جاڭا حابارلار

تۇتاس رايونىمىزداعى قىستاقتارعا بارعان قىزمەت اترەتتەرى 10 مىڭ ادامنىڭ پارتياعا كىرۋ سەرتىن قايتالاي بەرۋ قيمىلىن وتكىزدى

    كەلۋ قاينارى: شينجياڭ حالىق راديو ىستانسياسى    2017-07-02 21:51:18  
ستانسيامىزدىڭ جيناق حابارىن تىڭداڭىزدار: 1-شىلدە رايونىمىز بويىنشا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن قىستاقتارعا بارعان 9 مىڭ 751 قىزمەت اترەتى 467 مىڭ پارتيا مۇشەسىن ۇيىمداستىرىپ، نارت قىزىل پارتيا تۋى الدىندا ايبىندى سەرت بەرىپ، پارتياعا مۇشە بولعانداعى اۋەلگى ماقساتتان جازبايمىز دەگەن ەرەكشە تاسىلدەرمەن پارتيانىڭ تۋعان كۇنىنە ساۋعا سيلادى.
ءۇرىمجى قالالىق عىلىم-تەحنيكا قوعامىنان باقىت باقشاسى الەۋمەتتىك اۋماعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ»بويىنشا بارعان قىزمەت اترەتىنىڭ مۇشەلەرى الەۋمەتتىك اۋماق كادرلارىمەن جانە تۇرعىندارمەن بىرگە پارتيا قۇرىلعاندىعىنىڭ 96 جىلدىعىن قۇتتىقتادى. بارلىق پارتيا مۇشەسى پارتياعا مۇشە بولۋ سەرتىن قايتالاي بەرگەننەن كەيىن الاڭداعى 100 دەن استام پارتيالى كادر مەن الەۋمەتتىك اۋماقتاعى بۇقارا اسقاق اۋەنمەن «كوممۋنيستىك پارتيا بولماسا جاڭا جۇڭگو بولماق ەمەس» ءانىن شىرقادى. پارتياعا مۇشە بولعانىنا 30 نەشە جىل بولعان الەۋمەتتىك اۋماقتىڭ تۇرعىنى شى داۋفا اسەرلى بەينەدە: ءسوزجوق پارتيا ورتالىق كوميتەتىنە ىلەسەمىن، ساقا پارتيا مۇشەسى تۇرعىسىنان الەۋمەتتىك اۋماقتىڭ قىزمەتىن قولداپ، ولارعا شامانىڭ كەلىسىنشە كومەكتەسەمىن،-دەدى.
1-شىلدە تۇستەن بۇرىن، ءبىر مىڭ 500 دەن استام پارتيالى كادر مەن بۇقارا قۇلجا قالاسى دادامتۇ اۋىلى بۇلاق قىستاعى تۇرعىندار كوميتەتىنىڭ اۋلاسىنا جينالىپ، پارتياعا مۇشە بولۋ سەرتىن قايتالاي بەرىپ، باتىل ءۇن قاتىپ، ايقىن پوزيتسيا ءبىلدىرۋ، پارتيا ساباعىن ءوتۋ، توڭكەرىستىك اندەردى ايتۋ تاسىلدەرىمەن پارتيانىڭ تۋعان كۇنىن تويلادى. بۇلاق قىستاعى ۇيعۇر، حانزۋ، حۇيزۋ، قازاق، وزبەك سىندى 5 ۇلتتان قۇرالعان. سوڭعى جىلداردان بەرى، قىستاق پارتيا ياچەيكاسى، قىستاق تۇرعىندار كوميتەتى جانە قىستاققا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن بارعان قىزمەت اترەتى وزگەشە ۇلتتىق عۇرىپ-ادەت، مادەنيەتتى نەگىز ەتىپ، قىستاق تۇرعىندارىن ديحاندار تاعامجايىن اشۋعا شابىتتاندىردى، 2015-جىلى مەملەكەتتىك اۋىل شارۋاشىلىق مينيسترلىگى بۇلاق قىستاعىن «جۇڭگوداعى ەڭ كوركەم دەمالىس قىستاعى» دەپ باعالادى، قىستاق تۇرعىندارىنىڭ كىرىسى دە جىلدان-جىلعا جوعارىلاپ، قىستاق تۇرعىندارىنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمى مەن بەكىمى اناعۇرلىم كۇشەيە ءتۇستى. بۇلاق قىستاعىنىڭ ءبىرىنشى شۋجيى، قۇلجا قالالىق قامداۋ-ساتۋ كوپەراتيۆىنەن بۇلاق قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن بارعان قىزمەت اترەتىنىڭ باستىعى ياڭ مەيچي: قازىر، قىستاعىمىزدا پارتيا ۇيىمىنا قاتىناسقىسى كەلەتىندەر بارعان سايىن كوبەيىپ، 60 جاس پارتياعا كىرۋ ءوتىنىشىن تاپسىردى،-دەدى.
1-شىلدە تاڭەرتەڭ ەرتە، بۇراتالا وبلىسىنداعى 8 مىڭ 700 پارتيا مۇشەسى تۇتاس وبلىستاعى 313 قىستاق پەن الەۋمەتتىك اۋماقتا پارتياعا مۇشە بولۋ سەرتىن قايتالاي بەرىپ، «1-شىلدە پارتيا كۇنىن» قۇتتىقتاۋ جەلىلەس قيمىلىنا قاتىناستى. اراسان اۋدانى زالىمتى اۋىلى اش قىستاعى شەكاراداعى مال شارۋاشىلىق قىستاعى، مالشى اۋباكىر قالي ۇلىنىڭ وتباسىنداعى 7 جان قيمىلعا بىرگە قاتىناستى، ولاردىڭ تورتەۋى پارتيا مۇشەسى، ۇشەۋى تاربيەلەۋ وبيەكتىسى. كىشى ۇلى ىلياسقان اۋباكىر ۇلى بيىل پارتياعا جاڭادان مۇشە بولعان. ول: مەن اكەمنىڭ پارتيانى ءسۇيىپ، شەكارانى قورعاعان تاماشا داستۇرىنە مۇراگەرلىك ەتىپ، پارتياعا ادال بولامىن، استە ەكى بەتكەيلەردەن بولمايمىن،-دەدى.
مارالباسى اۋدانى داۋلەتباق اۋىلى اياققى قاراكولنۇر قىستاعىندا بيىل پارتياعا جاڭادان مۇشە بولعان از ۇلت پارتيا ۋاكىلدەرى رەتىمەن ساحىناعا شىعىپ ءسوز سويلەپ، ءىس جۇزىندىك ارەكەتتەرى ارقىلى قوعام ورنىقتىلىعى مەن ۇلتتار ىنتىماعى جالپى جاعدايىن ويداعىداي قورعايتىندىقتارىن ءبىلدىردى. اۆتونوميالى رايوندىق سايايس كەڭەس ورگانىنان مارالباسى اۋدانى داۋلەتباق اۋىلى اياققى قاراكولنۇر قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن بارعان قىزمەت اترەتىنىڭ باس جەتەكشىسى، ءبىرىنشى شۋجي، اترەت باستىعى شىڭ چۇنشوۋ بىلاي دەدى: نەگىزگى ساتى ۇيىمىن الۋەتتەندىرىپ، پارتيا مۇشەلەرى قوسىنىن نىعايتىپ، پارتيا ۇيىمىن جاۋىنگەرلىك قامال ەتەمىز. الدا وسى رەتكى قيمىلدى وراي ەتىپ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىنىڭ ءتۇرلى قىزمەتتەرىن جاپپاي ورىنداپ، قىستاق تۇرعىندارىن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە باستايمىز.

بەرىپ كەت ورامالىڭدى

دوستار

الىستاعى اق ەركە