باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمدەۋ سالاسىنداعى ەرەجەگە قايشى 12 تيىپتىك ماسەلەنى جالپى حابارلاندىردى

    كەلۋ قاينارى: شينجياڭ حالىق راديو ىستانسياسى    2017-07-19 20:02:39  
ستانسيامىزدىڭ حابارى: جۋىقتا، اۆتونوميالى رايوندىق ءتارتىپ تەكسەرۋ كوميتەتى جۋىردا تەكسەرىلىپ ءبىر جايلى ەتىلگەن كەدەيلەردى سۇيەمدەۋ سالاسىنداعى ەرەجەگە قايشى 12 تيىپتىك ماسەلەنى جالپى حابارلاندىردى، وسى 12 ماسەلە مىنالار:
1. يانجي اۋدانى چيگىشيڭ قالاشىعى پارتكومىنىڭ بۇرىنعى شۋجيى گى جيانفىڭنىڭ بەيقۇت ءۇي سالىپ حالىقتى اۋقاتتاندىرۋ كومەك قاراجاتىن يەمدەنىپ الۋ ماسەلەسى. 2015-جىلى ءىشىنارا ديحانداردىڭ ۇيلەرىنىڭ ناقتى قۇرىلىس مولشەرى كومەك قاراجات بەرۋ ولشەمىنەن تومەن بولعان جاعدايدا، گى جيانفىڭ ءارءبىر ديحان وتباسىنان 18 مىڭ 500 يۋاندىق قۇرىلىس سالۋ باعاسى بويىنشا قۇرىلىستى كوتەرمەگە الۋشى جاقپەن جالعان ينجەنەريا توقتامىن جاساسۋدى تالاپ ەتتى. وسى قالاشىقتىڭ بەيقۇت ءۇي سالىپ حالىقتى اۋقاتتاندىرۋ ۇيلەردى كەڭەيتىپ سالۋ ينجەنەرياسىندا، گىڭ جيانفىڭ شيە x تىڭ قۇرىلىس مولشەرىن جالعان مالىمدەۋ، ينجەنەريا قاراجاتىن جالعان ارتتىرۋ سياقتى تاسىلدەرمەن ديحانداردى اۋقاتتاندىرىپ بەيقۇت ءۇي سالۋ كومەك قاراجاتىنان 132 مىڭ 500 يۋاندى الداپ الىپ، ونى شيە x تىڭ ۋاكىلدىك رەتىندە ساقتاپ، گى جيانفىڭنىڭ جۇمساۋىنا بەرۋدى تاپسىرادى. 2017-جىلى ساۋىردە، گى جيانفىڭگە پارتيادان ايداۋ، قىزمەتىنەن ايداۋ جازاسى بەرىلىپ، قىلمىس وتكىزۋگە قاتىستى ماسەلەلەر دەرەگى ءادىليا ورگانىنىڭ زاڭ بويىنشا ءبىر جايلى ەتىلۋىنە تاپسىرىلدى.
2. ءپىشان اۋدانى ءپىشان اۋىلى ماچاڭ قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ مەڭگەرۋشىسى وبۇل حابيبولدىڭ بەيقۇت ءۇي سالىپ حالىقتى اۋقاتتاندىرۋ كومەك قاراجاتىن الداپ الۋ سياقتى ماسەلەلەرى. 2012-جىلدان 2013-جىلعا دەيىن، وبۇل حابيبول بەيقۇت ءۇي سالىپ حالىقتى اۋقاتتاندىرۋ قىزمەتىنە جاۋاپتى بولۋ قىزمەت قولايلىلىعىنان پايدالانىپ، بەيقۇت ءۇي سالىپ حالىقتى اۋقاتتاندىرۋ كومەك قاراجاتىنان 114 مىڭ يۋاندى الداپ الدى. 2017-جىلى ساۋىردە، وبۇل حابيبولعا پارتيادان ايداۋ جازاسى بەرىلىپ، قىلمىس وتكىزگەن ماسەلە دەرەكتەرى ءادىليا ورگانىنىڭ زاڭ بويىنشا ءبىر جايلى ەتىلۋىنە تاپسىرىلدى.
