جاڭا حابارلار

شينجياڭ «ءبىر بەلدەۋ، ءبىر جول» ورايىن مىقتى يگەرىپ، جىبەك جولى ەكونوميكالىق بەلدەۋى وزەكتى رايونى قۇرلىسىن تەزدەتتى

    كەلۋ قاينارى: شينجياڭ حالىق راديو ىستانسياسى    2017-07-06 19:33:19  
ستانسيامىزدىڭ ءتىلشىسى لي لۇڭ جازعان اقپاراتتىق ارناۋلى حاباردى تىڭداڭىزدار: «تەڭىز شايانىنان ۇشەۋىن ساتىپ الدىم، مۇنى تىكەلەي توراپتان تاپسىرىس بەرىپ ساتىپ الدىم، بارىپ الىپ قايتساق بولدى».
قازىر، قارامايلىداعى قالا تۇرعىندارىنىڭ قول تەلەفونمەن توراپتان تەڭىز شايانى، قىزىل تەڭىز الابۇعاسى سياقتى يندى مۇحيتتاعى ون نەشە ءتۇرلى جابايى تەڭىز ونىمىنە الدىن الا تاپسىرىس بەرە الاتىن بولدى. كىسى قىزىعاتىن وسى تەڭىز ونىمدەرى 4 مىڭ كيلومەتر شالعايداعى پاكيستاننىڭ گۆادار كەمەجايىنان اكەلىنىپ، نەبارى 34 ساعاتتىڭ ىشىندە، قارامايلىلىقتاردىڭ داستارقانىنا شىعارىلىپ وتىر. جاڭا تەڭىز ونىمدەرىنىڭ ءدامىن تاتقان، قارامايلى قالاسىنىڭ تۇرعىنى ۋاڭ حانىم زات تاسىمالىنىڭ تەزدىگىن القادى. ول: شينجياڭ تەڭىزدەن وتە شالعاي، وسىنداي تاماشا جابايى تەڭىز شايانىن جەي العانىمىزعا، ەرەكشە قۋانىشتامىن،-دەدى.
«ءبىر بەلدەۋ، ءبىر جول» سەلبەستىگى جۇلگەلىك كەلىسىمىنىڭ ارقاسىندا، بيىل 17-مامىر كەشتە، تۇڭعىش توپتاعى يندى مۇحيتتىڭ تەڭىز ونىمدەرى پاكيستاننىڭ گۆادار كەمەجايىنان، اۋە جانە قۇرىلىق بىرىككەن زات تاسىمال لەنياسى ارقىلى 19-مامىر تۇستەن بۇرىن ساعات 10 جارىمدا قارامايلى قالاسىنا جەتتى. سوناۋ شالعايداعى يندى مۇحيتتان تەڭىز ونىمدەرىنىڭ قىسقا ۋاقىتتىڭ ىشىندە، جوعارى ونىمدىلىكپەن پاكيستاننىڭ گۆادار كەمەجايىنان جۇڭگونىڭ شينجياڭىنا جەتۋى، رايونىمىزدىڭ جىبەك جولى ەكونوميكالىق بەلدەۋى وزەكتى رايونىن بار كۇشپەن قۇرلىسى اياق الىسىن بارىنشا تەزدەتۋىمەن قاتىستى.
ورتالىقتىڭ شينجياڭ قىزمەتى جونىندەگى 2-رەتكى اڭگىمە ماجىلىسىنەن بەرى، رايونىمىز جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ اياق الىسىن، وتە-موتە، ج ك پ اۆتونوميالى رايوندىق 9-قۇرىلتايىنان بەرى، ءبىر توپ نەگىزدىك قۇرىلعى قۇرىلىس نىسانىنىڭ اياق الىسىن بارىنشا تەزدەتتى.
2016-جىلى ءۇرىمجى حالىقارالىق اۋەجايىنىڭ جولاۋشى قابىلداۋ جانە جونەلتۋ مولشەرى 20 ميلليون ادام رەتكە جەتىپ، ەلىمىزدەگى 20 ميلليون ادام رەت جولاۋشى تاسىمالدايتىن «اۋياتسيا كلوبىنا» رەسمي قوسىلدى. وتكەن جىلدىڭ سوڭىندا، مەملەكەتتىك حالىقتىق اۋياتسيا مەكەمەسى ءۇرىمجى حالىقارالىق اۋەجايىنىڭ دارەجەسىن جوعارىلاتىپ «حالىقارالىق اۆياتسيا تورابىنا» اينالدىردى، ءارى اۋەجايدى كەڭەيتىپ سالۋدىڭ جاڭا نىسانىن باستادى، بيىل سوڭعى جارىم جىلدا باستاپ سالىنادى دەپ جوسپارلاندى. وڭتۇستىك اۆياتسيا سەرىكتەستىگى شينجياڭ بولىمشەسىنىڭ باس مەڭگەرۋشىسى فۋ پۋيان، بۇل نىسان شينجياڭنىڭ « كەڭىستىكتەگى جىبەك جولىن» قۇرۋىنداعى ماڭىزدى وراي ەكەنىن ايتا كەلىپ، بىلاي دەدى: ءۇرىمجىنى نەگىزگى قاتىناس تاسىمال تورابىنان حالىقارالىق توراپقا اينالدىرۋ قاجەت، بۇرىن بەيجيڭ، شاڭحاي، گۋاڭجوۋ حالىقارالىق توراپ بولاتىن. وڭتۇستىك اۆياتسيا دا حالىقارالىق باتىس اۋە لەنياسىنا قارجى قوسۋ تەبىنىن ارتتىرىپ، حالىقارالىق اۆياتسيا تورابىن نىعايتتى. جىبەك جولى قۇرىلىسى ارقىلى شينجياڭدى ءداستۇرلى مەملەكەتتىك قاتىناس تاسىمالىنىڭ سوڭعى بەكەتىنەن قاتىناس تاسىمالىنداعى ورتالىققا اينالدىرىپ، شينجياڭنىڭ ەكونوميكاسى مەن قوعامىنىڭ دامۋىن بارىنشا جەبەۋمەن بىرگە، قوعامنىڭ ورنىقتىلىعى مەن باياندى تىنىشتىقتى ىلگەرىلەتۋ قاجەت.
الاتاۋ ساعاسى ەلىمىزدىڭ باتىسقا ەسىك اشۋداعى ماڭىزدى شەكارا وتكەلى، قازىر ءار كۇنى وسى شەكارا وتكەلىنەن ورتا ەۆروپا، ورتا ازيا وڭىرىنە قاتىنايتىن جۇك تاسىمالى پويەزى وتەدى، 18-مامىرعا دەيىن، الاتاۋ ساعاسى شەكارا وتكەلىنەن كىرىپ-شىققان ورتا ەۆروپا، ورتا ازيا وڭىرىنە قاتىنايتىن جۇك تاسىمال پويەزىنىڭ سانى شامامەن 3 مىڭنان استى. قازىر جاڭالانعاننان كەيىن، الاتاۋ ساعاسى شەكارا وتكەلىنىڭ اۋستىرىپ زات تيەۋ قۋاتى بارىنشا جوعارىلادى، ەكى ساعاتتا 55 قوراپتى، كۇنىنە 400 قوراپتى اۋستىرىپ تيەيدى. زاتتاردى تەكسەرۋدە، الاتاۋ ساعاسى شەكارا وتكەلى كەدەنى قازىر پويەزدى توقتاتپاي تەكسەرۋ ءادىسىن قولدانعاندىقتان، كەدەننەن زات وتكىزۋ ۋاقىتىنىڭ تەڭ جارىمى قىسقاردى. الاتاۋ ساعاسى شەكارا وتكەلى كەدەنىنىڭ باقىلاپ باسقارۋ ءبولىمىنىڭ باستىعى ما تيڭ بىلاي دەدى: كەدەنىمىز كەدەننەن زات وتكىزۋدىڭ ارناۋلى تەرەزەلىگىن اشىپ، الدىن الا كەلىسىپ زات وتكىزۋ مەن زات جەتىسىمەن كەدەننەن وتكىزۋدى ۇشتاستىرعاندىقتان، جۇك پويەزى تاۋلىك بويى توقتاماي كەدەننەن وتە بەرەتىن بولدى. سونىمەن بىرگە، تەمىر جول تاراۋىمەن بولعان قارىم-قاتىناس پەن سەلبەستىكتى كۇشەيتىپ، جۇك پويەزدەرىن الدىمەن گرۋپپاعا ءبولىپ، الدىمەن جولعا سالدىق.
رايونىمىز جىبەك جولى ەكونوميكالىق بەلدەۋىندەگى وزەكتى رايون قۇرلىسىندا قاتىناس تاسىمال جۇيەسى، ساۋدا زات اينالىم، مادەنيەت، عىلىم-تەحنيكا، وقۋ-اعارتۋ، ەمدەۋگە قىزمەت ەتۋ، فينانىس سىندى بەس ءىرى ءتۇيىندى نەگىز ەتتى. قازىر بەس ءىرى ءتۇيىندى ارقاۋ ەتكەن نىساندار قاۋىرت جۇرگىزىلۋدە، بيىل مامىردا باستاپ سالىنعان شينجياڭ حالىقارالىق سالاماتتىق ونەركاسىپ باقشاسى وسىنىڭ ءبىرى. ءۇرىمجى قالالىق پارتكومنىڭ تۇراقتى مۇشەسى، ورىنباسار قالا باستىعى ليۋ چىڭيۋان بىلاي دەدى: بۇل ينجەنەريا ـــ جىبەك جولى ەكونوميكالىق بەلدەۋىندەگى وزەكتى رايوندى قۇرۋداعى ەمدەۋگە قىزمەت ەتۋ ورتالىعىنىڭ سيمولدىق ينجەنەرياسى، حالىقارالىق ەمدەۋگە قىزمەت ەتۋ ورتالىعىنا قاتىستى نەگىزگى مىندەتتى ءوز ىشىنە الادى. الدا ءبىز نەگىزىنەن ەل ارالىق الىس ارالىقتان ەمدەۋگە قىزمەت ەتۋ جۇمىستارىن كەمەلدەندىرەمىز، وتە-موتە، ەل ارالىق الىس ارالىقتان ەمدەۋگە قىزمەت ەتۋ تۇعىرىن كورشىلەس 10 ەلدەگى ءىرى شيپاحانادا تەز ارادا قۇرامىز. قازىر كورشىلەس ءتورت ەلدەگى 27 ۇلكەن شيپاحانامەن قارىم-قاتىناس جاسادىق، بيىل تاعى 73 شيپاحانامەن قارىم-قاتىناس جاساپ، جالپى شيپاحانا سانىن 100 گە جەتكىزۋ مىندەتىن ورىنداۋعا كۇش سالامىز.

بەرىپ كەت ورامالىڭدى

دوستار

الىستاعى اق ەركە