جاڭا حابارلار

ءپان يۇيليان جانە ونىڭ 2 مىڭ بالاسى ــ ءۇنسىز اسەرلەنۋ 2-ءبولىم

    كەلۋ قاينارى: شينجياڭ حالىق راديو ىستانسياسى    2017-07-11 13:44:31  
ستانسيامىزدىڭ تىلشىلەرى حى فەي، ما گولەي، جين شيڭبيڭدەر جازعان جەلىلەس حاباردىڭ 2-ءبولىمىن تىڭداڭىزدار: «ءپان مۇعالىم، سالەمەتسىز بە، سىزبەن كەزىكپەگەلى كوپ بولىپ ەدى، سالەم بەرگەلى كەلسەك، امال قانشا جوق ەكەنسىز...» بۇل پان يۇيليان ساباق بەرگەن بالالاردىڭ وعان جازعان حاتى، ىشكى ولكەدەگى شينجياڭ ورتالاۋ مەكتەپ، ورتا مەكتەپ كلاسىنا قابىلدانعان بالالار ءار رەتكى جازعى دەمالىستا ءپان يۇيليانعا سالەمدەسە بارادى، وعان كەزىگە الماعاندا، بالالار اقشا قوسىپ العان جەمىس-جيدەكتەرىن ەسىكتىڭ الدىنا قويىپ، ەسىكتىڭ ساڭلاۋىنا سول ساتتە جازعان حاتتى قىستىرىپ كەتەدى، ءپان يۇيليان بالالاردىڭ جازعان حاتىن وقىدى: «ءسىزدى ءبارىمىز سۇيەمىز، كوپ جىلدان بەرى ءبىزدى تاربيەلەپ باۋلىعانىڭىزعا راحمەت، جاپا شەكتىڭىز، وقۋشىلارىڭىز زۇلقۇمار، ماركەننا، ءاليا، مۇرادىن».
سىزدى ءبارىمىز سۇيەمىز، سىزگە راحمەت ۇستاز! «مەيىر باعىشتاۋ ساباقحاناسىنداعى» بالالار ءپان يۇيلياننىڭ ۇزاق جىلدار بويى وزدەرىنە دايىنداعان مۇز قانت قوسىلعان ءشايىن؛ تۋعان كۇن وتكىزگەندە ءپان يۇيلياننىڭ وزدەرىنە ۇسىنعان قارىنداش، داپتەر جانە وشىرگىشتەرىن ۇمىتپايدى؛ قىستا، ساباقحانادان ۇنەمى اشتىسۋدىڭ جاعىمدى ءيسى شىعىپ تۇراتىن، ءپان يۇيليان پەشكە ءبىر شىنى اشتى سۋدى قايناتىپ، وعان بىرنەشە تال ۋسارىمساق سالىپ، بالالارعا تۇماۋ ءتيىۋدىڭ الدىن الاتىن؛ جازدا، بالالار ۇنەمى ونىڭ الدىن الا سۋىتىپ قويعان قاربىزىن جەيتىن.
ايشامگۇل سۇلەيمەن ءپان يۇيليانمەن 20 نەشە جىل كورشى وتىردى، ونىڭ كەنجە قىزى كىشكەنە كەزىندە «مەيىر باعىشتاۋ ساباقحاناسىندا» وقىعان، ءپان يۇيليان كۇندە بالالارعا ساباق پىسقتاۋمەن قاربالاس بولىپ، تاماق جەۋگە مۇرساسى تيمەگەندە، ۇنەمى ءپان يۇيليانعا تاماق اپارىپ بەرەتىن. ءبىر جولى، ايشامگۇل سۇلەيمەن ءپان يۇيليانگە تاماق اپارعاندا، ءپان يۇيلياننىڭ اياعىن قايىرىپ السا دا بالداقپەن بالالارعا ساباق پىسىقتاپ بەرىپ جاتقانىن كورەدى. ول بىلاي دەدى: «ءپان يۇيلياننىڭ اياعى ءىسىپ كەتسە دە، ول وتىرىپ الىپ ساباق ءوتىپ جاتىر ەكەن، مەن دەمالساڭ بولمايما، ساعان جان كەرەك ەمەسپە، دەپ ەدىم، ول وسنشاا كوپ بالانى قايتەمىن، دەپ كونبەدى».
