باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اپتاپ ىستىقتى قالاي وتكىزۋگە بولادى؟

    كەلۋ قاينارى: شينجياڭ حالىق راديو ىستانسياسى    2017-07-13 20:45:26  
جاز مەزگىلىنىڭ ىستىق كۇندەرى سۋدىڭ جاعاسىندا دەمالعانعا ەشتەڭە جەتپەيدى. ۇيگە سالقىنداتقىش ورناتساق سۋىق تيگىزىپ الۋ حاۋپى بار. ولاي بولسا، سالقىنداتقىشتىڭ كومەگىنسىز ىستىقتان قالاي قورعانامىز؟
قولىڭىزدى سالقىنداتىڭىز. سۋىق سۋى بار 2 شاعىن بوتەلكە، مۇزى بار دوربا نەمەسە ىلعال سۇلگى الىڭىز. ونى شىنتاقتىڭ بۇگىلگەن جەرىنە، مويىنعا جانە تىزەگە قويىڭىز. سەبەبى، وسى جەرلەردە قان تەرىگە جاقىنىراق وتەدى. ناتيجەسىندە جەڭىلدىك سەزىنەسىز.
سۋىق سۋمەن جۋىنىڭىز. مونشاعا كۇنىنە بىرنەشە رەت بولسا دا تۇسۋگە بولادى. وسىدان سوڭ ەداۋىر جەڭىلدەپ، كوڭىل كۇيىڭىز دە كوتەرىلىپ قالادى.ىستىق كۇندەرى تەرەزەنى جابىڭىز. ادامداردىڭ كوپشىلىگى ىستىق كۇندەرى تەرەزەلەرىن اشىپ قويادى. ىستىق كۇنى اشىق تەرەزەدەن سۋىق ەمەس ىستىق جەل كىرەتىنىن ۇمىتپاڭىز. ەگەر جەلدەتكىڭىز كەلسە، ونى تۇنگى ۋاقىتتا عانا اشقان ءجون. ال كۇندىز تەرەزەلەردى جاۋىپ، بولمەنى قاراڭعىلاپ، پەردەنى جاۋىپ قويىڭىز.
بولمەنى جەلدەتىڭىز. ەگەر ىستىق كۇندەرى تەرەزەنى جاپساڭىز، ۇيدەگى اۋا تىم تىمىرسىق بولسا، وندا ءۇيدى جەلدەتىڭىز. ول ءۇشىن تەرەزەنى اشىپ، قاراما - قارسى سىرتقى ەسىكتى دە اشىڭىز. مۇنداي وتپە جەلدەن سۋىق تيمەيدى.
سالقىن تاعامدار جەڭىز. توڭازىتقىشتا تۇرعان كوك سورپا، بالمۇزداق جانە جەمىستەر مەن كوكونىستەردى قولدانىڭىز. تاماقتى جىلىتۋ كەزىندە وتتى قوسپاي ميكروتولقىندى پەشتە ىسىتقان ءجون. سەبەبى، وتتى قوسساڭىز، بولمەدەگى تەمپەراتۋرانى جىلدام ىسىتىپ جىبەرەدى.
C دارۋمەنىن قابىلداڭىز. ەگەر C دارۋمەنىنىڭ تابلەتكا ءتۇرىن قولدانساڭىز، ونىڭ سىرتىنداعى نۇسقامادا سالماعىڭىزعا قاراي كۇنىنە قانشا ءىشۋ كەرەكتىگى جازىلادى. ول قانداعى وتتەگىنىڭ الماسۋىن ىسكە قوسىپ، ىستىقتى جەڭىل كوتەرۋگە كومەكتەسەدى. C دارۋمەنى تسيترۋستى جەمىستەردە دە كوپ كەزدەسەتىنىن ۇمىتپاڭىز.
ەلەكتر قۇرالدارىن ءوشىرىڭىز. وسىزامانعى قۇرالداردىڭ (تەلەۆيزور، كومپيۋتەر، ت. ب) كوپشىلىگى توك كوزىنەن ۇزبەي تۇرعان كەزدە دە قىزادى. سوندىقتان ەگەر ولاردى سول ۋاقىتتا قولدانباساڭىز، جاي ءسوندىرىپ قانا قويماي، توكتەن سۋىرىپ تاستاڭىز.
ءان الەمى

جول توسىلىپ قالدى

تۇلپارىم