جاڭا حابارلار

ۇلتتار ىنتىماعى گۇلىن ماڭگى جايقالتايىق

    كەلۋ قاينارى: شينجياڭ حالىق راديو ىستانسياسى    2017-07-05 18:37:28  
ستانسيامىزدىڭ ءتىلشىسى جين لەي جانە ەرىكتى تىلشىلەر جوۋ چۇنمەي مەن شۇي چي-ۋىندار جازعان اقپاراتتىق ارناۋلى حابارىن تىڭداڭىزدار: «وتانىمدى، اتا مەكەنىمدى، ساباقتاستارىمدى، ۇستازدارىمدى سۇيەمىن!
حىجيڭ اۋداندىق 8-بالالار باقشاسىندا، داۋىتجان احىمەت حانزۋ تىلىندە تەكىستى داۋىستاپ وقىدى. ونىڭ بالدىرعان داۋىسىن ەستىپ، كەزىندە ءتىلىنىڭ جانە ەستۋ قابىلەتىنىڭ اۋىر دارەجەدە كەدەرگىگە ۇشىراعانىن بايقاي المايسىز. وتكەن جىلى، حىجيڭ اۋداندىق ۇلت-ءدىن ىستەرى كوميتەتى پارتگرۋپپاسىنىڭ شۋجيى جاڭ شيانگو داۋىتجان احىمەتتىڭ ۇيىندەگىلەرمەن تۋىس بولعاننان كەيىن، ءارقايسى جاقپەن حابارلاسىپ، ونى يانجي اۋداندىق ساڭىرۋ بالالاردىڭ ەستۋ قابىلەتى مەن ءتىلىن قالپىنا كەلتىرۋ ورتالىعىنا تەگىن ەمدەلۋگە اپاردى، قازىر ول باسقالارمەن قوس تىلدە سويلەسە الاتىن بولدى. داۋىتجان احىمەتتىڭ شەشەسى رابيحان يمام: ول ۇنەمى بىزگە كومەكتەسەدى، حىجيڭ اۋدان قالاشىعىنان بىزگە كومەكتەسىپ ارزانعا جالعا بەرىلەتىن ۇيگە ءوتىنىش بەردى، قازىر تۇرمىسىمىز بارعان سايىن جاقساردى،-دەدى.
2014-جىلى باس شۋجي شي جينپيڭ شينجياڭدا قىزمەت تەكسەرگەندە، ۇلتتار ىنتىماعى دامۋدىڭ، العا باسۋدىڭ ىرگە تاسى، شينجياڭ ماسەلەسىندە، ەڭ قيىن ءارى ەڭ ۇزاق ۋاقىتتىق ماسەلە تاعى دا ۇلتتار ىنتىماعى ماسەلەسى دەگەندى اتاپ كورسەتتى. بيىل باس شۋجي مەملەكەتتىك 12-كەزەكتى حالىق قۇرىلتايىنىڭ 5-ماجىلىسىندە، شينجياڭ ۋاكىلدەر ۇيىرمەسىنىڭ «ۇكىمەت قىزمەتىنەن باياندامانى» قاراۋىنا قاتىناسقاندا، ۇلتتار ىنتىماعى ءار ۇلت حالقىنىڭ جان تامىرى ەكەنىن قايتالاي باسا دارىپتەدى. «ۇلتتار ىنتىماعىنىڭ ۇلى شاڭىراعىندا» جانە ۇلتتار ىنتىماعى بىرىككەن دوستىق قيمىلىن ءۇرتىس وتكىزىپ، ۇلتتار ىنتىماعىن كۇندەلىكتى تۇرمىس، قىزمەت جانە ۇيرەنۋ بارىسىندا تياناقتاندىرىپ، ۇلتتار ىنتىماعى گۇلىن ماڭگى جايقالتۋىمىز قاجەت.
تاپسىرمانى ەستە بەرىك ساقتاپ، جاۋاپكەرلىكتى ارقالاۋىمىز ءتيىس. ج ك پ اۆتونوميالى رايوندىق 9-قۇرىلتايىندا بىلاي دەپ ايقىن اتاپ كورسەتىلدى: پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى ۇلى تۋىن بيىك ۇستاپ، ۇلتتار ىنتىماعى ۇگىت تاربيەسى مەن ۇلتتار ىنتىماعى العا باسارلىعىنداعى ورىنداردى بىرگە قۇرۋ قيمىلىن ىشكەرىلەي ورىستەتىپ، «ۇلتتار ىنتىماعىنىڭ ۇلى شاڭىراعىندا» قيمىلىن وتكىزۋدى ۇلتتار ىنتىماعىن اناعۇرلىم بەكەمدەۋدىڭ جانە دامىتۋدىڭ نەگىزى رەتىندە مىقتى يگەرىپ، ءار ۇلت حالقىنىڭ تاتۋ ءتاتتى، جۇدىرىقتاي جۇمىلىپ، جاراسىمدى دامۋىن جەبەۋ كەرەك.
