جاڭا حابارلار

ءپان يۇيليان جانە ونىڭ 2 مىڭ بالاسى ـــ قالتقىسىز تاباندىلىق 1-ءبولىم

    كەلۋ قاينارى: شينجياڭ حالىق راديو ىستانسياسى    2017-07-10 20:47:55  
ستانسيامىزدىڭ تىلشىلەرى حى فەي، ما گولەي جانە جين شيڭبيندەر جازعان حابارىن تىڭداڭىزدار: قاشقار ايماعى قاشقار جاڭا ءشارى اۋدانىنداعى 75 جاستاعى ءپان يۇيليان اجەي 25 جىل تاباندىلىقپەن مەيىر باعىشتاۋ ساباقحاناسىن اشىپ، ماڭىنداعى وتباسىندا قينشىلىعى بار از ۇلت بالالارىنىڭ ساباقتان سىرتقى ۋاقىتتا ساباق پىسىقتاۋىنا تەگىن كومەكتەستى. 25 جىلدان بەرى، ونىڭ مەيىر باعىشتاۋ ساباقحاناسىندا 2 مىڭنان ارتىق بالا وقىدى.
ءار كۇنى تۇستەن كەيىن ساعات 7 دە، بالالار وقۋدان قايتقاننان كەيىن، ءپان يۇيلياننىڭ «مەيىر باعىشتاۋ ساباقحاناسىنا»ۋاعىندا بارادى، وسىندا ساباق وقۋعا باراتىن بالالاردىڭ جاس شاماسى تۇرلىشە، الدىڭعى قاتارداعى وقۋعا تۇسۋدەن بۇرىنعى بالالاردان، سوڭعى قاتارداعى التىنشى جىلدىقتىڭ وقۋشىلارىنا دەيىن، 30 نەشە بالا ءبىر كلاستا وقيدى. ولاردىڭ ءار كۇنى ساباقحاناعا كىرگەن كەزى، ءپان يۇيلياننىڭ ءبىر كۇندەگى ەڭ قۋانىشتى ساتتەرى سانالادى.
ءپان يۇيلياننىڭ اكەسى حانزۋ، گانسۋدا تۋعان، شەشەسى ۇيعۇر، قاشقارلىق، ول كىشكەنتاي كەزىنەن باستاپ حانزۋ ءتىلى مەن ۇيعۇر تىلىنە جەتىك بولىپ ءوستى. ورتالاۋ مەكتەپتى تاۋىسقاننان كەيىن، ءپان يۇيليان اۋدارماشى بولعان، قۇرىلىس ورنىندا تاسىمال جۇمىسىمەن اينالىسقان، جۇبايى ەرتە قايتىس بولىپ، جاس بالاسىمەن قالىپ، تۇرمىستىڭ اۋىر جۇگىن جالعىز ءوزى ارقالاعان. ءپان يۇيليان «مەيىر باعىشتاۋ ساباقحاناسىن» توسىننان اشتى، العاشىندا ول كەيبىر كورشىلەرىنىڭ بالالارىنىڭ مەكتەپتەن قايتقاننان كەيىن قاراۋسىز قالاتىنىن بايقاپ، ىرىقتىلىقپەن وسى بالالاردى ۇيىنە اپارىپ، ءۇي شارۋاسىن ىستەي ءجۇرىپ، ولارعا حانزۋ ءتىلىن ۇيرەتتى. ءپان يۇيليان بىلاي دەدى: بالالار مەكتەپتەن قايتقاننان كەيىن سىرتتا وينايدى، ۇيتكەنشە ولاردى ۇيگە اكەلىپ تاماق ىستەي ءجۇرىپ، ولارعا حانزۋ ءتىلىن ۇيرەتۋدى ويلادىم، ەكى، ءۇش، ءتورت بالادان كوبەيىپ، التى بالا بولدى، مۇنىڭ ناتيجەسى كورىلگەننەن سوڭ، بالالاردىڭ كەيبىرەۋى مۇنى ەستىپ وزدەرى كەلدى.
«مەيىر باعىشتاۋ ساباقحاناسى» 30 شارشى مەترگە جەتپەيتىن تام ءۇي، وندا ون نەشە ۇلكەندى-كىشىلى كونە پارتا بار، ءپان يۇيليان بالالارعا ساباق پىسقتاتقاندا ورىندىقتا وتىرادى، 20 نەشە جىلدان بەرى، وسى ءبىر كونەتوز تام ۇيدە ءپان يۇيليان ءبىلىم مەن ادام بولۋدىڭ قاعيداسىن ءاربىر بالانىڭ ساناسىنا ۇيالاتتى.
