باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ كانادانىڭ گۋبەرناتورى جونستونمەن كەزدەستى

    كەلۋ قاينارى: شينجياڭ گازەتى    2017-07-14 18:30:21  

  شينحۋا اگەنتتىگىنىڭ 13 - شىلدەدە بەيجيڭنەن بەرگەن حابارى. مەملەكەت ءتوراعاسى شي جينپيڭ 13 - شىلدەدە دياۋيۇيتاي مەملەكەتتىك قوناق ۇيىندە كانادانىڭ گۋبەرناتورى جونستونمەن كەزدەستى.
  شي جينپيڭ بىلاي دەپ اتاپ كورسەتتى: جۇڭگو مەن كانادا ازيا - تىنىق مۇحيت وڭىرىندەگى ماڭىزدى ەلدەر، ءوز ەلدەرىنىڭ دامۋىن جۇزەگە اسىرۋ، الەمدىك سايىستارعا توتەپ بەرۋ جاعىندا ارالارىندا ماڭىزدى ورتاق مۇددە جانە كەڭ كولەمدى سەلبەستىك جاساۋ ءورىسى بار. جۋىق جىلداردان بەرى، جۇڭگو مەن كانادانىڭ قاتىناسى جالپى تۇلعالىق جاقتان تاماشا دامۋ تەبىنىن ساقتاپ، ەكى ەل حالقىنا ناقتى مۇددە جەتكىزدى، ازيا - تىنىق مۇحيت ءوڭىرىنىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنىپ - كوركەيۋىن دە جەبەدى. جۇڭگو جاق كانادا جاقپەن جوعارى دارەجەلىلەر بارىس - كەلىسىن ساقتاۋدى، ءار دارەجەلى كەڭەس مەحانيزمىنەن ويداعىداي پايدالانۋدى، ۇكىمەت تاراۋلارى، ءادىليا قۇرىلىمدارى، ساياسي پارتيالار اراسىنداعى جانە ءار سالاداعى بارىس - كەلىس كولەمىن كەڭەيتۋدى قالايدى. تاراپتار قاشاندا ستراتەگيالىق بيىكتىك پەن ۇزاق بولاشاقتىق تۇرعىنى شىعار ءتۇيىن ەتىپ، ءبىر - ءبىرىنىڭ وزەكتى مۇددەسىنە جانە كوڭىل ءبولىپ وتىرعان كەلەلى ماسەلەلەرىنە قۇرمەت ەتىپ، بىرگە قۇلشىنىس جاساپ، جۇڭگو مەن كانادانىڭ ستراتەگيالىق سەرىكتەستىك قاتىناسىنىڭ ۇزدىكسىز العا قاراي دامۋىن ىلگەرىلەتۋى كەرەك.
  شي جينپيڭ بىلاي دەپ باسا دارىپتەدى: جۇڭگو مەن كانادا كومەسكى كۇشتەردى اشىپ، ەكونوميكالىق ساۋدا، زاڭ اتقارۋ، عىلىم - تەحنيكا، گۋمانيتارلىق قاتىناس قاتارلى سالاداعى بارىس - كەلىس پەن سەلبەستىكتى تەرەڭدەتىپ، باسىمدىق ارقىلى ءوزارا ءبىر - ءبىرىن تولىقتاۋ ءورىسىن كەڭەيتىپ، ءوزارا تيىمدىلىك جەتكىزىپ، ورتاق يگىلىكتەنۋدى جەبەۋى ءتيىس. ەكى جاق ەركىن ساۋدا كەلىسىمى كەلىسسوزىن ەرتەرەك باستاپ، ەكى ەلدىڭ ساۋدا ورەسىن جوعارىلاتىپ، ەنەرگيا بايلىعى، وسى زامانعى اۋىل شارۋاشىلىعى، تازا تەحنيكا قاتارلى سالاداعى ناقتىلى سەلبەستىكتى شىنايى ىلگەرىلەتۋى كەرەك. جۇڭگو جاق كانادا جاقپەن وقۋ - اعارتۋ، مادەنيەت، جاستار، ساياحات، قار - مۇز دەنە تاربيەسى قاتارلى سالاداعى بارىس - كەلىس پەن سەلبەستىك كولەمىن كەڭەيتىپ، جۇڭگو مەن كانادا قاتىناسىنىڭ قوعامدىق جانە حالىق تىلەگى نەگىزىن بەكەمدەۋدى قالايدى. تاراپتار كوپ جاقتى ىستەردەگى سايكەسۋ مەن جاناسۋدى كۇشەيتىپ، ب م ۇ - نىڭ بەدەلىن ورتاق قورعاۋى، كليمات وزگەرىسى قاتارلى الەمدىك ماسەلەلەرگە بەلسەنە توتەپ بەرۋى كەرەك.
  جونستون بىلاي دەدى: كانادا مەن جۇڭگو دوستىعىنىڭ تاريحى وتە وزاق، حالىقتار اراسىنداعى دوستىق بارىس - كەلىس بارعان سايىن قويۋلاسۋدا. كانادا جۇڭگونىڭ باياندى دامۋ، كەدەيلەردى ازايتۋ، قورشاعان ورتانى قورعاۋ، عىلىم - تەحنيكا قاتارلى سالالاردا قول جەتكىزگەن وراسان زور جەتىستىكتەرىن جوعارى باعالايدى. كانادا جاق جۇڭگو جاقپەن جوعارى جىكتەگىلەردىڭ بارىس - كەلىسىن نىعايتۋدى، ەكونوميكا - ساۋدا، عىلىم - تەحنيكا، دەنە تاربيە قاتارلى سالالارداعى بارىس - كەلىس پەن سەلبەستىكتى كۇشەيتۋدى، حالىقارالىق جانە وڭىرلىك ىستەردەگى ءتۇسىنىسۋ مەن سايكەسۋدى قويۋلاتۋدى قالايدى.

  كەزدەسۋدەن كەيىن، شي جينپيڭ مەن جونستون ەكى ەلدىڭ مادەنيەت، دەنە تاربيە قاتارلى سالالارداعى سەلبەستىك حۇجاتىنا قول قويىلۋىنا كۋا بولدى.

ءان الەمى

جول توسىلىپ قالدى

تۇلپارىم