جاڭا حابارلار

قىزمەت اترەتىندەگى كادرلار ورنىقتىلىقتى قورعاۋدىڭ ءبىرىنشى شەبىندە، كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانىندا، حالىق ءۇشىن قىزمەت ەتۋدىڭ الدىڭعى شەبىندە پارتيالىلىعىن شىڭداپ، قابىلەتىن ءوسىردى

    كەلۋ قاينارى: شينجياڭ حالىق راديو ىستانسياسى    2017-07-10 13:51:23  
ءتاڭىرتاۋ تورابىنىڭ حابارى: اۆتونوميالى رايونىمىزدىڭ «حالىق جاعدايىن ۇعىسۋ، حالىققا تيىمدىلىك جاساۋ،حالىق تىلەگىن توعىستىرۋ» قيمىلى بويىنشا قىستاقتاردا تۇرۋ قىزمەتى 2014-جىلدان باستاپ ورىستەتىلگەننەن بەرى، نەگىزگى ساتىنى يگەرۋدىڭ، نەگىز قالاۋدىڭ، بۇقارانى اتتانىسقا كەلتىرۋدىڭ، بۇقاراعا قىزمەت ەتۋدىڭ، ورنىقتىلىقتى قورعاۋدىڭ ءتۇبىرلى شاراسى دەلىنگەن بۇل قىزمەتتە 4 توپتا قىزمەت اترەتىنەن 43 مىڭ 800ى، 275 مىڭ كادر قىستاقتارعا بارىپ، بۇكىل شينجياڭداعى بارلىق قىستاقتار مەن الەۋمەتتىك اۋماقتى تۇگەل قامتىدى.
اتالعان قيمىل بويىنشا قىستاقتاردا تۇرۋ قىزمەتىندەگى 8 مىندەتتىڭ تياناقتانۋىنا بايلانىستى قازىر قىستاقتاردا تۇرۋ قىزمەتى قوعام ورنىقتىلىعىن قورعاپ، ۇلتتار ىنتىماعىن جەبەپ، كادرلار مەن بۇقارانىڭ بايلانىسىن قويۋلاتىپ، نەگىزگى ساتى ۇيىمىن كۇشەيتىپ، كىرىستى ارتتىرۋمەن بىرگە، ءار ۇلت كادرلارىن شىڭداپ، بۇقارانىڭ القاۋىن الىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە بەلسەنە ۇلەس قوستى.
سوڭعى جىلدارى رايونىمىزداعى ءار دارەجەلى پارتكومدار «حالىق جاعدايىن ۇعىسۋ، حالىققا تيىمدىلىك جاساۋ،حالىق تىلەگىن توعىستىرۋ» قيمىلى بويىنشا قىستاقتاردا تۇرۋ قىزمەتىن كەلەلى ساياسي مىندەت دەپ ءبىلىپ، باس نىسانانى ارقاۋ ەتىپ، دەن قويا جوسپار جاساپ، «حالىق جاعدايىن ۇعىسۋ، حالىققا تيىمدىلىك جاساۋ،حالىق تىلەگىن توعىستىرۋ» قيمىلى بويىنشا قىستاقتاردا تۇرۋ قىزمەتىنىڭ ۇدايىلانۋىنا، ناقتى ونىمدىلىككە قول جەتكىزۋىنە كەپىلدىك ەتتى. اۆتونوميالى رايوندىق پارتكوم «حالىق جاعدايىن ۇعىسۋ، حالىققا تيىمدىلىك جاساۋ،حالىق تىلەگىن توعىستىرۋ» قيمىلى بويىنشا قىستاقتاردا تۇرۋ قىزمەتىنە باسا ءمان بەردى،باسشىلىق گرۋپپاسىنىڭ ءماجىلىسىن، قىزمەتتى ىلگەرىلەتۋ ءماجىلىسىن اشۋ ارقىلى جاعدايعا تالداۋ جاساپ، ورتاق تانىم قالىپتاستىرىپ، ماسەلەلەردى اقىلداسىپ، تياناقتانۋدى ىلگەرىلەتىپ، بۇل قىزمەتتى ۇزبەي تەرەڭدەتتى.
