جاڭا حابارلار

قۇمىلداعى ەرىتىلگەن تۇز مۇناراسى ۇلگىسىندەگى 50 مىڭ كيلوۆاتتىق جارىق جىلۋىمەن ەلەكتر شىعارۋ نىسانى اتقارىلۋ ساتىسىنا جاپپاي قادام تاستادى

    كەلۋ قاينارى: شينجياڭ حالىق راديو ىستانسياسى    2017-07-14 13:22:29  
شينحۋا اگەنتتىگىنىڭ حابارى: جۋىردا قۇمىلداعى ەرىتىلگەن تۇز مۇناراسى ۇلگىسىندەگى 50 مىڭ كيلوۆاتتىق جارىق جىلۋىمەن ەلەكتر شىعارۋ نىسانى جانە جارىق شوعىرلاندىرىپ جىلۋ جيناۋ جۇيەسى ىركەس-تىركەس مەردىگەرگە يە بولدى، سونىمەن بۇل نىساندار اتقارىلۋ ساتىسىنا جاپپاي قادام تاستادى. بۇل رايونىمىزداعى تۇڭعىش ءىرى تۇرپاتتى جارىق جىلۋىمەن ەلەكتر شىعارۋ نىسانىنىڭ ءساتتى ىلگەرىلەگەنىن ايگىلەيدى.
قۇمىلداعى ەرىتىلگەن تۇز مۇناراسى ۇلگىسىندەگى 50 مىڭ كيلوۆاتتىق جارىق جىلۋىمەن ەلەكتر شىعارۋ نىسانىن جۇڭگو ەلەكتر ينجەنەرياسى كەڭەسشىلىك توبى شەكتى سەرىكتەستىگى قارجى قوسىپ اتقارادى. بۇل نىسان 2016-جىلى 13-قىركۇيەكتە مەملەكەتتىك ەنەرگيا مەكەمەسى جاعىنان مەملەكەتتىك ءبىرىنشى توپتاعى كۇن ەنەرگياسىنىڭ جىلۋىمەن ەلەكتر شىعارۋدان ۇلگى كورسەتۋ نىسانى رەتىندە تۇراقتاندىرىلعان، نىساننىڭ جوسپارداعى سيىمدىلىعى 250 مەگاۆات، جيىنى ءبىر ميلليارد 580 ميلليون يۋان قارجىمەن قۇرىلىسى سالىنادى دەپ مەجەلەنگەن.
اۆتونوميالى رايوندىق ەنەرگيا مەكەمەسىنىڭ قاتىستى جاۋاپتىسى بىلاي دەدى: نىسان قۇرىلىسى سالىنىپ بولعاننان كەيىن، ءار جىلى 198 ميلليون كيلوۆات-ساعات ەلەكتر كۇشىمەن قامداپ، رايونىمىزدىڭ جارىق جىلۋىمەن ەلەكتر شىعارۋ كاسىبى تەحنيكاسىن ىلگەرىلەتۋ جونىنەن بەلسەندى ۇلگىلى رول اتقارادى.
تانىستىرۋعا قاراعاندا، اۆتونوميالى رايوننىڭ ەنەرگيا سالاسىنىڭ 2017-جىلعى جوسپارى بويىنشا 181 ميلليارد يۋان قارجى قوسۋ، %12.6 ارتتىرۋ نىسانالىق مىندەتىن ارقاۋ ەتىپ، مەملەكەتتىڭ ءىرى مۇناي-تابيعي گاز ءوندىرۋ، مانەرلەۋ جانە زاپاس ساقتاۋ بازاسىن، ءىرى كومىر، كومىر-ەلەكتر، كومىر-حيميا ونەركاسىبى بازاسىن، ءىرى جاڭا ەنەرگيا بازاسى مەن مەملەكەتتىڭ قۇرلىقتاعى ەنەرگيا، بايلىق ۇلكەن ارناسىن جەدەل قۇرۋ ءۇشىن، بيىل اۆتونوميالى رايوندا ەنەرگيا تۇرىندەگى 84 ءتۇيىندى نىسان ورنالاستىرىلىپ، تۇتاس جىلدا 126 ميلليارد يۋان قارجى قوسۋ جوسپارلانعان.
