جاڭا حابارلار

تۇرعىنداردىڭ ءۇي شارت-جاعدايى بارعان سايىن جاقساردى

    كەلۋ قاينارى: شينجياڭ حالىق راديو ىستانسياسى    2017-07-12 20:16:59  
ستانسيامىزدىڭ تىلشىلەرى چىن جۇيلەيدىڭ حابارىن تىڭداڭىزدار: بيىل 49 جاستاعى جاۋ شىڭگۇي، بۇرىننان ءۇرىمجى قالاسىنىڭ حيجياشان وڭىرىندە تۇرىپ كەلگەن، لاشىقتىلار مەكەنىن وزگەرتىپ سالۋ ينجەنەرياسىنىڭ ارقاسىندا، ونىڭ تۇرعىن ءۇي شارت-جاعدايى بارعان سايىن جاقساردى، جاۋ شىڭگۇي تاعى رايونىمىزدىڭ قالا قۇرىلىسىنىڭ دامۋىنا كۋا بولۋشى، ءارى تيىمدىلىككە كەنەلۋشى.
ەكى كۇننەن بەرى، جاۋ شىڭگۇي بولاشاق قۇداسىمەن كەزدەسۋگە دايىندالۋدا. ول قازىر، ءۇرىمجى قالاسى تيانشان رايونى حيجياشان اۋماعىنداعى ياڭگۋاڭ-ياجۇي شاعىن رايونىندا تۇرادى، ونىڭ وسى 97 شارشى مەترلىك ءۇيى تازا دا رەتتى، مەيىرگە تولى، ۇلى ءسوز بايلاسقان قىزىن مەرزىمنەن بۇرىن بوساعا اتتاتپاقشى بولعاندىقتان، ول ءۇيىن مۇقيات رەتتەدى. جاۋ شىڭگۇي وسى ۇيدە بولاشاق قۇدالارىن كۇتۋگە سەنىمىنىڭ زور ەكەنىن ايتا كەلىپ: ءۇيىمدى كورىپ، قۇدالارىمنىڭ ريزا بولاتىنىنا سەنىمىم بار، بالالارىنىڭ وسىنداي وتباسىنا ۇزاتىلعانىنا الاڭسىز بولادى،-دەدى.
جاۋ شىڭگۇي 50 جىلعا جۋىق ۋاقىتتان بەرى حيجياشان وڭىرىندە تۇرىپ كەلدى، ولار بۇرىنعى قاراپايىم جەر ۇيدەن مەكەمە ورىن ءبولىپ بەرگەن شاعىن ۇيگە كوشىپ كىرگەن، ورتا شارت-جاعدايى نەداۋىر ناشار بولعاندىقتان، جاۋ شىڭگۇي مەن ونىڭ كورشىلەرى قالجىڭداپ تۇرعان جەرلەرىن، كينوداعى ىلاس، بىلىققان، ناشار «لۇڭشۇگۋعا» ۇقساتاتىن. سوڭعى بىرنەشە جىلدان بەرى، مەملەكەت پەن اۆتونوميالى رايون لاشىقتىلار مەكەنىن وزگەرتىپ سالۋ ينجەنەرياسىن بارىنشا ىلگەرىلەتتى، ول اقىرى جانعا جايلى جاڭا ۇيگە كوشىپ كىردى. جاۋ شىڭگۇي: ماعان 94 شارشى مەترلىك تۇرعىن ءۇي بەرىلەتىن بولدى، ۇكىمەت 10 مىڭ يۋان قوسىمشا قاراجات بەردى، بۇعان ارينە ريزامىن. اقىرى جانعا جايلى جاڭا ۇيگە كوشىپ كىردىم،-دەدى.
جاۋ شىڭگۇيدى ءتىپتى دە قۋانىشقا بولەگەنى، سوڭعى ەكى جىلدا، ءۇرىمجى قالا قۇرىلىسىنىڭ بارىنشا دامۋىنا بايلانىستى، وزدەرى تۇرعان شاعىن رايوننىڭ الدىنان كەڭ تاس جول جاسالدى، شاعىن رايون مەن ءمالى جاسىلدانىپ، ءتىپتى دە جانعا جايلى بولدى. جاۋ شىڭگۇي: قازىر، جاڭا عيماراتتا تۇرامىز، ماڭايى گۇل-شوپپەن كومكەرىلگەن، ورتاسى وتە جاقسى، كوڭىل-كۇيىمىز دە كوتەرىڭكى،-دەدى.

بەرىپ كەت ورامالىڭدى

دوستار

الىستاعى اق ەركە