جاڭا حابارلار

وتكەن بەس جىل ىشىندە اۆتونوميالى رايونىمىز 60 مىڭنان استام قوس ءتىل وقىتۋشىسىن قابىلدادى

    كەلۋ قاينارى: شينجياڭ حالىق راديو ىستانسياسى    2017-07-02 21:01:29  

ءتاڭىرتاۋ تورابىنىڭ حابارى: قالا مەن اۋىل وقۋ-اعارتۋىنىڭ بىركەلكى ءارى تەڭ دامۋىنا كەپىلدىك ەتۋ، اۋىل-قىستاق نەگىزدىك وقۋ-اعارتۋىنىڭ «ساپاسىن جوعارىلاتۋ» ءۇشىن، وتكەن بەس جىل ىشىندە اۆتونوميالى رايونىمىز ءتۇرلى ەرەكشە شارالاردى قولدانىپ، تيانشان تاۋىنىڭ تەرىستىگى مەن تۇستىگىندەگى اۋىل-قىستاقتارداعى بالالار باقشاسىنا جانە ورتالاۋ مەكتەپتەر مەن باستاۋىش مەكتەپتەرگە 60 مىڭنان استام قوس ءتىل وقىتۋشىسىن قابىلدادى.
ءتىلشىنىڭ تاياۋدا، اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋىنشا، اۋىل-قىستاقتاعى وقىتۋشىلاردىڭ كەمشىلدىگى سىندى جاعدايدى شەشۋ ءۇشىن، وتكەن بەس جىلدا اۆتونوميالى رايونىمىز ورتالاۋ جانە باستاۋىش مەكتەپتەر مەن بالالار باقشاسىنا ءبىر تۇتاس وقىتۋشى قابىلداۋ مەحانيزمىن ورناتىپتى؛ مەملەكەتتىڭ ەرەكشە قىزمەت ورنى جوسپارى مەن شينجياڭ ۇيعۇر اۆتونوميالى رايونىنىڭ «5 پايىز دارىندىلاردى دايىنداۋ جوسپارىن» جانە جاي وقىتۋشىلاردى قابىلداۋ جوسپارىن بىرلىكتە اتقارىپ، اۋىل-قىستاق وقىتۋشىسىن شتات ءتۇزىمىنىڭ شەكتەمەسىنەن اسىرىپ قابىلداپتى؛ مەملەكەتتىڭ پەداگوگيكالىق مەكتەپتەردە وقۋشىلاردى تەگىن وقىتۋ ۇلگىسىنە نەگىزدەلىپ، پەداگوگيكالىق مەكتەپتەردە وقۋشىلاردى تەگىن وقىتۋدىڭ ولكەلىك جوسپارىن اتقارعان ەكەن؛ وقۋشىلار وقۋ بىتىرگەن سوڭ باعىتتامالى اۋىل-قىستاققا قايتىپ وقىتۋشى بولۋ قاتارلى «قالىپتى بەلگىلەمەدەن اسقان» امالداردى قولدانىپتى، مۇندا نەگىزىنەن وڭتۇستىك شينجياڭداعى 3 ايماق، ءبىر وبلىستىڭ اۋىل-قىستاقتاعى بالالار باقشاسى، ورتالاۋ جانە باستاۋىش مەكتەپتەرى نەگىز ەتىلگەن، جالپى 61 مىڭ 400 وقىتۋشى قابىلدانعان.
وقىتۋشىلاردىڭ بارعان جەرىندە ىرگە تەۋىپ تامىر تارتىپ ورنىعۋى ءۇشىن، اۆتونوميالى رايون اۋىل-قستاق وقىتۋشىلار قوسىنىن «ورنىقتىرۋ» جولىندا كوپتەگەن ۇتىمدى شارالاردى قولداندى. 2010-جىلدان بەرى، اۆتونوميالى رايون جۇمىس ونىمدىلىگى ەڭبەكاقىسىن ءۇش رەت جوعارىلاتتى، شەكارا، شالعاي رايوندارداعىلارعا بەرەتىن قوسىمشا قاراجاتتى 4 رەت ءوسىردى، تۇرعىن ءۇي الەۋمەتتىك قورىنىڭ ولشەمىن دە بارىنشا جوعارىلاتتى، سونىمەن بىرگە، اۋىل-قىستاق وقىتۋشىلارىنا تۇرمىستىق قوسىمشا قاراجات بەرۋ ساياساتىن اتقارىپ، 160 مىڭنان استام اۋىل-قىستاق وقىتۋشىسىنا اي سايىن كىسى باسىنا 200 يۋاننان قوسىمشا قاراجات تاراتىپ، اۋىل-قىستاق وقىتۋشىلارىنىڭ كىرىسىن جالپى بەتتىك جوعارىلاتتى.


بەرىپ كەت ورامالىڭدى

دوستار

الىستاعى اق ەركە