جاڭا حابارلار

شينجياڭ جىبەك جولى ەكونوميكالىق بەلدەۋىندەگى كومەسكى كۇشى ەڭ زور جەرگە جانە توقىما، كيىم-كەشەك كاسىبىنە قارجى قوسۋ ورلەۋى ەڭ جوعارى جەرگە اينالدى

    كەلۋ قاينارى: شينجياڭ حالىق راديو ىستانسياسى    2017-07-07 12:45:11  
ءتاڭىرتاۋ تورابىنىڭ حابارى: ساياسات، شيكىزات، ءوڭىر، وزىندىك قۇن، جۇڭگو-ەۆروپا حالىقارالىق كەزەكشى پويەزى سياقتى جاقتارداعى ارتىقشىلىعىنا سۇيەنگەن شينجياڭ، جىبەك جولى ەكونوميكالىق بەلدەۋىندەگى كومەسكى كۇشى ەڭ زور جەرگە جانە توقىما، كيىم-كەشەك كاسىبىنە قارجى قوسۋ ورلەۋى ەڭ جوعارى جەرگە اينالدى.
فوشان قالاسى لانۋا تيانشى كيىم-كەشەك شەكتى سەرىكتەستىگىنىڭ باس جوراسى چىن رۇنزى بىلتىر ءپايزاۋات اۋدانىندا قارجى قوسىپ كيىم-كەشەك فابريكاسىن قۇرعان بولاتىن. قازىر ءتىپتى دە كوپ ساۋداگەرلەر چىن رۇنزى سياقتى شينجياڭعا كەلىپ، توقىما، كيىم-كەشەك كاسىبىن كوزدەن كەشىرىپ، قارجى قوسىپ سەلبەسۋ ورايىن قاراستىرۋدا. اۆتونوميالى رايوندىق دامۋ-رەفورما كوميتەتىنىڭ ساندى مالىمەتىنە قاراعاندا، بيىل قاڭتار ايىنان ءساۋىر ايىنا دەيىن ىشكى ولكەدەن شينجياڭعا كەلىپ، قارجى قوسقان توقىما، كيىم-كەشەك كاسىپورىنى 90 عا جەتكەن.
ساندى مالىمەتتە كورسەتىلۋىنشە، 5 جىلدان بەرى، تۇتاس رايونىمىزدىڭ توقىما، كيىم-كەشەك كاسىپتەرىنىڭ تۇراقتى مۇلىكىنە قوسقان قارجىسى 4 ميلليارد 358 ميلليون يۋاننان 47 ميلليارد 970 ميلليون يۋانعا جەتىپ، 10 ەسە ارتقان؛ تۇتاس رايونىمىزدا ارحيۆكە الىنعان توقىما، كيىم-كەشەك كاسىپورىندارىنىڭ سانى 89 دان 2 مىڭ 83 كە جەتىپ، 4.22 ەسە ارتقان؛ كولەم قالىپتاستىرعان توقىما، كيىم-كەشەك كاسىپورىندارىنىڭ ارتقان قۇنى 2 ميلليارد 558 ميلليون يۋاننان 8 ميلليارد 40 ميلليون يۋانعا جەتىپ، %314.3 ارتقان؛ وسى سالادا جۇمىسقا ورنالاسقاندار 42 مىڭ ادامنان 380 مىڭ ادامعا جەتىپ، 8 ەسە ارتقان.
بەس جىلدان بەرى، اسىرەسە، ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايون ەرەكشە كاسىپتەردى دامىتىپ، ءداستۇرلى كاسىپتەردىڭ جاڭالانۋىن، دارەجەسىنىڭ جوعارىلاۋىن جەبەپ، ەكونوميكالىق دامۋدىڭ جاڭا قوزعاۋشى كۇشىن جەتىلدىرىپ، ەكونوميكانىڭ جاڭالىق اشا دامۋىن ىلگەرىلەتتى، وسىنىڭ ارقاسىندا شينجياڭ ەرەكشەلىگىنە يە وسى زامانعى كاسىپ جۇيەسى العاشقى ادىمدا قالىپتاستى.
