جاڭا حابارلار

الپىس مىڭنان استام «قوس ءتىل» وقىتۋشىسى قابىلداندى

    كەلۋ قاينارى: شينجياڭ حالىق راديو ىستانسياسى    2017-07-08 23:17:01  
ءتاڭىرتاۋ تورابىنىڭ حابارى: قالا مەن اۋىل-قىستاقتىڭ مىندەتتى وقۋ-اعارتۋىنىڭ تەپە-تەڭ دامۋىنا كەپىلدىك ەتىپ، اۋىل-قىستاقتىڭ نەگىزگى وقۋ-اعارتۋىنىڭ ساپاسىن جوعارىلاتۋ ءۇشىن، وتكەن 5 جىلدا اۆتونوميالى رايون كوپ ءتۇرلى ەرەكشە بەلگىلەمەلەر مەن شارالاردى شىعارۋ ارقىلى تيانشاننىڭ تۇستىگى مەن تەرىستىگىندەگى اۋىل-قىستاق بالا باقشالارىنا جانە ورتا، باستاۋىش مەكتەپتەرگە 60 مىڭنان استام «قوس ءتىل» وقىتۋشىسىن قابىلدادى.
ءتىلشىنىڭ تاياۋدا، اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋىنشا، اۋىل-قىستاقتارداعى وقىتۋشى جەتىسپەۋ ماسەلەسىن شەشۋ ءۇشىن، وتكەن 5 جىلدا اۆتونوميالى رايون ورتا، باستاۋىش مەكتەپتەردىڭ جانە بالالار باقشالارىنىڭ وقىتۋشىلارىن ءبىر تۇتاس قىزمەتكە قابىلداۋ مەحانيزمىن ورناتقان؛ مەملەكەتتىڭ ەرەكشە قىزمەت ورنى جوسپارى مەن اۆتونوميالى رايوننىڭ «%5 تىك دارىندى زاپاس شتاتى جوسپارىن»، ادەتتەگى وقىتۋشىلاردى قابىلداۋ جوسپارىن قوسىپ اتقارىپ، اۋىل-قىستاق وقىتۋشىلارىن شتات شەكتەمەسىن بۇزا وتىرىپ قابىلداعان؛ مەملەكەتتىڭ پەداگوگيكا كاسىبى وقۋشىلارىن تەگىن وقىتۋ ۇلگىسىنە ساي، پەداگوگيكا كاسىبى وقۋشىلارىن تەگىن وقىتۋدىڭ ولكە دارەجەلى جوسپارىن اتقارىپ، وقۋ بىتىرگەننەن كەيىن اۋىل-قىستاقتاعى مەكتەپتەرگە باعىتتامالى بارىپ وقىتۋشى بولۋ سياقتى «ەرەكشە بەلگىلەمەلەردى» بەلسەنە اتقارىپ، وڭتۇستىك شينجياڭداعى 3 ايماق، ءبىر وبلىستاعى اۋىل-قىستاق بالالار باقشالارىن جانە ورتا، باستاۋىش مەكتەپتەردى ءتۇيىن ەتىپ، 61 مىڭ 400 اۋىل-قىستاق «قوس ءتىل» وقىتۋشىسىن قابىلداعان.
وقىتۋشىلاردى قىزمەتكە الىنعان جەرىندە قالدىرۋ ءۇشىن، رايونىمىز تاعى دا كوپ ءتۇرلى شارالاردى اتقارىپ، اۋىل-قىستاق وقىتۋشىلار قوسىنىن ورنىقتىردى. 2010-جىلدان بەرى، رايونىمىز قىزمەت ونىمدىلىگى ەڭبەكاقىسىن 3 رەت جوعارىلاتىپ، جاپالى، شەت شەكارا-شالعاي وڭىرلەردىڭ جاردەماقىسىن 4 رەت جوعارىلاتىپ، تۇرعىن ءۇي الەۋمەتتىك قورىن زور مولشەردە ارتتىردى، سونىمەن بىرگە اۋىل-قىستاق وقىتۋشىلارىنىڭ تۇرمىستىق قوسىمشا قاراجات ساياساتىن اتقارىپ، رايونىمىزداعى 160 مىڭنان استام اۋىل-قىستاق وقىتۋشىسىنا ادام باسىنا اي سايىن 200 يۋاننان جاردەماقى تاراتىپ، اۋىل-قىستاق وقىتۋشىلارىنىڭ كىرىس دەڭگەيىن جاپپاي جوعارىلاتتى.
ەرەكشە اتاپ وتۋگە تاتيتىنى، شارت-جاعدايى ءبىرشاما جاپالى وڭتۇستىك شينجياڭداعى 3 ايماق، ءبىر وبلىستىڭ 100 مىڭنان استام وقىتۋشىسىنا اۆتونوميالى رايون ادام باسىنا اي سايىن ەسەپتەن سىرت 200 يۋان تۇرمىستىق جاردەماقىنى ۇستەمەلەپ تاراتتى ءارى وڭتۇستىك شينجياڭداعى قىزمەتكەرلەرگە ادام باسىنا جىل سايىن 8 مىڭ 400 يۋان قىزمەت جاردەماقىسىن تاراتىپ، وڭتۇستىك شينجياڭداعى وقىتۋشىلاردى «قابىلداي الماۋ، قالدىرا الماۋ» ماسەلەسىن ويداعىداي شەشتى.

بەرىپ كەت ورامالىڭدى

دوستار

الىستاعى اق ەركە