باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءومىردىڭ ءمانى

    كەلۋ قاينارى: شينجياڭ حالىق راديو ىستانسياسى    2017-07-14 18:14:51  
ادام ومىرگە ءبىر-اق رەت كەلەدى. بۇل بارلىق ادام بىلەتىن جاي ساۋات ءارى اشتى شىندىق. ءدال سولاي بولعاندىقتان دا ادامدار ءومىردى ءماندى، قاراپايىم، كوڭىلدى وتكىزگەنى ابزال.
ادام جاڭا جاۋعان اپپاق قارداي كىرشىكسىز بولىپ ومىرگە كەلگەننەن مىڭ بوياۋمەن ورنەكتەلىپ ومىردەن وتكەنگە دەيىن ايتىلمىش«ءومىر» اتتى الىپ كەمەدە سان تولقىندى، سان تولقۋدى باستان وتكەرەدى. بىردە ارىقتاپ،بىردە سەمىرەدى، بىردە جىعىلىپ، بىردە تۇرادى، بىردە قۋانادى، بىردە مۇڭايادى، بىردە قايعىرادى، بىردە كۇلەدى. دەمەك،ءسىز قالاي ءومىر سۇرسەڭىزدە ءومىر ءسىزدى ءوزىنىڭ ەڭ سوڭعى كومبەسىنە جەتكىزۋدەن جازبايدى. ولاي بولادى ەكەن، ءسىز قامشىنىڭ سابىنداي عانا قىسقا عۇمىرىڭىزدى قالاي عانا كوڭىلدى وتكىزبەسكە. قىلت ەتكەن ءىستى جىپكە ءتىزىپ ەسەپتەسۋدىڭ، ورىنسىز وت الىپ قوپاعا ءتۇسۋدىڭ، قىزىل كەڭىردەك بولۋدىڭ، بەت جىرتىسىپ، وزگەنى قيناپ، ءوزىڭدى ارانداۋدىڭ قاجەتى قانشالىق. وزگەنىڭ كوزقاراستارى سىزگە سونشالىق ماڭىزدى ما؟ مىنانى ءبىلۋىڭىز كەرەك، ءسىز وزگەلەر ءۇشىن ەمەس، ءوزىڭىز ءۇشىن ءومىر ءسۇرۋىڭىز كەرەك.
اۋەلى، ادام وڭ-سولىن بايقاپ، ءوز-ءوزىن رەتتەي ءبىلۋى كەرەك. جۇرەك جاردى قۋانىشتان كوڭىلىڭىز گۇل بولعاندا اسىپ-تاسىماڭىز. ساتسىزدىككە جولىعىپ، جول تابا الماي داعدارعاندا اسپان توڭكەرىلىپ جەرگە تۇسكەندەي «اھ» ۇرىپ الاساتپاڭىز.ءارقاشان سابىرلى بولىڭىز، قۋانىش پەن قايعىنىڭ ءارقاشاندا ەگىز بولاتىنىن ەسىڭىزدەن شىعارماي، بايسالدىلىقتى جانىڭىزعا جولداس ەتىڭىز.
كەڭ پەيىل بولىڭىز. بىرەۋدىڭ ەڭبەگىنە كوز قىزارتىپ، ءىشتارلىق كورسەتپەڭىز. باسقالاردىڭ قۋانىشى مەن قايعىسىنا ورتاق بولۋدى، قۋانىشىنا بىرگە قۋانىپ، قايعىسىن ورتاق ارقالاۋدى ءلاززات سەزىنىڭىز. جاماندىعى جوق جان پەندەسىن جاقىن تارتىڭىز، وزگەلەردەن قولدان كەلىسىنشە كومەگىڭىزدى اياماڭىز.
اقشانى بارىنەن ماڭىزدى ورىنعا قويىپ، اقشانىڭ قۇلى بولاتىن، قالتالىنى قولپاشتاپ، جارلىنى قاقپايلايتىنىن يدەيادان اۋلاق بولىڭىز. اقشا قولدىڭ كىرى، تۋادا الىپ كەلمەيسىز. «ارتىق داۋلەت باس جارمايدى» دەسەك تە، ول ۇنەمشىلدىككە، ۇقىپتىلىققا قاراتىلعان بولار. قاناعاتسىزدىقپەن بارلىق قاجىر-قايرات، قان-تەرىڭىزدى، بارىنەن دە زور بايلىعىڭىز بولعان دەنساۋلىعىڭىزدى بوداۋعا تىگىپ جيناعان داۋلەتىڭىز سوڭىندا كىمگە ءناسىپ بولماق.
قالتالى مەن ۇقىقتىلاردىڭ الدىندا قۇراق ۇشىپ، جىرتىسىن جىرتاتىن، وزگەنى زور، ءوزىڭدى قور سانايتىن يدەيادان اۋلاق بول. سەبەبى، ءبارى دە وزىڭىزبەن ۇقساس ادام. ماسەلە ءسىزدىڭ وزىڭىزگە جانە وزگەلەرگە قالاي قاراۋىڭدا. ءوزىڭدى وزگەلەردەن قور سانايتىن نە قاقىڭ بار؟ وزگەلەر قازانىڭا اس سالىپ بەرىپ وتىرعان جوق، قايتا ءومىردىڭ وزىڭىزگە سيلاعان نەسىبەسىن ىجداعاتپەن جيناپ، ۇقىپتىلىقپەن تۇتىنىپ، قاجىرلى دا قاراپايىم تۇرمىس كەشىرىپ جاتپايسىڭ با؟ مىنە، بۇل كوپ ساندى ادامداردىڭ ءومىر ساپارى، مىنە بۇل ناعىز ءومىر، ءومىردىڭ ءمانى دە وسىندا. قاراعايداي قايسار ءومىر، جاسىل ارشاداي جايساڭ ءومىر دەپ وسىنى ايت.
اۋدارعان: قورلان زارلىقان قىزى
ءان الەمى

جول توسىلىپ قالدى

تۇلپارىم