3. گۇما اۋدانى گۇما قالاشىعى پارتكومىنىڭ بۇرىنعى ورىنباسار شۋجيى، قالاشىق باستىعى ءابىلىميت ءابدىقادىردىڭ كەدەيلەردى سۇيەمەلدەۋ قاراجاتىن الداپ الۋ سياقتى ماسەلەلەرى. ءابىلىميت ءابدىقادىر كەدەيلەردى سۇيەمەلدەۋ مال جانە ءۇي قۇستارى تۇقىمىن ساتىپ الۋ نىسانىندا، قول استىنداعىلاردىڭ قامداۋشى جاقتان 467 مىڭ 500 يۋان پارا الۋىنا تيداۋ سالمادى جانە ءۇنسىز رۇحسات ەتتى؛ حالىققا تيىمدىلىك جاساۋعا بەرىلگەن 826 مىڭ 500 يۋان قاراجاتتى الداپ الدى، ءارى 376 مىڭ 500 يۋاندى ءوزى يەمدەنىپ الدى. 2017-جىلى ساۋىردە ءابىلىميت ءابدىقادىرعا پارتيادان ايداۋ، قىزمەتتەن ايداۋ جازاسى بەرىلىپ، قىلمىس وتكىزگەن ماسەلە دەرەكتەرى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
4. نيە اۋدانى سالعويزەك اۋىلدىق پارتكومىنىڭ بۇرىنعى مۇشەسى، حالىقتىق قارۋلى ءبولىمىنىڭ باستىعى بارات ماتسالەمنىڭ بەيقۇت ءۇي سالىپ حالىقتى اۋقاتتاندىرۋداعى كومەك قاراجاتىن يەمدەنىپ الۋ ماسەلەسى. 2012-جىلى مامىردا، بارات ماتسالەم بەيقۇت ءۇي سالۋعا قاجەتتى 3 توننا بولات شىبىقتى 10 مىڭ يۋاندىق باعامەن وزگەگە ساتىپ بەردى. 2013-جىلى تامىزدان 2016-جىلى اقپانعا دەيىن، وسى اۋىل پارتكومىنىڭ ورىنباسار شۋجيى، اۋىل باستىعى ا x پەن استاسىپ بەيقۇي ۇيلەردى اقتاۋ، بولات شىبىقتى مانەرلەۋ، اسحانا، تازالىق ءۇيى جابدىقتارىن ساتىپ الۋ سياقتىلاردىڭ باعاسىن الباتى ورلەتىپ، ارادا 66 مىڭ يۋان پارا الدى. 2017-جىلى مامىردا بارات ماتسالەمگە پارتيادان ايداۋ، قىزمەتىنەن ايداۋ جازاسى بەرىلىپ، قىلمىس وتكىزگەن ماسەلە دەرەكتەرى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
5. قاشقار قالالىق مال شارۋاشىلىق مال شيپاگەرلىك مەكەمەسى پارتيا ياچەيكاسىنىڭ بۇرىنعى شۋجيى، ورىنباسار مەكەمە باستىعى وسىمانجان ياسىننىڭ كەدەيلەردى سۇيەمەلدەۋ نىسانىن الباتى وزگەرتۋ ماسەلەسى. 2016-جىلى وسى مەكەمە كەدەيلەردى دالمە-ءدال سۇيەمەلدەپ اسىل تۇقىمدى مالدى جالپىلاستىرۋداعى كومەك نىسانىن اتقارۋ بارىسىندا، نىساندى اتقاراتىن ورىننىڭ ءاربىر وتباسىنا سايكەستى بەرەتىن 3 مىڭ 300 يۋانىن ءوز بىلگەنىنشە ديحانداردىڭ ءوزى توپتاۋىنا وزگەرتىپ، 180 كەدەي وتباسى اقشا توپتاۋعا شاماسى جەتپەگەندىكتەن كەدەيلەردى سۇيەمەلدەۋ قاراجاتىنان يگىلىكتەنە المادى. 2017-جىلى ساۋىردە وسىمانجان ياسىنعا پارتيادان ايداۋ، اكىمشىلىك مىندەتىنەن قالدىرۋ جازاسى بەرىلدى.
6. تەكەس اۋدانى كوكتەرەك اۋىلى كوكتەرەك قىستاق تۇرعىندار كوميتەتىنىڭ بۇرىنعى ورىنباسار مەڭگەرۋشىسى باعدات ءالىمجان ۇلىنىڭ ەرەجەگە قايشى كومەك قاراجاتىنان يگىلىكتەنۋ ماسەلەسى. 2010-جىلى باعدات ءالىمجان ۇلى ەرەجەگە قايشىلىق جاساپ ءوز اتىمەن مالشىلاردىڭ وتىرىقتانۋىنا بەرىلەتىن 42 مىڭ 900 يۋان كومەك قاراجاتىنان يگىلىكتەندى. 2017-جىلى ساۋىردە باعدات ءالىمجان ۇلىنا پارتيادان ايداۋ جازاسى بەرىلدى.
