باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«زور وزگەرىس − شينجياڭ جاستار ماي بوياۋلى سۋرەت كورمەسى» اشىلدى

    كەلۋ قاينارى: شينجياڭ گازەتى    2017-07-19 18:50:33  

5-كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ قوعامدىق قيمىلى

 ءتىلشىمىز لي لي 18 - شىلدەدە ۇرىمجىدەن حابارلايدى. 5 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ 5 تۇردەگى قوعامدىق قيمىلىنىڭ ءبىرى − «زور وزگەرىس − شينجياڭ جاستار ماي بوياۋلى سۋرەت كورمەسى» 18 - شىلدە تۇستەن بۇرىن ءۇرىمجى قالالىق اسەمونەر سارايىندا اشىلدى.
  «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» نەگىزگى تاقىرىپ ەتىلگەن سۋرەت كورمەسىندە شينجياڭدىق جاس سۋرەتشىلەردىڭ ماي بوياۋلى تۋىندىسىنان 90ى جانە ەرەكشە ۇسىنىس ەتىلگەن ماي بوياۋلى سۋرەت تۋىندىسىنان 8ى كورمەگە قويىلدى. وندا ءداستۇرلى ادام سۋرەتى، تابيعات سۋرەتى، زات سىزباسى بولۋمەن بىرگە، اۆتوردىڭ ويلانىپ - تولعانۋ نەگىزىندە جاراتقان ابستراكت سۋرەتى دە بار. بۇل رايونىمىزداعى ءار ۇلت جاس ماي بوياۋلى سۋرەتشىلەردىڭ سوڭعى جىلدارى جاراتقان ەڭ جاڭا جاسامپازدىق جەتىستىكتەرىن شوعىرلى ايگىلەدى.
  شينجياڭ سۋرەت اكادەمياسىنىڭ ورىنباسار باستىعى، شينجياڭ ماي بوياۋلى سۋرەتشىلەر قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ لەيجىن: سوڭعى جىلدارى رايونىمىزداعى ءار ۇلت سۋرەتشىلەرى حالىقتى وزەك ەتۋدەي جاسامپازدىق باعىتىنا سانالىلىقپەن تاباندى بولىپ، تيانشاننىڭ تۇستىگى مەن تەرىستىگىن، ءشول دالانى، جاسىل القاپتى، ءۇستىرت پەن ويپاتتاردى ارالاپ، تۋىندى جاراتىپ، وزدەرىنىڭ ءداۋىر، قوعام، شەكارا ءوڭىر، اتا مەكەن، ءوزى جونىندەگى تانىمدارىن جانە تەرەڭ اسەرىن تولىق ايگىلەدى، - دەدى.
  سۋرەت كورمەسىنىڭ اشىلۋ سالتىندا وسى جولعى سۋرەت كورمەسىندە سيلىققا يە بولعانداردىڭ ەسىمدىگى جاريالاندى. فىڭ يۇي قاتارلى 4 ادام كوركەمونەر سيلىعىنا، حۋاڭ گاڭ قاتارلى 7 ادام عىلمي سيلىققا، يىلزات ءدىلشات قاتارلى 17 ادام تاڭداۋلى تۋىندى سيلىعىن الدى.
  «زور وزگەرىس − شينجياڭ جاستار ماي بوياۋلى سۋرەت كورمەسىن» اۆتونوميالى رايوندىق مادەنيەت مەڭگەرمەسى باس بولىپ ۇيىمداستىرعان، شينجياڭ سۋرەت اكادەمياسى مەن شينجياڭ ماي بوياۋلى سۋرەتشىلەر قوعامى ۇستىنە الىپ وتكىزگەن. كورمە ءبىر اپتاعا جالعاسادى.

ءان الەمى

جول توسىلىپ قالدى

تۇلپارىم