جاڭا حابارلار

اقسۋ ايماعى كەدەي وتباستارىن جۇمىسقا ورنالاسىپ، كىرىسىن ارتتىرۋعا باستادى

    كەلۋ قاينارى: شينجياڭ حالىق راديو ىستانسياسى    2017-07-21 17:56:06  
ستانسيامىزدىڭ ءتىلشىسى ايبىنحازى راحىمان ۇلى مەن اقسۋ راديو ستانسياسىنىڭ ءتىلشىسى لي پۋدىڭ حابارىن تىڭداڭىزدار: اقسۋ ايماعى «ءجۇز كاسىپورىن ءجۇز قىستاققا كومەكتەسۋ» اتىنداعى كەدەيلەردى دالمە-ءدال سۇيەمەلدەۋ قيمىلىن بەلسەنە ورىستەتىپ، «ءبىر كاسىپورىن ءبىر قىستاققا كومەكتەسۋ»، «كوپ كاسىپورىن بىرلەسىپ ءبىر قىستاققا كومەكتەسۋ»، «كاسىپورىن كەدەي وتباستارىمەن بايلانىس جاساۋعا جاۋاپتى بولۋ» سياقتى فورمادان پايدالانىپ، كەدەي وتباستارىن جۇمىسقا ورنالاسىپ، كىرىسىن ارتتىرۋعا باستادى.
تۇستەن بۇرىن ساعات 10 دا، توقسۋ اۋدانى تاسارىق اۋىلى عاز ءمالى قىستاعىنىڭ ديحانى ايگۇل ازەز جيان-يىڭ توقىما فبريكاسىنىڭ جىڭىشكە ءجىپ ءيىرۋ سەحنا ۋاعىندا بارىپ، ءبىر كۇندىك قىزمەتىن باستادى، ءدال وسى كەز ءوندىرىستىڭ قاۋىرت مەزگىلى، ول كۇندە قاربالاس بولعانىمەن، وتە كوڭىلدى. وتكەن جىلى ساۋىردە، توقسۋ اۋدانى جيان-يىڭ توقىما فابريكاسى «ءجۇز كاسىپورىن ءجۇز قىستاققا كومەكتەسۋ» قيمىلىنا ءۇن قوسىپ، عاز ءمالى قىستاعىمەن سەلبەسىپ، ايگۇل ازەز سياقتى قىستاقتاعى ءبىر توپ ديحاندى توقىما فبريكاسىنا قابىلدادى، ولار توقىما فبريكاسىنىڭ جۇمىسشىسىنا اينالدى، قازىر ايگۇل ازەز كەدەي وتباسى قالپاعىن الىپ تاستادى، تۇرمىسى بارعان سايىن جاقساردى. ول: العاش كەلگەندە ەشتەمە بىلمەيتىنمىن، كاسىپتەستەرىمنىڭ جەتەلۋىندە، بىرتىندەپ كوپتەگەن تەحنيكانى يگەردىم، قازىر تۇراقتى كىرسىم بار، وتباسىمنىڭ ەكونوميكالىق قينشىلىعى دا شەشىلدى،-دەدى.
مۇنان سىرت، جەرگىلىكتى قىستاق ديحاندارى تاعى جارنا قوسۋ، كاسىپورىنعا قارجىسىمەن قوسىلۋ فورماسىمەن كاسىپورىننىڭ «جارنا يەگەرىنە» اينالىپ، جىل سوڭىندا پايدا بولىسىنە يە بولدى. توقسۋ اۋدانى جيان-يىڭ توقىما فابريكاسىنىڭ باس مەڭگەرۋشىسى ۋاڭ شۋلي بىلاي دەدى: قولدارىنداعى ارتىق قارجىدان پايدالانىپ، ولاردى كاسىپورىنعا قارجىسىمەن قابىلدادىق، كاسىپورىن جىل سايىن جىلدىق كىرىستىڭ %15 تى بويىنشا ولارعا پايدا ءبولىسىن بەرەدى، وسى فورمادان پايدالانىپ، ولاردىڭ كەدەيلىكتەن ەرتەرەك قۇتىلۋىنا كومەكتەستىك.
اقسۋ ايماعىندا، وسى تەكتەس كاسىپورىننىڭ ەرەكشەلىگىن ساۋلەلەندىرىپ، قىستاق ديحاندارىن جۇمىسقا ورنالاسىپ كىرىسىن ارتتىرۋعا باستاعان مىسالدار وتە كوپ. شينجياڭ لۋتاي مول ءونىم الۋ ماقتا كاسىبى شەكتى جاۋاپكەرلىك سەرىكتەستىگى اۋات اۋدانىنىڭ ماقتا بايلىعى باسىمدىعىنان پايدالانىپ، اۋىل-قالاشىقتا توقىما فابريكاسى مەن ساپالى ماقتا ءوندىرۋ بازاسىن قۇردى، «كاسىپورىن ـــ بازا ــ ديحان وتباسى سەلبەسۋ» فورماسى بويىنشا، سەرىكتەستىك 3 مىڭ 500 ديحان وتباسىمەن اۋىل شارۋاشىلىق ونىمدەرىن ساتىپ الۋ-ساتۋ توقتامىنا قول قويۋمەن بىرگە، اۋىل-قىستاقتاعى ارتىق ەڭبەككۇشتەردى 630 قىزمەت ورنىمەن قامدادى. اۋات اۋدانى ايباق اۋىلى تومەنگى كەلپىن قىستاعىنىڭ ديحانى نۇرپاشا ۇسەن تيىمدىلىككە كەنەلۋشىنىڭ ءبىرى، قازىر جۇبايى ەكەۋى ايىنا 7 مىڭ يۋاننان ارتىق كىرىس كىرگىزەدى. ول: تۇرمىسىمىز كۇن سايىن جاقسارۋدا، جاڭا ءۇي سالىپ الدىق،-دەدى.
شينجياڭ لۋتاي مول ءونىم الۋ ماقتا كاسىبى شەكتى جاۋاپكەرلىك سەرىكتەستىگىنىڭ ورىنباسار باس مەڭگەۋرشىسى چىن تيانسى بىلاي دەدى: بيىل سەرىكتەستىگىمىز 100 مىڭ ۇرشىقتى تىڭنان كوبەيتىپ توقىماشىلىق كولەمىن كەڭەيتىپ، 600 ادامنىڭ جۇمىسقا ورنالاسۋ ماسەلەسىن شەشپەكشى، وسىلاي بولعاندا ءبىز «ءبىر ادامدى جۇمىسقا ورنالاستىرۋ ارقىلى، وتباسىن كەدەيلىكتەن قۇتىلدىرۋ» ماقساتىنا جەتە الامىز.
قازىرگە دەيىن، اقسۋ ايماعىنداعى حالىق باسقارۋىنداعى 210 كاسىپورىن 170 كەدەي قىستاقپەن سالالار بويىنشا كومەكتەسۋ قاتىناسىن ورناتىپ، جيىنى 13 ميلليون 990 مىڭ يۋان كەدەيلەردى سۇيەمەلدەۋ قارجىسىن قوستى، 52 مىڭ بۇقارا تيىمدىلىككە كەنەلدى.

بەرىپ كەت ورامالىڭدى

دوستار

الىستاعى اق ەركە