ءپان يۇيليان بالالارعا ساباق پىسىقتاتقاندا، حانزۋ ءتىلىن نەگىز ەتۋمەن بىرگە، ماتەماتيكا، اۋەلى قاراپايىم اعىلشىن ءتىلىن دە ۇيرەتەدى. 7 جاستاعى سانيا مامەتالي الدىڭعى ايدا «مەيىر باعىشتاۋ ساباقحاناسىنا» كەلگەن بولاتىن، العاشىندا ول حانزۋ تىلىنە ونشالىقتى جاتىق ەمەس ەدى. ول: ءپان اجەي ءار كۇنى ماعان ءارىپ جازۋدى ۇيرەتەدى، ول كىسىنى وتە جاقسى كورەمىن،-دەدى.
بەسىنشى كلاستىڭ وقۋشىسى سۋمايا مامەتالي: ناتيجەم كوپ جوعارلادى، وسىندا كەلۋدەن بۇرىن ەمتيحاندا 60 نەشە ءنومىر الۋشى ەدىم، كەلگەننەن كەيىن، ناتيجەم بارىنشا جوعارلادى، قازىر ەمتيحاندا 80 نەشە، 90 نەشە ءنومىر الاتىن بولدىم،-دەدى.
ءپان يۇيليان بالالاردىڭ جاقسى ادەت قالىپتاستىرۋىنا ەرەكشە ءمان بەرىپ، ولاردى پاك تە ادال ادامداردان بولۋعا باۋلىدى. ءبىر جولى «مەيىر باعىشتاۋ ساباقحاناسىنداعى» ءبىر ۇل بالا پارتالاسىنىڭ وشىرگىشىن ۇرلاپ الادى، ءپان يۇيليان مۇنى بىلگەننەن كەيىن، تەكىستى ون رەت جازدىرۋ ارقىلى ونى جازالايدى، ونان سوڭ وعان تاعى جاڭا وشىرگىش بەرەدى. ءبىر مەزگىل وتكەننەن كەيىن، ءپان يۇيليان وسى بالانى تاعى دا سىناپ كورمەكشى بولىپ، زالدان ءوتىپ بارا جاتىپ، اقشانى كىشكەنتاي ەتىپ قاتتاپ تاستاي سالادى. الگى ۇل بالا كەلىپ، مۇعالىمنان بۇل اقشا كىمدىكى، سىزدىكى مە دەپ سۇرايدى، ءبىراق مۇعالىم اقشا سالماعانىن ايتادى. ول: مۇعالىم ءسىز الگىندە وسى ارادان ءجۇردىڭىز، سىزدەن ءتۇسىپ قالعان بولۋى مۇمكىن، ءسىز ۇنەمى بىزگە باسقالاردىڭ نارسەسىن الۋعا بولمايدى دەيسىز عوي،-دەدى. سوڭىنان مۇعالىم ونى القاپ، ونى ەكى داپتەرمەن سيلايدى.
«مەيىر باعىشتاۋ ساباقحاناسىنداعى» بالالاردىڭ كوبىنىڭ وتباسىندا ەكونوميكالىق قينشىلىق بار، ءپان يۇيليان ۇنەمى ولارعا ۇيرەنۋ جانە تۇرمىستىق بۇيىمداردى ساتىپ الىپ بەرەدى، اتا-اناسى سىرتقا قىسقا ۋاقىتتىق جۇمىس ىستەپ شىعىپ كەتكەن بالالاردى ۇنەمى ۇيىنە اكەلىپ، ولارعا تاماق ىستەپ بەرىپ، وقۋىنا قارايلاسادى. ءىس جۇزىندە، ءپان يۇيلياننىڭ ءوز تۇرمىسى دا جۇپىنى ەدى، وتباسىنداعىلار ەڭ تومەنگى تۇرمىستى قامتاماسىزداندىرۋ قاراجاتىنا سۇيەنىپ تۇرمىس كەشىرەدى، ول ءار ايداعى 300 يۋاننان ارتىق ەڭ تومەنگى تۇرمىستى قامتاماسىزداندىرۋ قاراجاتىنىڭ ءبىر بولەگىن ناتيجەسى العا باسقان بالالارعا سيلاۋ بۇيىمدارىن ساتىپ الۋعا جۇمسايدى. ءپان يۇيلياننىڭ نازارىندا، «مەيىر باعىشتاۋ ساباقحاناسىنا» كەلگەن ءاربىر بالا ونىڭ ءوز بالاسى سەكىلدى. ول: بىرتىندەپ ولاردان ايىرىلا المايتىن بولىپ قالدىم، ءتىپتى سەنبى، جەكسەنبى كۇندەرى ۋاقىتىم وتپەي قويادى. بالالارمەن بىرگە بولعاندا ۋاقىت بىردەمدە وتە شىعادى، ولاردى ۇيىنە جايىراق قايتقىزعىم كەلەدى،-دەدى.

بەرىپ كەت ورامالىڭدى

دوستار

الىستاعى اق ەركە