ءبىرىنشى كاسىپتىڭ دەڭگەيىن كوتەرۋگە تاباندى بولىپ، استىقتى ورنىقتىرۋدى، ماقتانى رەتتەۋدى، جەمىس-جيدەكتى ساپالىلاندىرۋدى، مال شارۋاشىلىعىن كوركەيتۋدى ارقاۋ ەتىپ، ەگىن، مال شارۋاشىلىعىن دامىتۋدىڭ كومەسكى كۇشىن جان-جاقتى اشۋدىڭ ارقاسىندا استىق ءونىم مولشەرى 9 جىل ءۇرتىس ارتتى، 2016-جىلى تۇتاس رايونىمىزدىڭ استىق جالپى ءونىمى 19 ميلليون 687 مىڭ تونناعا جەتىپ، الدىڭعى 5 جىلمەن سالىستىرعاندا ورتاشا جالپى ءونىمى 6 ميلليون 257 مىڭ توننا ارتىپ، ارتۋ مولشەرى %46.6 بولدى.
ەكىنشى كاسپتى ءتۇيىندى يگەرۋگە تاباندى بولىپ، كومىر، كومىر-ەلەكتر، كومىر-حيميا ونەركاسىبى، مۇناي، مۇناي-تابيعي گاز، مەتال قورىتۋ، قۇرىلىس ماتەريالدارى، جەڭىل ونەركاسىپ، ازىق-تۇلىك، ماشينا جاساۋ، ۇلتتىق قولونەركاسىپ، ۇلتتىق شيپاگەرلىك، دارىگەرلىك سياقتى ءداستۇرلى كاسىپتەردى جاڭالاۋدى، ولاردىڭ دارەجەسىن جوعارىلاتىپ، كاسىپ سالاسىنىڭ ورتا جانە جوعارى دەڭگەيگە اياق باسۋىن ىلگەرىلەتتى، مۇنايعا جاتپايتىن ونەركاسىپتىڭ سالىستىرماسى بىرتىندەپ %69.6 جوعارىلادى؛ ەنەرگيا ۇنەمدەۋ، ورتانى قورعاۋ، جاڭا ينفورماتسيا تەحنيكاسى، جوعارى دەڭگەيلى جابدىق جاساۋ سياقتى 7 ۇلكەن ستراتەگيالىق سيپاتتى جاڭادان گۇلدەنگەن كاسىپتەردىڭ ىشكى ءوندىرىستىڭ ءونىم قۇنىندا يەلەيتىن سالىستىرماسى %7 كە جەتىپ، كاسىپتەردىڭ جوعارى دەڭگەيگە كوتەرىلۋ اياق الىسى كورنەكتى تەزدەدى.
3-كاسىپتىڭ سالىستىرماسى نەشە 10 جىلدان بەرى تۇڭعىش رەت 2-كاسىپتى باسىپ وزىپ، ەكونوميكانىڭ ارتۋىنا قوسقان ۇلەسى %55 تەن استى، ساياحاتتى مىسالعا الساق، 5 جىلدان بەرى، تۇتاس رايونىمىزدا ءبىر مىڭ 997 ساياحات نىسانى جاڭادان قۇرىلىپ، ساياحات كاسىبىنە قوسىلعان قارجىنىڭ جالپى مولشەرى 83 ميلليارد 190 ميلليون يۋان بولدى. مەملەكەتتىك ساناق مەكەمەسىنىڭ تەكسەرىپ تۇراقتاندىرۋىنا قاراعاندا، بيىل العاشقى توقساندا رايونىمىزدىڭ وڭىرلىك ءوندىرىس جالپى قۇنى 179 ميلليارد 185 ميلليون يۋان بولىپ، بىلتىرعى سول تۇستاعىدان %7.6 ارتقان، ارتۋ قارقىنى بۇكىل ەلدىڭ ورتاشا دەڭگەيىنەن 0.7 پايىز جوعارىلاپ، 2015-جىلدان بەرگى العاشقى توقسانداعى باستامانىڭ ەڭ جاقسى دەڭگەيىنە جەتكەن.

بەرىپ كەت ورامالىڭدى

دوستار

الىستاعى اق ەركە