7. اقسۋ قالاسى توپلۇق اۋىلى قارايانتاق قىستاعى پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ مەڭگەرۋشىسى اكبار وشىردىڭ كەدەيلەردى سۇيەمەلدەۋ قارجىسىن، زاتىن يەمدەنىپ الۋ ماسەلەسى. 2012-جىلى مامىردا، اكبار وشىر قىستاق تۇرعىندارى سالعان بەيقۇت ءۇيدى ءوز بەتىمەن ساتىپ، ءۇي ساتقان 15 مىڭ يۋاندى ءوزى يەمدەنىپ العان؛ 2013-جىلى اقپاندا، وسى قىستاقتىڭ وپپاسىز توعانىن وزگەرتۋ ينجەنەرياسىندا، ديحانداردىڭ جەمىس باقشاسىنا تولەم رەتىندە بەرىلگەن قۇنى 16 مىڭ 300 يۋاندىق 99 قالتا حيميالىق تىڭايتقىشتى يەمدەنىپ العان؛ 2014-جىلى مامىردا، مەملەكەتتىڭ كەدەيلەردى سۇيەمدەلدەۋگە تەگىن تاراتقان 30 قالتا حيميالىق تىڭايتقىشتى 3 مىڭ يۋانعا وسى قىستاقتىڭ تۇرعىندارىنا ساتىپ بەرگەن. 2017-جىلى ساۋىردە، اكبار وشىرعا پارتيادان ايداۋ جازاسى بەرىلدى.
8. يوپۇرعا اۋدانى اشمە قالاشىعى 6-قىستاعى تۇرعىندار كوميتەتىنىڭ بۇرىنعى ورىنباسار مەڭگەرۋشىسى ابدۇرەيىم توحتىنىڭ جانە ونىڭ تۋىس-تۋعاندارىنىڭ تومەن كىرىستەگىلەردىڭ تۇرمىسىن قامتاماسىزداندىرۋ اقىسىن بەلگىلەمەگە قايشىلىق جاساپ الۋ ماسەلەسى. 2016-جىلى شىلدەدەن باستاپ، ابدۇرەيىم توحتى وتباسىنداعى 8 ادام جانە ونىڭ تۋىس-تۋعاندارىنان 21 ادام تومەن كىرىستەگىلەردىڭ تۇرمىسىن قامتاماسىزداندىرۋ اقىسىنان 58 مىڭ 700 يۋاندى بەلگىلەمەگە قايشىلىق جاساپ العان. 2017-جىلى ساۋىردە، ابدۇرەيىم توحتىعا پارتيادان ايداۋ جازاسى بەرىلدى.
9. باعراش اۋدانى شەكىننۇر اۋىلى سايعانودۇن قىستاعى پارتيا ياچەيكاسىنىڭ بۇرىنعى ورىنباسار شۋجيى، قىستاق تۇرعىندار كوميتەتىنىڭ ورىنباسار مەڭگەرۋشىسى دارماننىڭ تومەن كىرىستەگىلەردىڭ تۇرمىسىن قامتاماسىزداندىرۋ اقىسىن بەلگىلەمەگە قايشىلىق جاساپ تاراتۋ ماسەلەسى. 2014-جىلى، دارمان قىزمەت قولايلىلىعىنان پايدالانىپ، بالدىزىنىڭ شارتقا ۇيلەسپەيتىن قىزىن تومەن كىرىستەگى تۇرمىسى قامتاماسىزداندىرىلاتىنداردىڭ كولەمىنە ەنگىزىپ، وعان اۋىل-قىستاقتىڭ تومەن كىرىستەگىلەردىڭ تۇرمىسىن قامتاماسىزداندىرۋ اقىسىنان 6 مىڭ 200 يۋان كومەك قاراجاتتى بەلگىلەمەگە قايشىلىق جاساپ تاراتقان. 2017-جىلى ماۋسىمدا دارمانعا پارتيا ىشىندە قاتاڭ ەسكەرتۋ جازاسى بەرىلدى.
