جاڭا حابارلار

اۆتونوميالى رايوندىق دەنە-تاربيە مەكەمەسىنىڭ مارالباسى اۋدانى الاعىر اۋىلى ءيچيان قىستاعىنداعى قىزمەت اتىرەتىندەگىلەر قىستاق ديحاندارىنىڭ قينشىلىعىن شەشۋىنە بەلسەنە كومەكتەستى

    كەلۋ قاينارى: شينجياڭ حالىق راديو ىستانسياسى    2017-07-17 12:24:27  
ستانسيامىزدىڭ ءتىلشىسى ما گولەي مەن ەرىكتى ءتىلشى شيا پانپاننىڭ حابارىن تىڭداڭىزدار: اۆتونوميالى رايوندىق دەنە-تاربيە مەكەمەسىنىڭ مارالباسى اۋدانى الاعىر اۋىلى ءيچيان قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتى قىستاقتا تۇرۋ قىزمەتىن ورىستەتكەننەن بەرى، قىستاق ديحاندارىنىڭ قينشىلىعىن شەشۋىنە بەلسەنە كومەكتەستى.
مارالباسى اۋدانى الاعىر اۋىلى ءيچيان قىستاعىنىڭ ديحانى حايرگۇل اۋىتتىڭ ۇيىندە، ونىڭ جاقىندا شيپاحانادان شىققان كەنجە ۇلى عيني راحمان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتىندەگىلەردىڭ ۇيىنە كەلگەنىن كورىپ، قۋانعاننان ولارعا العىس جاۋدىردى.بيىل 10 جاسار عيني راحىمان تۋما جۇرەك اۋرۋىنا شالدىققان بولاتىن، وتباسىنىڭ شارت-جاعدايى ناشار بولعاندىقتان، تۇبەگەيلى ەمدەلە الماعان-ەدى.قىزمەت اترەتىندەگىلەر وتباستارىن ارالاۋ بارىسىندا، وسى احۋالدى بايقاپ، كىشكەنتاي عينيعا كومەكتەسىپ، ءۇرىمجى قالاسىنداعى ماماندارمەن حابارلاسىپ، وعان وپەراتسيا جاساتۋدان سىرت، شيپاحانامەن سايكەسىپ، ونىڭ 45 مىڭ يۋان ەمدەۋ اقىسىن كەشىرىم ەتتى.عينيدىڭ شەشەسى حايرگۇل اۋىت:قىزمەت اترەتى كەلگەننەن كەيىن، بالامدى اۋە ارمياسى شيپاحاناسىنا اپارىپ، وپەراتسيا جاساتتى، وتباسىمىزداعى باستى قيىنشىلىعىمىز ولاردىڭ كومەگىندە شەشىلدى، ولارعا ەرەكشە راحىمەت ايتامىن،-دەدى.
اۆتونوميالى رايوندىق دەنە-تاربيە مەكەمەسىنىڭ مارالباسى اۋدانى الاعىر اۋىلى ءيچيان قىستاعىندا تۇرعان قىزمەت اترەتىنىڭ باستىعى ءالىمجان احىمەت، قىستاقتاعى قينشىلىعى بار وتباستارىنىڭ شيپاحاناعا بارىپ، ناۋقاس كورسەتۋگە، بالالارىن وقىتۋعا قارجىسى جەتپەۋ سياقتىلار كوپشىلىك كوڭىل بولگەن ءتۇيىندى ماسەلە ەكەنىن، قىزمەت اترەتىندەگىلەر وتباستارىمەن ارالاسۋ بارىسىندا، قىستاق ديحاندارى كەزدەسكەن قيىن ماسەلەلەردى مۇقيات ۇعىسىپ، كوپشىلىكتىڭ قينشىلىعىن شەشۋگە بار كۇشىن سالعانىن ايتا كەلىپ، بىلاي دەدى:قىزمەت اترەتىندەگىلەر ديحاندار العا قويعان ءاربىر ماسەلەگە تۇگەل ەرەكشە ءمان بەرىپ، ديحاندارىنىڭ بارلىق قاجەتىن ماڭىزدى قىزمەت رەتىندە مىقتى يگەردى.

بەرىپ كەت ورامالىڭدى

دوستار

الىستاعى اق ەركە