باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ءادىليا ءتۇزىلىسى رەفورماسى جونىندە ماڭىزدى نۇسقاۋ بەرىپ ءادىليا ءتۇزىلىسى رەفورماسىن بۇلجىتپاي العا ىلگەرىلەتىپ، جۇڭگوشا سوتسياليستىك زاڭمەن جونگە سالۋ جولىمەن مىزعىماي ءجۇرۋدى باسا دارىپتەدى

    كەلۋ قاينارى: شينجياڭ گازەتى    2017-07-11 14:08:32  

 شينحۋا اگەنتتىگىنىڭ 10 - شىلدەدە گۇيياڭنان بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا ءادىليا ءتۇزىلىسى رەفورماسى جونىندە ماڭىزدى نۇسقاۋ بەرىپ: ءادىليا ءتۇزىلىسى رەفورماسى رەفورمانى جاپپاي تەرەڭدەتۋدە، مەملەكەتتى جاپپاي زاڭمەن جونگە سالۋدا ماڭىزدى ورىندا تۇرادى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى العا ىلگەرىلەتۋدە كەلەلى مانگە يە. بۇكىل ەلدەگى ساياسي - زاڭ ورگاندارى پارتيا ورتالىق كوميتەتىنىڭ تالابىنا ساي، ءادىليا ءتۇزىلىسى رەفورماسىن بۇلجىتپاي العا ىلگەرىلەتىپ، جۇڭگوشا سوتسياليستىك زاڭمەن جونگە سالۋ جولىمەن مىزعىماي ءجۇرۋى كەرەك، - دەپ باسا دارىپتەدى.
  شي جينپيڭ بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، ساياسي - زاڭ شەبى دۇرىس رەفورما بەتالىسىنا تاباندى بولىپ، قيىن تۇيىندەرگە باتىلدىقپەن اۋىز سالىپ، حاۋىپتى جەرلەرگە قادام تاستاپ، قيىن وتكەلدەرگە اتوي سالىپ، تالاي جىلدان بەرى ويدان شىقپاي، تالاي جىلدان بەرى اۋىزدان تۇسپەي كەلسە دە جۇزەگە اسپاعان رەفورمانى جۇزەگە اسىرىپ، ءادىليانىڭ الەۋمەتتىك بەدەلىن تىنباي جوعارىلاتىپ، قوعامنىڭ ادىلدىگىن، ادىلەتتىلىگىن قورعاۋدا ماڭىزدى رول اتقاردى.
  شي جينپيڭ بىلاي دەپ باسا دارىپتەدى: ءادىليا زاڭدىلىعىنا ساي، ءادىليا ءتۇزىلىسى رەفورماسىن تەرەڭدەتۋ مەن وسى زامانعى عىلىم - تەحنيكانى كادەگە جاراتۋدى ۇشتاستىرىپ، جۇڭگوشا سوتسياليستىك ءادىليا ءتۇزىمىن تىنباي كەمەلدەندىرۋ جانە دامىتۋ كەرەك. ءادىليا جاۋاپكەرشىلىك ءتۇزىمىن جاپپاي تياناقتاندىرىپ، تەرگەۋدى وزەك ەتكەن قىلمىستىق ىستەر ارىز - شاعىم ءتۇزىمى رەفورماسىن ىشكەرىلەي العا ىلگەرىلەتىپ، ۋنيۆەرسال سايكەستى رەفورمانى تۇيىندەردە سىناق ەتىپ، رەفورمانىڭ تۇلعالىق ونىمدىلىگىن جوعارىلاتۋ كەرەك. قوعام حاۋىپسىزدىگى رەفورماسىن، مەملەكەت حاۋىپسىزدىگى ورگانى رەفورماسىن، ءادىليا اكىمشىلىك رەفورماسىن ءبىر تۇتاس جوسپارلاي وتىرىپ، جاپپاي العا ىلگەرىلەتىپ، قوعامدىق جالپى جاعدايدىڭ ورنىقتىلىعىن قورعاۋ، قوعامنىڭ ادىلدىگىن، ادىلەتتىلىگىن جەبەۋ، حالىقتىڭ الاڭسىز تىرشىلىك ەتۋىن قامتاماسىزداندىرۋ قابىلەتىن جوعارىلاتۋ كەرەك. ءار دارەجەلى پارتكوم باسشىلىقتى كۇشەيتىپ، كەلەلى ماسەلەلەردى زەرتتەپ، شەشىپ، ءادىليا ءتۇزىلىسى رەفورماسىن العا ىلگەرىلەتۋدى پارمەندى قامتاماسىزداندىرۋ كەرەك.
  مەملەكەتتىك ءادىليا ءتۇزىلىسى رەفورماسىن العا ىلگەرىلەتۋ ءماجىلىسى 10 - شىلدەدە گۇيجوۋدىڭ گۇيياڭىندا اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى مىڭ جيانجۋ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى.

  ءماجىلىس بىلاي دەپ باسا دارىپتەدى: پارتيانىڭ 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن قىبلاناما ەتىپ، باس شۋجي شي جينپيڭنىڭ سوتسياليستىك زاڭمەن جونگە سالۋ قۇرىلىسىن كۇشەيتۋ جونىندەگى ءبىر قىدىرۋ ماڭىزدى نۇسقاۋىن مۇقيات دايەكتىلەندىرىپ، تياناقتاندىرىپ، ءىرى ساندى مالىمەت، جاساندى زەردە داۋىرىمەن بارىنشا بەلسەندىلىكپەن قاۋىشىپ، ۇستانىم، وي جەلى دەڭگەيىن ءوسىرۋدى، ءتۇزىلىس مەحانيزمىندە جاڭالىق اشۋدى، وسى زامانعى عىلىم - تەحنيكانى كادەگە جاراتۋدى زاڭ - ءتۇزىمدى كەمەلدەندىرۋمەن ۇشتاستىرىپ، ءادىليا جاۋاپكەرشىلىك ءتۇزىمى مەن قاتىستى سايكەستى رەفورمانى جاپپاي تياناقتاندىرىپ، تەرگەۋدى وزەك ەتكەن قىلمىستىق ىستەر ارىز - شاعىم ءتۇزىمى رەفورماسىن ىشكەرىلەي العا ىلگەرىلەتىپ، ءادىل، جوعارى ءونىمدى، بەدەلدى سوتسياليستىك ءادىليا ءتۇزىمىن جەدەل ورناتۋدى جەبەپ، پارتيانىڭ 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الۋ كەرەك.
  مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترى گو شىڭكۇن، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى ساۋ جيانميڭ ماجىلىسكە قاتىناستى.

ءان الەمى

جول توسىلىپ قالدى

تۇلپارىم