جاڭا حابارلار

ءپان يۇيليان جانە ونىڭ 2 مىڭ بالاسى ــ شەكسىز ارمان 3-ءبولىم

    كەلۋ قاينارى: شينجياڭ حالىق راديو ىستانسياسى    2017-07-12 20:24:56  
ستانسيامىزدىڭ تىلشىلەرى حى فەي، ما گولەي، جين شيڭبيڭدەر جازعان «ءپان يۇيليان جانە ونىڭ 2 مىڭ بالاسى» دەگەن تاقىرىپتاعى جەلىلەس حاباردىڭ سوڭعى ءبولىمىن تىڭداڭىزدار: ءپان يۇيلياننىڭ «مەيىر باعىشتاۋ ساباقحاناسى» وتە شاعىن بولعانىمەن، كوپتەگەن از ۇلت كەدەي وتباسىلاردىڭ ۇرپاقتارىن شالعاي، كەدەي وڭتۇستىك شينجياڭنان شىعارۋ سىندى ارماندارىن ارقالاعان-ەدى.
سالت باستى وتباسىنداعى رىزۋانگۇل ابدىرەيىم قاشقار جاڭا ءشارى اۋداندىق حالىق شيپاحاناسىنىڭ تازالىقشىسى، ونىڭ ءۇيى 30 نەشە كيلومەتر شالعايداعى قامسارىق اۋىلىندا، ءار رەتكى دەمالىس كەزىندە، رىزۋانگۇل ابدىرەيىم قىزىن ءپان يۇيلياننىڭ «مەيىر باعىشتاۋ ساباقحاناسىنا» اپارىپ قويادى، قىزى كۇندىز «مەيىر باعىشتاۋ ساباقحاناسىندا» ۇيرەنسە، كەشتە شەشەسىمەن شيپاحانانىڭ جاتاعىندا جاتادى. ول بىلاي دەدى: «بالام ءپان ۇستازدىڭ ساباقحاناسىندا جاقسى وقىپ، كەيىن ىشكى ولكەدەگى شينجياڭ ورتالاۋ، ورتا مەكتەپ كلاستارىنا بارىپ، ودان جوعارى مەكتەپ وقىسا دەيمىن!»
رىزىۋانگۇل ابدىرەيىم سياقتى اتا-انالاردىڭ ءۇمىتى مەن تاباندىلىعى بولعاندىعى سەبەپتى، ءپان يۇيليان «مەيىر باعىشتاۋ ساباقحاناسىن » ۇزدىكسىز اشا ءتۇسۋ بەكىمىنە كەلدى، ول بىلاي دەدى: «ۇرپاقتارىمىزدىڭ تاعدىرىن وزگەرتۋىمىز، بۇل بالالار ءسوز جوق سىرتقا شىعۋى كەرەك. مەن 75 كە كەلدىم، قاۋسادىم، كورەر كۇنىم دە از قالدى، بالالارعا قانشا كۇن ساباق بەرە الاتىنىمدى بىلمەيمىن، الايدا شامامنىڭ كەلىسىنشە جالعاستىرامىن».
20 نەشە جىلدان بەرى، «مەيىر باعىشتاۋ ساباقحاناسىندا» وقىعان 2 مىڭنان ارتىق بالانىڭ ىشىندە كوبى ءپان يۇيلياننىڭ كۇتكەنى سياقتى وڭتۇستىك شينجياڭنان، ءتىپتى شينجياڭنان شىعىپ، ىشكى ولكەلەردەگى جوعارى مەكتەپتەرگە بارىپ، وقۋ تاۋىسقاننان كەيىن تۋعان جەرلەرىنە قايتىپ ورالدى.
