جاڭا حابارلار

قۇمىلداعى 500 مىڭنان استام بۇقارا تازا ەلەكتر اكەلگەن قولايلى تۇرمىستان يگىلىكتەنۋدە

    كەلۋ قاينارى: شينجياڭ حالىق راديو ىستانسياسى    2017-07-11 14:04:11  
ستانسيامىزدىڭ ءتىلشىسى جيڭ لەي، جاي شياۋشۋە، قۇمىل راديو ستانسياسىنىڭ ءتىلشىسى جۋ حۇيحاننىڭ حابارىن تىڭداڭىزدار: كومىر جاعۋ ارقىلى جىلۋمەن قامداۋدان ەلەكتر ەنەرگيا ارقىلى جىلۋمەن قامداۋعا، تابيعي گاز الەۋمەتتىك اۆتوبوزىنان ەلەكتر ەنەرگيالى الەۋمەتتىك اۆتوبوزىنا دەيىن، ەلەكتر ەنەرگيانىڭ ورنىن باسۋ نىساندارىنىڭ بىرتىندەپ جالپىلاسۋىنا بايلانىستى، قۇمىلداعى 500 مىڭنان استام بۇقارا ەلەكترلەنگەن قۇمىلدىڭ قولايلىلىعى مەن تەزدىگىنەن يگىلىكتەنۋدە.
قۇمىل قالاسى ەۋىرعۇل رايونىنىڭ باقىت قىستاعى الەۋمەتتىك اۋماعىنىڭ تۇرعىنى يىلمشا ايسانىڭ ۇيىندە وسىزاماندانعان وتباسىندىق ەلەكتر جابدىقتارى تولىق. يىلمشا ايسا قۋانىشپەن تىلشىگە، ءوزىنىڭ ءاسىلى مالشى ەكەنىن، بۇگىنگى كۇندە تاۋدان ءتۇسىپ، وتىرىقتانىپ تۇرمىسىنىڭ بۇرىنعىدان قولايلى بولا تۇسكەنىن ايتىپ: «2016-جىلى شىلدەدە وسى اراعا كوشىپ كەلدىك، قازىر بۇل جەردە جىلۋ توك ارقىلى كەلەدى، قاي ۋاقىتتا اشساق، سول ۋاقىتتا جىليدى، ءوزىڭ مەڭگەرەسىڭ»،-دەدى.
يىلمشا ايسا سياقتى جاڭا تۇرمىستىڭ يگىلىگىن كورىپ وتىرعانداردان تاعى باقىت قىستاعى الەۋمەتتىك اۋماعىنداعى 455 وتباسى ءبىر مىڭ 329 ادام بار. بۇگىنگى كۇندە، قۇمىل قالاسىنىڭ ەۋرعۇل رايونىنداعى 4 سۋىق تاۋلى اۋىلدىڭ 8 قىستاعىنداعى كەدەي ەگىنشى-مالشىلار باقىت قىستاعى الەۋمەتتىك اۋماعىنا كوشىپ بارىپ، كومىر جانە وتىن جاعۋ ارقىلى جىلىناتىن تاريحپەن تۇبەگەيلى قوشتاستى.
تۇرعىنداردىڭ تۇرمىسىنان تارتىپ الەۋمەتتىك قىزمەت كورسەتۋگە دەيىن ەلەكتر ەنەرگيا بىرتىندەپ داعدىلى ەنەرگيانىڭ ورنىن باستى. وتكەن جىلى جەلتوقساننان باستاپ، جاڭا ەنەرگيالى 60 كىرە كولىگى قۇمىل قالا رايونىنىڭ ۇلكەندى-كىشىلى كوشەلەرىندە زىمىرادى. بۇلار شينجياڭ بويىنشا تۇڭعىش توپتاعى تولىق ەلەكترلى جاڭا ەنەرگيالى كىرە كولىگى. لي فاميليالى شوفەر: «مۇنداي كىرە كولىگى وتە ءجايلى، تاڭەرتەڭ ساعات 9 دا زارياتتاپ، تۇنگى ساعات 10 نەمەسە 11 گە دەيىن جۇرەمىن، مولشەرىمەن 300 يۋانداي كىرىس تابامىن»،-دەدى.
قۇمىل مەملەكەت دارەجەلى امبەباپ ەنەرگيا بازاسى بولعاندىقتان، ەلەكتر بايلىعى توتەنشە مول. 2016-جىلى قۇمىل قالاسى 40 ميلليون يۋان قارجى قوسىپ زارياتتاۋ نەگىزدىك قۇرىلعىسىن سالدى، ءارى كومىر جاعاتىن مەشتى وزگەرتۋ نىسانىن اتقاردى. قۇمىل قالالىق ەكونوميكا جانە ينفورماتسيالاندىرۋ كوميتەتىنىڭ ورىنباسار تەكسەرىپ-زەرتتەۋشىسى ليۋ جيڭ: «ەلەكترلەنگەن قۇمىلدىڭ ەلەكتر مولشەرى 60 ميلليون 900 مىڭ كيلوۆات-ساعاتقا جەتكەندە، 18 مىڭ 900 توننا كومىردى ۇنەمدەۋگە بولادى. 2017-جىلى تىڭنان 27 الەۋمەتتىك اۆتوبوز قوسۋدى جوسپارلاپ وتىرمىز، جىلۋ ەلەكتر بىرىككەن وندىرىسىندە شوعىرلى جىلۋمەن قامداۋ قۇبىر تورابى جەتپەگەن وڭىردە ەلەكتر ارقىلى جىلۋمەن قامداۋدى ىسكە اسىرىپ، تۇرعىنداردى تازا ەلەكتر ەنەرگياسى جاراتقان قولايلىعىنان يگىلىكتەندىرەمىز»،-دەدى.

بەرىپ كەت ورامالىڭدى

دوستار

الىستاعى اق ەركە