جاڭا حابارلار

قىستاقتا تۇرعان قىزمەت اترەتى ادامداردىڭ جاعدايىنا قاراي سۇيەمەلدەۋ شاراسىن بەلگىلەپ، ءبىر وتباسىنا ءبىر ءادىس قولداندى

    كەلۋ قاينارى: شينجياڭ حالىق راديو ىستانسياسى    2017-07-08 23:59:53  
ستانسيامىزدىڭ اقسۋدا تۇرعان ءتىلشىسى ايبىنحازى راحىمان ۇلى مەن اقسۋ راديو ستانسياسىنىڭ ءتىلشىسى لي پۋدىڭ حابارىن تىڭداڭىزدار: ءۇشتۇرپان اۋدانى اقتوعاي اۋىلى جيدەلى قىستاعىندا، اۆتونوميالى رايوندىق ورتانى قورعاۋ مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتى ادامداردىڭ جاعدايىنا قاراي سۇيەمەلدەۋ شاراسىن بەلگىلەپ، ءبىر وتباسىنا ءبىر ءادىس قولدانىپ، كەدەي وتباستارىن كەدەيلىكتەن قۇتىلدىرۋعا كۇش سالدى، جارىم جىلدان بەرى، قىستاق ديحاندارىنىڭ قالتاسى قامپيىپ، جىگەرى تاسقىندادى.
ەكى كۇننەن بەرى، ءۇشتۇرپان اۋدانى اقتوعاي اۋىلى جيدەلى قىستاعىنىڭ ديحانى سالام ۆايت ەرەكشە قاربالاس بولدى، ول كەدەي وتباستارىن تاربيەلەۋ كۋرسىن اشىپ، جاڭ-لو باعىمشىلىق الاڭنىڭ ۇلكەندى-كىشىلى ىستەرىمەن تىنىم تاپپادى. جىل باسىندا، اۆتونوميالى رايوندىق ورتانى قورعاۋ مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتى سالامنىڭ باعىمشىلىق تەحنيكاسىن يگەرگەنىن، ءارى ونىڭ باعىمشىلىق ىستەرىن دامىتۋدى ەرەكشە ارماندايتىنىن بايقاپ، كەدەي وتباستارىنىڭ جارنا قوسۋ فورماسىنان پايدالانىپ، وعان ءبىر ميلليون يۋان ءوسىمدى قارىز اقشا الىپ بەرىپ، باعىمشىلىق الاڭىن قۇرىپ، 50 ساۋىن سيىر ساتىپ الىپ بەردى. سالام ۆايت: ەگەر ولار ماعان ءبىر ميلليون يۋان قارىز اقشا الىپ بەرمەگەن بولسا، بۇل ءىستى ىستەي الماۋشى ەدىم، الدا شارۋاشىلىق كولەمىن كەڭەيتىپ، جاقسى ساياساتتان ويداعىداي پايدالانىپ، كەدەي وتباستارىن بىرلىكتە اۋقاتتانۋعا باستايمىن،-دەدى.
سالام ۆايتتىڭ سەلبەستىك كوپەراتيۆبىنە، وسى قىستاقتاعى 30 كەدەي وتباسى جارنا قوسۋمەن بىرگە، ولار باعىمشىلىق الاڭىندا جۇمىس ىستەدى، جىل سوڭىندا ءاربىرى 5 مىڭ يۋان ۇلەس الادى، توقتى قۇربان ءدال وسىلاردىڭ ءبىرى. ول: ايىنا 3 تە 4 مىڭ يۋان كىرىس تابامىن، قىزمەتىم تۇراقتى، الدا قۇلشىنا قىزمەت ىستەپ، كەدەيلىكتەن قۇتىلامىن،-دەدى.
جيدەلى قىستاعى كەدەي قىستاق، بيىل قىزمەت اترەتى قىستاقتا تۇرعاننان بەرى، كەدەي وتباستارىنىڭ احۋالىن ەگجەي-تەگجەيلى تەكسەردى، ءارى ءاربىر وتباسىنىڭ ءىس جۇزىندىك جاعدايىمەن ۇشتاستىرىپ، ءبىر وتباسىنا ءبىر ءادىس قولدانۋ فورماسىنا ساي، كەدەيلەردى سۇيەمەلدەۋ شاراسىن بەلگىلەدى. بيىل ناۋرىزدا، قىزمەت اترەتى وتباسى كەدەي احات رەيىمنىڭ ءۇي سالۋ ونەرى بارىن بىلگەننەن كەيىن، ونىڭ جانە قىستاقتاعى ون نەشە جاستىڭ سەلبەسىپ قىستاقتاعى 60 بەيقۇت ءۇي قۇرىلىسى ينجەنەرياسىن كوتەرەگە الۋىنا كومەكتەستى. ول: قىستاقتا تۇرعان قىزمەت اترەتى ماعان جاقسى شارت-جاعداي جاراتىپ بەردى، ءوزىم اۋقاتتانۋدان سىرت، باسقالارعا باستاماشىلىق ەتىپ، ولارعا ونەر ۇيرەتىپ، بىرلىكتە اۋقاتتانامىن،-دەدى.
اۆتونوميالى رايوندىق ورتانى قورعاۋ مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتىنىڭ باستىعى سۇن جيانشين بىلاي دەدى: باعىمشىلىقپەن شۇعىلداناتىندارىن باعىمشىلىقپەن، تاسىمال تيجاراتىمەن شۇعىلداناتىندارىن تاسىمال تيجاراتىمەن، ساۋدامەن شۇعىلداناتىنداردى ساۋدامەن شۇعىلدانۋعا، سىرتقا شىعىپ جۇمىس ىستەيتىندەرىن سىرتقا شىعىپ جۇمىس ىستەۋگە، سىرتقا شىقپايتىندارىن وسىندا جۇمىس ىستەۋگە ۇيىمداستىردىق. قازىر امالىن تاۋىپ، كەدەي وتباستارىنىڭ كوزقاراسىن وزگەرتىپ، ولاردىڭ اقشا تابۋىنا، قوس قولىنا سۇيەنىپ، اقشا تاۋىپ كەدەيلىكتەن قۇتىلۋىنا مۇمكىندىك جاساۋ كەرەك.

بەرىپ كەت ورامالىڭدى

دوستار

الىستاعى اق ەركە