26 جاستاعى ءماريام ەركىن شاڭحاي جاراتىلىستىق عىلىمدار ۋنيۆەرسيتەتىنەن وقۋ تاۋىسقان، قازىر، قاشقار ايماقتىق حالىق شيپاحاناسىندا قىزمەت ىستەيدى، ول ءپان يۇيلياننىڭ ەڭ ماقتانىش تۇتاتىن وقۋشىلارىنىڭ ءبىرى، ول بىلاي دەدى: «كىشكەنە كەزىمدە ءپان اجەيدىڭ كومەگىندە حانزۋ ءتىلىن ۇيرەندىم، ول حانزۋ ءتىلى جاعىندا ماعان تاماشا نەگىز قالادى، مەن كەيىن ىشكى ولكەدەگى شينجياڭ ورتالاۋ مەكتەپ كلاسىنا ەمتيحان بەرىپ ءوتىپ، شاندۇڭنىڭ يانتايىنداعى ىشكى ولكەدەگى شينجياڭ ورتا مەكتەپ كلاسىندا وقىدىم، سوڭىندا شاڭحاي جاراتىلىستىق عىلىمدار ۋنيۆەرسيتەتىنە قابىلداندىم، مەن ءپان اجەيگە ەرەكشە العىس ايتامىن».
حۋناننىڭ حىڭياڭىنداعى وڭتۇستىك جۇڭگو ۋنيۆەرسيتەتىندە مەدەتسينا كاسىبىن وقيتىن ءابيبوللا وشىر قازىر حۋنانداعى ءبىر شيپاحانادا پراكتيكانت شيپاگەر بولىپ ىستەيدى، ول كەزىندە 6 جىل ساباقتان سىرتقى ۋاقىتىن «مەيىر باعىشتاۋ ساباقحاناسىندا» وتكىزگەن. ول بىلاي دەدى: «ىشكى ولكەدە ادامدار ۇنەمى مەنەن ورتاق ءتىلدى نەدەگەن جاقسى سويلەيسىڭ، دەگەندە، ەسىمە پان اجەي تۇسەدى، راسىندا ماعان نەگىز قالاعان سول كىسى. سول كەزدىڭ وزىندە ول كىسى بىزگە ءتىل قارىم-قاتىناس جاسايتىن قۇرال، ءسوز جوق حانزۋ ءتىلىن جاقسى ۇيرەنۋلەرىڭ كەرەك، كەيىن قايدا بارساڭدار دا ەسقاتادى»،-دەيتىن.
ءپان يۇيلياننىڭ «مەيىر باعىشتاۋ ساباقحاناسىندا»، بالالاردىڭ داۋىستاپ كىتاپ وقىعان ءۇنى 20 نەشە جىلعا جالعاستى، ءدال وسى جەردە ارمان تۇقىمى سەبىلگەن-ەدى، ءبىر وقۋشى ەرەكشە مىندەت اتقاراتىن اسكەر بولعىسى كەلەتىنىن ايتسا، ەندى ءبىر بالا پاراشوتشى اسكەر بولعىسى كەلەتىن، ال تاعى بىرەۋلەرى ەسەيگەندە شيپاگەر، ساقشى، ءپان ۇستاز سياقتى وقىتۋشى بولعىسى كەلەتىنىن ايتتى.
25 جىلعى قالتىقسىز تاباندىلىقتىڭ ارقاسىندا، ءپان يۇيليان كوپتەگەن اتاق-داڭققا يە بولىپ، ىلگەرىندى-كەيىندى «قاشقار جاڭا ءشارى اۋدانىنىڭ تۇڭعىش كەزەكتى ءمورال ۇلگىسى»، «قاشقار جاڭا ءشارى اۋدانىنداعى 10 ايگىلى ادام»، «قاشقار ايماعىنىڭ ۇلتتار ىنتىماعى ۇلگىسى» بولدى، بيىل مامىردىڭ سوڭىندا، ول تاعى «قاشقاردى سۇيىندىرگەن 10 ايگىلى ادام» بولىپ باعالاندى.

بەرىپ كەت ورامالىڭدى

دوستار

الىستاعى اق ەركە