10. كۇشار اۋدانى قانىقاتام اۋىلى سايارىق قىستاعىنىڭ كاسسرى سۇلتان كەۋىردىڭ كومەك قاراجاتتى يەمدەنۋ ماسەلەسى. 2016-جىلى ماۋسىمدا، سۇلتان كەۋىر كومەك قاراجاتتى تاراتۋ بارىسىندا، ا X سياقتى 5 ديحاننىڭ 22 مىڭ 500 يۋاندىق كومەك قاراجاتىن ءوز بەتىمەن تارتىپ قالىپ، ءوزىنىڭ تۇرمىستىق شىعىنىنا پايدالانعان. 2017-جىلى مامىردا، سۇلتان كەۋىرگە پارتيا ىشىندە قاتاڭ ەسكەرتۋ جازاسى بەرىلدى.
11. جىڭ اۋداندىق مۇگەدەكتەر بىرلەستىگىنىڭ القا باستىعى ءابدۇروسۇل عالىپتىڭ مۇگەدەكتەردى سۇيەمەلدەۋ نىسانى قارجىسىن ءوز بەتىمەن وزگەرتۋ ماسەلەسى. 2015-، 2016-جىلدارى، ءابدۇروسۇل عالىپ «10 مىڭ قىستاق، مىڭ اۋىلدىڭ بازار ينجەنەرياسىنىڭ» مۇگەدەكتەردى سۇيەمەلدەۋ نىسانىندا، ارناۋلى قارجىنىڭ پايدالانىلاتىن جەرى مەن قوسىمشا قاراجات ولشەمىن قالاعانىنشا وزگەرتىپ، دەلوعا سايعان سوما 85 مىڭ يۋان بولعان. 2017-جىلى ماۋسىمدا، ءابدۇروسۇل عالىپقا پارتيا ىشىندە ەسكەرتۋ، اكىمشىلىك ەسكەرتۋ جازاسى بەرىلدى.
12. اقشي اۋدانى اقشي قالاشىعى پارتكومىنىڭ مۇشەسى، ورىنباسار قالاشىق باستىعى ۋاڭ مينجيەنىڭ كەدەيلەردى سۇيەمەلدەۋ قارجىسىن باسقاعا جۇمساۋ ماسەلەسى. 2015-جىلى قازاندا، ۋاڭ مينجيە وسى قالاشىقتاعى ءتۇيىندى بۇقارانىڭ 88 مىڭ 200 يۋاندىق مال باعىمشىلىعى نىسانى قاراجاتىن ءوز بەتىمەن باسقاعا جۇمساپ، ونى كەڭسە ىسىنە پايدالانىلاتىن كومپيۋتەر سياقتىلاردى ساتىپ الۋعا جۇمساعان. 2017-جىلى ناۋرىزدا، ۋاڭ مينجيەگە پارتيا ىشىندە ەسكەرتۋ جازاسى بەرىلدى.
اۆتونوميالى رايوندىق ءتارتىپ تەكسەرۋ كوميتەتى مىنانى تالاپ ەتتى: رايونىمىزدىڭ ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى جانە قالىڭ ءتارتىپ تەكسەرۋ، باقىلاۋ-تەكسەرۋ كادرلارى ساياسي تۇرعى مەن ساياسي سانالىلىقتى اناعۇرلىم جوعارىلاتىپ، ءتارتىپتى اتقارۋ جاۋاپكەرلىگىن قۋزاۋدى-باقىلاۋدى كۇشەيتىپ، كەدەيلىكتەن قۇتىلۋدان قامال الۋ شايقاسىندا جەڭىسكە جەتۋگە ءتارتىپ جاعىندا بەرىك كەپىل بولۋ كەرەك. ماسەلە باعدارىنا تاباندى بولىپ، كەدەيلەردى سۇيەمەلدەۋ سالاسىن «4 بۇرىس ستيل» مەن جەمقورلىق ماسەلەسىن ارالاپ تەكسەرۋدىڭ، اشىق تەكسەرىپ، جاسىرىن ءجاي-جاپسار ۇعىسۋدىڭ ءتۇيىندى مازمۇنى ەتۋ ءتيىس. جاۋاپكەرلىكتى قاتاڭ قۋزاستىرىپ، جاۋاپكەرلىكتى قۋزاستىرۋ ارقىلى كەدەيلەردى سۇيەمەلدەۋ سالاسىنداعى «ەكى جاۋاپكەرلىكتى» تياناقتاندىرۋ قاجەت. تارتىپكە قايشىلىق جاساۋ رەتى مەن سانىن اشىق حابارلاپ اشكەرەلەۋدى كۇشەيتىپ، كەدەيلىكتەن قۇتىلۋدان قامال الۋ شايقاسىندا جەڭىسكە جەتۋگە تاماشا جاعداي جاراتۋ كەرەك.
ءان الەمى

جول توسىلىپ قالدى

تۇلپارىم