باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جەر-جەردە بالالار شيپاحاناسىن سالۋ شاراسى جەدەل اتقارىلۋدا

    كەلۋ قاينارى: شينجياڭ حالىق راديو ىستانسياسى    2017-07-03 18:54:22  

ءتاڭىرتاۋ تورابىنىڭ حابارى: سوڭعى جىلدارى اۆتونوميالى رايونىمىز ەمدەۋ، دەنساۋلىق ساقتاۋ جاعىندا حالىققا تيىمدىلىك جەتكىزۋ ساياساتىن شىعاردى، وسىنىڭ ناتيجەسىندە جەر-جەردە بالالار شيپاحاناسىن سالۋ شاراسى جەدەل اتقارىلدى.
اۆتونوميالى رايوندىق حالىق شيپاحاناسى سولتۇستىك شيپاحاناسىنىڭ ورىنباسار باستىعى نيۋ ۋييا تىلشىگە: «شامامەن 339 ميلليون يۋان قارجى جۇمسالادى دەپ مەجەلەنگەن اۆتونوميالى رايوندىق بالالار شيپاحاناسىنىڭ عيماراتى سالىنىپ پايدالانۋعا بەرىلگەنىنەن كەيىن، بالالار اۋرۋلارى بويىنشا 500 توسەك كوبەيتىلىپ، تۇتاس شينجياڭداعى كۇماندى، قيىن، كۇردەلى بالالار اۋرۋلارىنا دياگنوز قويۋ جانە ەمدەۋ مىندەتىن ۇستىنە الادى، بۇل رايونىمىزدا ولكە دارەجەلى بالالار اۋرۋلارى شيپاحاناسى بولماۋ تاريحىن اياقتاتادى»،-دەدى.
كەزەكتە، رايونىمىزدا ارناۋلى بالالار شيپاحاناسى از ەكەن، رايونىمىزداعى بالالار اۋرۋلارى ءبولىمىن اشقان شيپاحانالاردىڭ سانى نەبارى 372 بولىپ، تۇتاس رايونىمىزدا جيىنى 6 مىڭ 535 بالالار اۋىرۋى توسەگى بار ەكەن، بۇل بۇكىل رايونىمىزداعى جالپى اۋرۋلار توسەك ورنىنىڭ %4.8 ءىن يەلەيدى. ال رايونىمىزداعى 14 جاستان تومەنگى بالالاردىڭ سانى 4 ميلليون 500 مىڭ ادامعا جەتەدى، بۇل ەسەپ بويىنشا، ءار مىڭ بالاعا 0.28 توسەك تۋرا كەلەدى ەكەن.
بالالار اۋىرۋىن ەمدەۋدەگى قيىنشىلىقتى شەشۋدى ماقسات ەتكەن شينجياڭ مەديتسينا ۋنيۆەرسيتەتىنە قاراستى 1-شيپاحانانىڭ بالالار اۋرۋلارى ءبولىمى عيماراتىنىڭ 2-مەزگىلدىك ينجەنەرياسى پايدالانۋعا بەرىلگەننەن كەيىن، 16 قاباتتى بالالار اۋرۋلارى ءبولىمىنىڭ امبەباپ ەمدەۋ عيماراتىندا 500 توسەك مولايىپ، ەمدەۋ شارت-جاعدايى جاقسارادى. بۇدان سىرت، ۇرىمجىدەگى بىردەن-ءبىر بالالار اۋرۋلارى شيپاحاناسى دا بولىمشە شيپاحانا سالۋ جۇمىسىن ىستەپ جاتىر ەكەن، بۇل رايونىمىزداعى بالالار اۋرۋلارىن ەمدەۋ جاعىنداعى بايلىقتىڭ جەتىسپەۋى سىندى قىسىمدى جەڭىلدەتىپ، بالالار اۋرۋلارىن نەگىزدىك ەمدەۋ جانە كۇماندى، كۇردەلى، قاتەرلى، سالماقتى اۋرۋلاردى ەمدەۋ، قۇتقارۋ قابىلەتىن جوعارىلاتىپ، رايونىمىزدىڭ ايەلدەر مەن بالالار دەنساۋلىعىن قورعاۋعا قىزمەت وتەۋ جۇيەسىنىڭ قۋاتى مەن دەڭگەيىن جوعارىلاتادى.
ۇعىسۋعا قاراعاندا، رايونىمىز تاعى دا وڭتۇستىك شينجياڭ، سولتۇستىك شينجياڭ جانە شىعىس شينجياڭ سىندى 3 وڭىردە 3 وڭىرلىك بالالار اۋرۋلارى بويىنشا ەمدەۋ ورتالىقتارىن قۇرۋ جوسپارلانعان؛ سونىمەن بىرگە، اۆتونوميالى رايون دارەجەلى 11 امبەباپ شيپاحانا مەن ايماق، وبلىس، قالالارداعى 3-دارەجەلى 10 امبەباپ شيپاحانانىڭ، 93 اۋداندىق شيپاحانانىڭ بالالار اۋرۋلارى بولىمدەرىنىڭ نەگىزدىك قۇرىلعى قۇرىلىسى كۇشەيتىلەدى ەكەن.
جىبەك جولى ەكونوميكالىق بەلدەۋىنىڭ وزەكتى رايونىنداعى ەمدەۋگە قىزمەت وتەۋ ورتالىعى قۇرىلىسىن ىلگەرىلەتۋ ءۇشىن، ءۇرىمجى قالاسى حالىقارالىق شيپاحانا، دوستىق شيپاحاناسى سياقتى ءبىر توپ تۇتاس شينجياڭعا باعىتتالعان، كورشى ەلدەر مەن رايونداردى شارپۋ اۋماعىنا العان وسىزاماندانعان شيپاحانالاردى جوعارى ولشەم بويىنشا جوبالاۋدا. مۇنان سىرت، ۇكىمەت اشقان شيپاحانا، نەگىزگى ساتىلارداعى ەمدەۋ، دەنساۋلىق ساقتاۋ قىزمەت وتەۋ ورىندارى قۇرىلىسى، جۇقپالى اۋرۋلاردىڭ الدىن الۋ جانە ەمدەۋ، سونداي-اق جۇڭگوشا، ۇلتتىق شيپاگەرلىك بويىنشا ەمدەۋ-قىزمەت وتەۋ جۇيەسى قۇرىلىسى سياقتى جاقتاردا دا بيىل مول قارجى قوسىلادى.
ءتىلشىنىڭ اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتىنەن ۇعىسۋىنشا، بيىل رايونىمىز دەنساۋلىق ساقتاۋ، جوسپارلى تۋىت سالاسىنا 11 ميلليارد 700 ميلليون يۋان قارجى جۇمساۋدى جوسپارلاعان، بۇل 2016-جىلعى7 ميلليارد 400 ميلليون يۋاننان 4 ميلليارد 300 ميلليون يۋان ارتىق، ارتۋ مولشەرى 58.1% بولعان.

ءان الەمى

جول توسىلىپ قالدى

تۇلپارىم