قىستاقتاردا تۇراتىن قىزمەت اترەتتەرى قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۆتونوميالى رايوندىق پارتكومنىڭ قوعام ورنىقتىلىعىن قورعاۋعا قاتىستى قىزمەت ورنالاستىرۋىن دەن قويا دايەكتىلەندىرىپ، قوعام ورنىقتىلىعىن قورعاۋدى ماڭداي الدى ماڭىزدى مىندەت ەتىپ، قاتاڭ سوققى بەرۋ ارناۋلى ارەكەتىنە بەلسەنە ات سالىسىپ، قالا مەن اۋىلدىڭ قوعام ورنىقتىلىعىن جەبەدى.
قىستاقتا تۇراتىن قىزمەت اترەتتەرى ۇلتتار ىنتىماعىن جانىنا بالاپ، ءار ۇلت حالقىمەن شىنايى ارالاسىپ، ىشتەسىپ، توعىسىپ، وزدەرى باس بولىپ توڭىرەگىندەگى حالىقپەن تۋىس بولىپ، «ۇلتتار ىنتىماعىنىڭ ۇلى شاڭىراعىندا» قيمىلىن نىق قاداممەن ىلگەرىلەتىپ، ءىس جۇزىندىك ارەكەتىمەن ۇلتتار ىنتىماعىن بەكەمدەدى.
قىستاقتا تۇراتىن كادرلار شىن ىنتا-پەيىلمەن، جاۋاپكەرشىلىك تۇرعىدا، حالىق ءۇشىن ناقتى ءىس ىستەپ، قيىن ماسەلەلەردى شەشىپ، يگى ىستەر ىستەپ، ءار ۇلت حالقىنا پارتيا مەن ۇكىمەتتىڭ قامقورلىعى مەن مەيىرىمىن شىنايى سەزىندىردى. بىلتىر ءبىر جىلدىڭ ىشىندە، قىستاقتا تۇراتىن قىزمەت اترەتتەرى وتباسىلارىن ارالاپ حالىققا ءتيىمدى ساياساتتار جونىندە 6 ميلليون 963 مىڭ رەت لەكسيا جاساپ، حالىق تۇرمىسىنا تيىمدىلىك جاسايتىن 10 مىڭ 148 قىستاق دارەجەلى نىسان قۇرىلىسىن اتقاردى.
قىستاقتا تۇراتىن قىزمەت اترەتتەرى ءالسىز، بىتىراڭقى، بوشالاڭ نەگىزگى ساتى پارتيا ۇيىمىن رەتتەپ جونگە سالۋعا بەلسەندىلىكپەن سايكەسىپ، قىستاق «ەكى كوميتەتىنىڭ» باسشىلىق القاسىن مىقتىلاردان سەپتەۋگە كومەكتەستى. بىلتىر 8697 قىستاق «ەكى كوميتەتىنىڭ» كەزەك اۋىستىرۋ سايلاۋ قىزمەتىنە ات سالىسىپ، قىستاق دارەجەلى ۇيىمداردىڭ جاۋىنگەرلىك قۋاتىن كۇشەيتتى.
قىستاقتا تۇراتىن قىزمەت اترەتىندەگى كادرلار قىستاقتا تۇرىپ قىزمەت ىستەۋدى تاپتىرمايتىن ساياسي سىناق جانە كەلە بەرمەيتىن شىنىعۋ ورايى دەپ ساناپ، ورنىقتىلىقتى قورعاۋدىڭ ءبىرىنشى شەبىندە، كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانىندا، حالىق ءۇشىن قىزمەت ەتۋدىڭ الدىڭعى شەبىندە پارتيالىلىعىن شىڭداپ، قابىلەتىن ءوسىردى.

بەرىپ كەت ورامالىڭدى

دوستار

الىستاعى اق ەركە