ەنەرگيا سالاسىنداعى قارجى قوسۋ تەبىنىن ارتتىرۋ ءۇشىن، اۆتونوميالى رايون قىزمەت سەرپىنىن ارتتىرىپ، مەملەكەتتىڭ اۆتونوميالى رايونىمىز قوسالقى بازاردا تياناقتاندىراتىن ەلەكتر قاينارى، ەلەكتر تورى سياقتى نىسانداردى جەدەل تەكسەرىپ-بەكىتۋىنە بەلسەنە قۇلشىنىپ، نەگىزدىك قۇرىلعىنى ونان ارى كەمەلدەندىرىپ، مەملەكەتتىڭ ەنەرگيامەن قامداۋىن ءونىمدى قامتاماسىزداندىرعان. سونىمەن بىرگە، مەملەكەتتىڭ اۆتونوميالى رايونىمىزداعى اۋىل-قىستاق ەلەكتر تورىن جاڭالاۋ، دەڭگەيىن جوعارىلاتۋ، زاريادتاۋ نەگىزدىك قۇرىلعىسى سياقتى نىسانداردا ورتالىقتىڭ مەجە ەسەپ كولەمىندەگى قارجى قوسۋشى جاقتى شينجياڭعا بەيىمدەۋىنە بەلسەنە قۇلشىنىپ، قارجى قوسۋ تەبىنىن ارتتىرىپ، اۆتونوميالى رايوننىڭ ەنەرگيا نىساندارىنا قارجى قوسۋ قىزمەتىن جەبەيدى.
2016-جىلى مەملەكەتتىڭ كۇش سالا قولداۋىندا، اۆتونوميالى رايون «شينجياڭنىڭ ەلەكترىن سىرتقا شىعارۋ» ينجەنەرياسىن جەدەل اتقارىپ، شىعىس جۇڭعار-وڭتۇستىك انحۇي 1100 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن، سونداي-اق سايكەستى ەلەكتر كوزى نىسانىن سالىپ، «شينجياڭنىڭ ەلەكترىن سىرتقا شىعارۋدىڭ» ءۇشىنشى ارناسى قۇمىلدىڭ سولتۇستىگىنەن حۋبەيدىڭ جيڭمىنىنە دەيىنگى 800 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ العاشقى مەرزىمدىك قىزمەتىن بەلسەنە ىلگەرىلەتتى؛ شينجياڭ ىشىندەگى ەلەكتر قۇرىلىسىن نىق قاداممەن ىلگەرىلەتىپ، 750 كيلوۆولتتىق نەگىزگى تور قاڭقاسى، سونداي-اق سايكەستى ەلەكتر تورى قۇرىلىسىن اناعۇرلىم كەمەلدەندىردى؛ «شينجياڭدى ەلەكترلەندىرۋ » جوسپارىن باستاپ، ەلەكترمەن جىلىنۋ جانە جەل ەلەكترى ارقىلى جىلۋمەن قامداۋدى بەلسەنە جالپىلاستىردى.
2016-جىلدىڭ اياعىنا دەيىن رايونىمىز بويىنشا ەلەكتر گەنەراتور اگراگاتتارىنىڭ سيىمدىلىعى 76 ميلليون 910 مىڭ كيلوۆاتقا جەتىپ، مەملەكەت بويىنشا 8-ورىندى يەلەدى. 2016-جىلى ەلەكتر تاراتۋ مولشەرى 227 ميلليارد 370 ميلليون كيلوۆات-ساعاتقا جەتتى. تۇتاس قوعامنىڭ ەلەكتر تۇتىنۋ مولشەرى 179 ميلليارد 380 ميلليون كيلوۆات-ساعاتقا جەتىپ، الدىنداعى جىلدىڭ سول مەزگىلىندەگىدەن %12 ارتىپ، ارتۋ سالىستىرماسى بۇكىل ەل بويىنشا 2-ورىندى يەلەدى.

بەرىپ كەت ورامالىڭدى

دوستار

الىستاعى اق ەركە