جاڭا حابارلار

قىزمەت اترەتىندەگىلەر جەرگىلىكتى ورىنداعى 40 نەشە ايەلدىڭ كەدەيلىكتەن قۇتىلىپ اۋقاتتانۋىنا جەتەكشىلىك ەتتى

    كەلۋ قاينارى: شينجياڭ حالىق راديو ىستانسياسى    2017-07-03 19:55:28  
ىلە راديو ستانسياسىنىڭ ءتىلشىسى جاڭ جيڭيۇي، قۇلجا اۋداندىق راديو-تەلەۆيزيا ستانسياسىنىڭ ءتىلشىسى جوۋ گاڭنىڭ حابارىن تىڭداڭىزدار: ىلە وبلىستىق ساناق مەكەمەسىنەن قۇلجا اۋدانىنىڭ اراوستەڭ قالاشىعى بۇلاقبەشى قىستاعىنا بارعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق تۇرعىندارىنا سايكەسىپ، ايەلدەردىڭ تىگىنشىلىك سەلبەستىك كوپەراتيۆىن قۇرىپ، جەرگىلىكتى ورىنداعى 40 نەشە ايەلدىڭ كەدەيلىكتەن قۇتىلىپ اۋقاتتانۋىنا جەتەكشىلىك ەتتى.
1-شىلدە قارساڭىندا، ىلە وبلىستىق ساناق مەكەمەسىنىڭ قۇلجا اۋدانى اراوستەڭ قالاشىعى بۇلاقبەشى قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى ىلە وبلىستىق ايەلدەر بىرلەستىگىنەن ايەلدەرگە كومەكتەسۋ قارجىسىنان 15 مىڭ يۋان الىپ، 7 اۆتوماتتى تىگىن ماشيناسىن ساتىپ اكەلىپ، قىستاقتاعى تىگىنشىلىك سەلبەستىك كوپەراتيۆىنىڭ جاۋاپتىسى ايتوحان يىمارجانعا تابىس ەتتى. سونىمەن قىستاق تۇرعىندارىنىڭ وزدەرىندە بار 17 تىگىن ماشيناسىن قوسقاندا، سەلبەستىك كوپەراتيۆىنىڭ تىگىن ماشيناسىنىڭ سانى 24 كە جەتتى، بۇدان ايتوحان يىمارجان مەن ونىڭ اپەكە-سىڭىلىلەرى ەرەكشە تەبىرەندى. ايتوحان: «قىستاقتاعى ايەلدەر ەرەكشە قۋاندى، قازىر تىگىنشىلىك كوپەراتيۆىندە جۇمىس ىستەپ اقشا تاباتىن وراي بار، سوندىقتان قىزمەت اترەتىنە ەرەكشە العىس ايتامىز»،-دەدى.
بيىل جىل باسىندا، قىزمەت اترەتى قىستاققا بارعاننان كەيىن، قىستاقتاعى ايەلدەردىڭ باسىم كوبىنىڭ تىگىنشىلىك تەحنيكاسىن بىلەتىندىگىن بايقادى، سونىمەن قىزمەت اترەتى قىستاقتاعى كەدەي ايەلدەردىڭ باسىن قوسىپ، اقىلداسىپ، ايەلدەر تىگىنشىلىك سەلبەستىك كوپەراتيۆىن قۇردى، ءارى ايتوحان يمارجاندى سەلبەستىك كوپەراتيۆىنىڭ جاۋاپتىسىنا كورسەتتى. سەلبەستىك كوپەراتيۆى قۇرىلعاننان بەرى، قىزمەت اترەتى بەلسەنە كومەكتەسىپ، جۇمىستاردى سايكەستىرىپ، سەلبەستىك كوپەراتيۆىنە ىلگەرىندى-كەيىندى اماندىق قورعاۋشى كيىمى، مەكتەپ كيىمى جانە قىستاق تۇرعىندارىنا قاجەتتى كيىم-كەشەك ءوندىرۋ تاپسىرىسىن حابارلاسىپ الىپ بەردى. قازىر سەلبەستىك كوپەراتيۆىندەگى 40 نەشە مۇشە اي سايىن ءبىر مىڭ يۋاننان ەكى مىڭ يۋانعا دەيىن تۇرلىشە مولشەردە ەڭبەكاقى الادى. كوپەراتيۆتىڭ مۇشەسى پاتيما سامارجان: «بۇرىن ۇيدە ىستەيتىن جۇمىس جوق بوس وتىراتىنبىز، قىزمەت اترەتى بىزگە تىگىن ماشيناسىن جەتكىزىپ بەرىپ، تاماشا ورتا جاراتتى، قازىر جاقسى ىستەپ جاتىرمىز، تاپقان كىرىسىمىز كۇننەن كۇنگە ارتۋدا»،-دەدى.
جاڭا تىگىن ماشيناسىنا يە بولعاننان كەيىن، قىزمەت اترەتىنىڭ ورىنباسار باستىعى ياڭ جيڭحۇي كوپشىلىكتى ۇزدىكسىز قۇلشىنۋعا شابىتتاندىرىپ: «قىستاقتاعى ايەل باۋىرلاستاردى باستاپ، كيىم-كەشەك ماركاسىنا ۇزدىكسىز جاڭالىق ەنگىزىپ، تۇتاس قىستاقتاعى ايەلدەردى دوڭگەلەك داۋلەتتى قوعامعا بەت الۋعا، بىرلىكتە اۋقاتتانۋعا جەتەلەۋدى ءۇمىت ەتەمىز»،-دەدى.

بەرىپ كەت ورامالىڭدى

دوستار

الىستاعى اق ەركە