«وزدەرىڭ جەڭىل-جەلپى تاماق جەي سالىڭدار، مەن كەشتە بالالارعا ساباق پىسقتاپ بەرەمىن». ءپان يۇيلياننىڭ ۇلى ءپان سانحۋ بيىل 55 جاستا، 10 نەشە جىلدىڭ الدىندا، جۇمىس ورنىندا جۇمىس ىستەپ جاتقاندا جارالانعان ول ەڭبەك قۋاتىنان ايرىلادى، ال ايەلى ونى تاستاپ كەتەدى، قازىر ول قىزىمەن بىرگە ءپان يۇيلياننىڭ ۇيىنەن ەكى كيلومەتردەي جەردە تۇرادى. ءار كۇنى تۇستە، ءپان يۇيليان ولارعا تۇسكى تاماق جاسايدى، تاماقتى جەپ بولعاننان كەيىن، دەمالۋعا دا ۇلگىرمەي ۇيىنە قايتىپ، كەشكى «مەيىر باعىشتاۋ ساباقحاناسىنا» دايىندىق كورەدى. شەشەسىنىڭ قاتتى جاپا شەكسەدە، «مەيىر باعىشتاۋ ساباقحاناسىنان» ايىرىلعىسى كەلمەيتىنىن ءبىر تالاي ۋاقىتقا كەيىن پان سانحۋ تۇسىنبەي كەلدى. ءپان سانحۋىڭ قىزى ءپان جياچي: «تاڭعى ساعات 12، 1 لەرگە دەيىن ساباق ۇيرەتەدى، قارنى اشقاندا اكەم ۇنەمى ول كىسىمەن رەنجىسىپ قالادى»،-دەدى.
ءپان يۇيليان قينالىسىن ىشىنە ءۇنسىز جاسىرادى. سوڭىندا ءپان سانحۋ شەشەسىن ەشقانداي تانىستىعى جوق ادامدار ارقىلى تۇسىندى. ول بىلاي دەدى: «كەيدە ەكەۋىمىز سىرتتان تاماق جەگەندە، تاماققا تاپسىرىس بەرە باستاعاندا، وقۋشىلاردىڭ اتا-اناسىنا كەزىگە قالساق، سولار تاماقتىڭ اقشاسىن تولەي سالادى، كەيىن سىرتتان تاماق جەمەيتىن بولدىم. الدىڭعى جولى دوسىممەن بىرگە اراق ءىشىپ وتىرسام، مەنىمەن ونشالىق تانىس ەمەس بىرەۋ مەنى بۇل قاشقار جاڭا ءشارى اۋدانىنداعى 10 تاڭداۋلى ادامنىڭ ءبىرى ءپان شەشەيدىڭ ۇلى دەپ تانىستىرىپ ەدى، وتىرعاندار بىرىنەن سوڭ ءبىرى قۇرمەت ءبىلدىرىپ، شەشەڭىزگە ءدان ريزامىز،-دەستى».
ءپان جياچي بىلاي دەدى: «مەكتەپ تاراتقان ماتەريالدا اجەمنىڭ اتى بار، كوپ وقۋشىلار تانيدى، ءبارى ءپان جياچيدىڭ اجەسى دەسىپ، ماعان قىزىعا قارايدى. اجەم ءبىر ءىستى 20 نەشە جىل تاباندىلىقپەن ىستەدى، قارىمجى تىلەمەدى، اجەمە ەرەكشە سۇيىنەمىن».

بەرىپ كەت ورامالىڭدى

دوستار

الىستاعى اق ەركە