڭتۇستىك شينجياڭداعى ءۇش ايماق، ءبىر وبلىستا 425 مىڭ 600 بالا بار، اۋىل-قىستاقتاعى بالالار باقشاسىنان 4 مىڭ 387 سىن جاڭادان جانە كوبەيتىپ سالۋدى جوسپارلادى، مۇنىڭ ىشىندە، وڭتۇستىك شينجياڭداعى ءۇش ايماق، ءبىر وبلىستا 3 مىڭ 223 بالالار باقشاسىن جاڭادان جانە كەڭەيتىپ سالادى.
حوتان ايماعى لوپ اۋدانى سامپۇل قالاشىعىنىڭ قارايانتاق قىستاعىندا، قىستاقتىڭ بالالار باقشاسىنىڭ قۇرىلىسى قاربالاس جۇرىلۋدە، قىستاق تۇرعىندارى وسى بالالار باقشاسىنىڭ تەزىرەك ءبىتۋىن ءتورت كوزبەن كۇتتى. كەدەي وتباسى اباباكىر ابدۇراحىم بىلاي دەدى: «جاڭادان سالىنعان بالالار باقشاسىنىڭ ۇيرەنۋ شارت-جاعدايى وتە جاقسى، قۇرىلعىسى تولىق، بالالاردىڭ وقۋ قاراجاتى، تاماق، جاتاق اقىسى تەگىن، ءبىزدىڭ قۋانىشىمىزدا شەك جوق».
قوس ءتىل وقۋ-اعارتۋىن دامىتۋدىڭ تەتىگى ـــ ادامدا، رايونىمىز مەملەكەتتىڭ «ەرەكشە جۇمىس ورنى»، اۆتونوميالى رايون جەرگىلىكتى ورىننىڭ «ەرەكشە جۇمىس ورنى» بويىنشا وقىتۋشىنى ۇسىنىسپەن قابىلداۋ جوسپارى ارقىلى، قوس ءتىل ساباعىن بەرەتىن از ۇلت وقىتۋشىلارىن تاربيەلەۋ تەبىنىن ارتتىردى. كۇنەس اۋدانى اعارسىن قالاشىعى ورتا مەكتەبى حانزۋشا-قازاقشا تىلدە ساباق بەرەتىن جاتاقتى ورتالاۋ مەكتەپ، مەكتەپتەگى 664 وقۋشىنىڭ %86 تى از ۇلت وقۋشى. بىرنەشە كۇننەن بەرى، مەكتەپ مەكتەپتەگى قوس ءتىل ساباعىن بەرەتىن 40 نەشە از ۇلت وقىتۋشىعا مەملەكەت ءتىلى دەڭگەيىن جوعارىلاتۋ تاربيەسىن جۇرگىزدى، وقىتۋشى نۇريمان بازارجان قىزى، مۇنداي قايتالانبالى تاربيەلەۋ كلاسىنان كۇنىنە 8 ساعات وتىلەتىنىن، ءوزىنىڭ ساباققا قاتىناسقانىنا جارىم اي بولىپ، مەملەكەت ءتىلى دەڭگەيىنىڭ كوپ جوعارىلاعانىن ايتا كەلىپ بىلاي دەدى: «ءبىزدىڭ حانزۋشا سويلەۋ دەڭگەيىمىز جوعارىلادى، كۇندە ۇيرەنۋگە قاتىناسامىز، مەن جالعاستى ۇيرەنەيىن دەپ تۇرمىن».
2017-جىلى رايونىمىز 24 مىڭ وقىتۋشىنى ۇسىنىسپەن قابىلداۋ مىندەتىن ورىندايدى. وڭتۇستىك شينجياڭ رايونىن قولداۋ ءۇشىن، وتكەن جىلدان بەرى رايونىمىز تاعى اۆتونوميالى رايون مەن بيڭتۋاننان 10 مىڭ كادردى، جاڭادان قابىلدانعان مەملەكەت قىزمەتكەرلەرىن جانە جاڭادان ۇسىنىس ەتىلگەن وقىتۋشىلاردى وڭتۇستىك شينجياڭنىڭ اۋىل-قىستاقتارىنىڭ بالالار باقشاسىنا وقۋ-اعارتۋدى قولداۋعا جىبەرۋدى باستاپ، شينجياڭعا كومەكتەسەتىن ولكە، قالالاردان وقۋ-اعارتۋدى قولدايتىن وقىتۋشىلاردان 3 مىڭ 200 ادامدى تياناقتاندىرىپ، پەداگوگيكا مەكتەبىن تەگىن وقىپ تاۋىسقانداردى قابىلداۋ جانە وسى جىلى پەداگوگيكا مەكتەبىن تەگىن وقىپ تاۋىسقانداردى باعىتتامالى جۇمىسقا ورنالاستىرۋ قىزمەتىن ويداعىداي ىستەپ، قوس ءتىل وقۋ-اعارتۋىن وقىتۋشىلار بايلىعىمەن قامتاماسىزداندىرۋدى ىلگەرىلەتتى.
27-ماۋسىم كۇنى، يىڭىسار اۋدانى ساعان اۋىلى جوعارعى لاڭگار قىستاعىنىڭ قوس ءتىل بالالار باقشاسىندا، تۋ شىعارۋ سالتىنان كەيىن، ەرەسەك بالالار 1-كلاسىنىڭ وقۋشىسى ابدۇازەز مامۇت: «حى ۇستاز، مەن ءسىزدى جاقسى كورەمىن، ءسىزدى قيمايمىن، مەن جاقسى ۇيرەنەمىن»، ــ دەدى.
سوڭعى ءبىر جىلدان بەرى، وڭتۇستىك شينجياڭعا وقۋ-اعارتۋدى قولداۋعا بارعان وقىتۋشىلار وزدەرىنىڭ ارتىقشىلىعىن ساۋلەلەندىرىپ، جەرگىلىكتى ورىنداعى بالالار باقشاسىنىڭ وقىتۋشىلارىمەن مۇقيات تاجىريبە اۋىستىرىپ، بالالاردى ىجداعاتپەن تاربيەلەپ، وقىتۋ مازمۇنىن مولايتىپ، اۋىل-قىستاقتاردىڭ مەكتەپكە ءتۇسۋ الدىنداعى قوس ءتىل وقۋ-اعارتۋى دەڭگەيىن جەدەل جوعارىلاتتى. يىڭىسار اۋدانى ساعان اۋىلى جوعارعى لاڭگار قىستاعى بالالار باقشاسىنىڭ وقىتۋشىسى گۇلىستان ساۋىت: «ولار كوپ ومىرشەڭدىك كۇش قوسىپ، ءتۇرلى جاقتاردا بىزگە كوپ كومەكتەستى، مەن ولارعا ەرەكشە العىسىمدى بىلدىرەمىن» دەدى.

بەرىپ كەت ورامالىڭدى

دوستار

الىستاعى اق ەركە