جاڭا حابارلار

ولار ديحانداردىڭ ءتۇرلى جولدارمەن كىرىسىن ارتتىرۋىن جەبەدى

    كەلۋ قاينارى: شينجياڭ حالىق راديو ىستانسياسى    2017-07-10 20:34:22  
ستانسيامىزدىڭ ءتىلشىسى ديڭ شياۋداننىڭ حابارىن تىڭداڭىزدار: اۆتونوميالى رايوندىق قازىنالىق باقىلاۋ مەڭگەرمەسىنىڭ حوتان قالاسى لاسكۇي قالاشىعى كوللەك قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا شوعىرلى رەتتەپ وڭاۋ قىزمەت اترەتى، حالىق تۇرمىسىن جاقسارتۋ، اۋلا شارۋاشىلىعى سياقتى شارالاردى اتقارۋ ارقىلى ديحانداردىڭ ءتۇرلى جولدارمەن كىرىسىن ارتتىرۋىن جەبەدى.
حوتان قالاسى لاسكۇي قالاشىعى كوللەك قىستاعىنىڭ ديحانى انۋارجان ابباس ءۇيىنىڭ اۋلاسىنداعى جەمىس اعاشى، كوكونىس ەگۋ اۋماعىداعى المۇرت پەن شاپتول اعاشىن بۇتاۋمەن قاربالاستاندى. ءبىر مۋ 8 فىن ەگىستىك جەر جاسىل القاپقا اينالدى، ونداعى ءجۇزىم، جاڭعاق، ءانجۇر، شيە سياقتى ونعا جۋىق جەمىس اعاشى جەمىس بەرىپ، باكىلاجان، پاميدور، قىزىل بۇرىش، اسقاباق سياقتى كوكونىستەر دە ىركەس-تىركەس پىستى. انۋارجان ابباس تىلشىگە، قىزمەت اترەتى اۋلا شارۋاشىلىعىن دامىتۋدى بار كۇشپەن قولداعاندىقتان، جىلىنا 50 مىڭ يۋان كىرىس كىرگىزىپ، ءتورت بالاسىنىڭ سىرتتا وقۋىنا قاجەتتى قارجىدان قينالمايتىن بولعانىن ايتا كەلىپ: بيىل قىزمەت اترەتى كەلگەننەن كەيىن، بىزگە كوكونىس وركەنىن تاراتتى، ءارى مەرزىم بويىنشا كەلىپ ونى قالاي ەگۋ جاعىندا جەتەكشىلىك ەتتى. قىزمەت اترەتىنىڭ تاعى وتباسىلارىنا تابيعي گاز جەتكىزەتىنىن ەستىپ، ەرەكشە قۋاندىم، الدا مول اقشا تاۋىپ، بالالارىمدى جاقسى وقىتىپ، ولاردى قوعامعا جارامدى ادام ەتىپ تاربيەلەيمىن، ءىس جۇزىندىك ارەكەتىم ارقىلى پارتيا مەن ۇكىمەتتىڭ قامقورلىعىنا العىس ايتامىن،-دەدى.
ءار كۇنى تۇستەن كەيىن، حايرنيسا ابدىرەيىم ۇيىندە اتا-باباسىنان جالعاسىپ كەلە جاتقان ونەردەن پايدالانىپ ايران ۇيتادى، قازىر وتباسىنداعى التى جان ايران ساتىپ، كۇندىك تۇرمىس شىعىنىن شەشىپ وتىر. ول: قىزمەت اترەتى بىزگە كومەكتەسىپ، ايراندى بازارعا شىعارىپ ساتۋ جولىن قاراستىردى، تاعى بازارداعى جايما ورىنى ماسەلەسىن شەشىپ بەردى، بازاردا ايرانىمدى الاڭسىز ساتا الاتىن بولدىم، قازىر كۇنىنە 70 تە 80 شىنى ايران ساتىپ، 200 يۋاننان ارتىق اقشا تابامىن. الدا كوپتەپ اقشا تاۋىپ، سيىر ساتىپ الىپ، مۇنان دا كوپ ايران ساتىپ اقشا تاپپاقشىمىن،-دەدى. قىزمەت اترەتىنىڭ باستىعى شياڭ جيگۋاڭ تىلشىگە، قىزمەت اترەتى اۋلا شارۋاشىلىعىن مىقتى يگەرۋ ارقىلى كەدەيلەردى دالمە-ءدال سۇيەمەلدەۋمەن بىرگە، حالىققا تيىمدىلىك جاساۋ نىساندارىن اتقارۋ شاراسىن بەلسەنە تياناقتاندىرعانىن ايتا كەلىپ بىلاي دەدى: مەيىر باعىشتاۋ كاسىپورىندارىمەن بەلسەنە سايكەسىپ، كەدەي وتباستارىنىڭ ءتۇرلى قوسىمشا قاراجاتتان يگىلىكتەنۋىنە مۇمكىندىك جاساعاننان كەيىن، كەدەي وتباستارى ەشقانداي اقشا تاپسىرماي-اق بەيقۇت ۇيگە كوشىپ كىردى. سونىمەن بىرگە، ءبىز تاعى وڭتۇستىك شينجياڭدى گازدەندىرۋ تابيعي گازدى وتباستارىنا جەتكىزۋ ينجەنەرياسىن اتقارۋ اياق الىسىن بەلسەنە ىلگەرىلەتىپ، جىل سوڭىنان بۇرىن تابيعي گازدى قىستاقتاعى 795 وتباسىنا تۇگەل جالپىلاستىرىپ، اۋىل-قىستاقتاردىڭ تۇرمىس شارت-جاعدايىن اناعۇرلىم جاقسارتامىز.

بەرىپ كەت ورامالىڭدى

دوستار

الىستاعى اق ەركە