2016-جىلى قازاندا «ۇلتتار ىنتىماعىنىڭ ۇلى شاڭىراعىندا» قيمىلى ورىستەتىلگەننەن بەرى، رايونىمىزداعى ءبىر ميلليوننان ارتىق كادر، جۇمىسشى-قىزمەتكەر نەگىزگى ساتىداعى ءار ۇلت بۇقاراسىمەن سەرىكتەسىپ تۋىسقاندىق قاتىناس ورناتتى، جەر-جەر، تاراۋلار ۇلتتار ىنتىماعىن كۇندەلىك تۇرمىس، قىزمەت پەن ۇيرەنۋ بارىسىندا تياناقتاندىرىپ، ءارقايسى جاققا ءسىڭىردى. قوبىقسارى موڭعۇل اۆتونوميالى اۋداندىق چىڭگۋان باستاۋىش مەكتەبىندە 2 مىڭ 300 دەن ارتىق از ۇلت جانە حانزۋ وقۋشى بار، مەكتەپ ءار تىلدە ساباق ءوتۋ فورماسىنان پايدالانىپ، باي مازمۇندى دوستىق قيمىل وتكىزىپ، ءار ۇلت وقۋشىلارىنىڭ بىرگە ۇيرەنىپ، بىرگە ويناپ، بىرگە ەسەۋىنە مۇمكىندىك جاسادى. چىڭگۋان باستاۋىش مەكتەبىنىڭ باستىعى داي حۇڭيان بىلاي دەدى: بالالار كىشكەنتايىنان باستاپ ءار ۇلتتىڭ ءبىر-بىرىنەن ايىرىلا الماۋ يدەياسىن ورناتتى، ولار قايتىپ بارعاننان كەيىن ءبىر وتباسىنا ىقپال ەتەتىن بولادى،-دەدى.
تۋىستار ارالاسقان سايىن تۋىستىق قاتىناس تەرەڭدەيدى، دوستاردىڭ اراسى بارىس-كەلىس كوبەيگەن سايىن جاقىندايدى. «ۇلتتار ىنتىماعىنىڭ ۇلى شاڭىراعىندا» قيمىلى مەن ۇلتتار ىنتىماعى بىرىككەن دوستىق قيمىلىنىڭ وتكىزىلۋى، ءار ۇلت حالقىنىڭ پارتيا مەن ۇكىمەتتىڭ قامقورلىعىن، شەكسىز مەيىرىن سەزىنۋىنە مۇمكىندىك جاسايدى. ءوزارا بارىس-كەلىس جاساۋدا، ءبىرىن-ءبىرى ءتۇسىنىپ، سۇيسپەنشىلىك تەرەڭدەيدى؛ ءوزارا ۇيرەنىپ تەڭ العا باسقاندا، توعىسىپ تاتۋ-ءتاتتى وتۋگە بولادى؛ ءوندىرىس، تۇرمىس، قىزمەت، ۇيرەنۋ بارىسىندا، ءوزارا كومەكتەسىپ، ءوزارا كەڭ پەيىل بولىپ، ءبىر-بىرىنە قۇرمەت ەتسە، ءبىر وتباسىنىڭ ادامدارىنداي بولادى. باي اۋدانى كاڭچي اۋىلى تۇريامازا قىستاعىندا، سوڭعى كۇندەرى پارتيا ياچەيكاسىنىڭ شۋجيى لي حىپيڭ قىستاق ديحانى حايىرگۇل ازەرگە ەگىنشىلىك تەحنيكاسى جاعىندا جەتەكشىلىك ەتۋمەن ابىگەر بولدى، باي اۋدانىنداعى ەڭ ەرتە جىلىجاي سالعان ديحان رەتىندە، لي حىپيڭ ءوزى اۋقاتتانعانىمەن، اۋىلداستارىن ەستەن شىعارمادى، ول ىرىقتىلىقپەن باسقالاردىڭ جىلىجاي سالۋىنا كومەكتەسىپ، تەحنيكالىق ونەر جاعىندا جەتەكشىلىك ەتتى. حايىرگۇل ازەر: بۇرىن وتباسىمىزدا نەداۋىر قينشىلىق بار ەدى، لي حىپيڭ شۋجي بىزگە جىلىجايعا كوكونىس ەگۋدى ۇيرەتتى، سول كەزدە جىلىجاي سالۋعا ۇيىمىزدە قارجى جوق ەدى، ول بىزگە قارىز اقشا بەردى. ول كومەكتەسپەگەن بولسا، بۇگىنگىدەي جاقسى تۇرمىسقا قول جەتكىزە الماعان بولار ەدىك. قازىر قارىم-قاتىناسىمىز وتە جاقسى، ءبىر وتباسىنىڭ ادامدارىندايمىز،-دەدى.

بەرىپ كەت ورامالىڭدى

دوستار

الىستاعى اق ەركە