باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

5-كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ شىمىلدىعى ۇرىمجىدە اشىلدى

    كەلۋ قاينارى: شينجياڭ حالىق راديو ىستانسياسى    2017-07-21 18:00:32  
ستانسيامىزدىڭ تىلشلەرى حى في، ۋاڭ يىڭ حابارلايدى: تيانشان ۇلاندارى مىڭ بۇرالىپ، جىبەك جولىن شاتتىققا بولەدى. مادەنيەت مينيسترلىگى، مەملەكەتتىك كەڭەستىڭ اقپارات كەڭسەسى جانە شيجياڭ ۇيعۇر اۆتونوميالى رايوندىق حالىق ۇكىمەتى بىرلەسىپ وتكىزگەن 5-كەزەكتى جۇڭگو شينجياڭ حالىقارالىق ۇلتتىق ءبي فەستيۆالى 20-شىلدە كەشتە شينجياڭ حالىق سارايىندا شىمىلدىعىن اشتى.
مادەنيەت مينيسترلىگىنىڭ مينيسترى، وسى كەزەكتى ءبي فەستيۆالىن ۇيىمداستىرۋ كوميسسياسىنىڭ قۇرمەتتى مەڭگەرۋشىسى لو شۋگاڭ ارناۋ ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، وسى كەزەكتى ءبي فەستيۆالىن ۇيىمداستىرۋ كوميسسياسىنىڭ قۇرمەتتى مەڭگەرۋشىسى شوكىرات زاكىر ارناۋ ءسوزىن سويلەدى ءارى ءبي فەستيۆالىنىڭ باستالعاندىعىن جاريالادى. ورتالىق پەن مەملەكەتتىڭ قاتىستى مينيسترلىك-كوميتەتتەرىنىڭ، تۋىسقان ولكە، قالالاردىڭ جانە اۆتونوميالى رايوننىڭ باسشلارىنان نايىم ياسىن، ءسۇي يۇييىڭ، جاۋ سۋپيڭ، مىڭ دىلي، ءشۇي حايرۇڭ، ەركىن تۋنياز، مانەن زەينەل ۇلى، گۇلشات ابدىقادىر، لي شينميڭ سياقتى كىسىلەر قاتىناستى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن باستالۋ سالتىن باسقاردى.
لو شۋگاڭ ارناۋ سوزىندە بىلاي دەدى: جۇڭگو شينجياڭ حالىقارالىق ۇلتتىق ءبي فەستيۆالى «ءبىر بەلدەۋ، ءبىر جول» بويىندا سىرتپەن مادەنيەت جاعىندا اۋىس-كۇيىس جاسايتىن ماڭىزدى تەكشە بولىپ، 4 كەزەك ءساتتى وتكىزىلىپ، شينجياڭنىڭ تاماشا وبرازىن ايگىلەيتىن، سىرتپەن كوركەمونەر اۋىس-كۇيىسىن جاسايتىن تاماشا ايگىلى ماركاعا اينالدى. قوعامنىڭ ءار سالاسىنداعىلاردىڭ ورتاق قۇلشىنۋىندا، ءبي فەستيۆالىنىڭ بارعان سايىن جاقسى وتكىزىلىپ، حالىقارالىق دەڭگەيدى، ۇلتتىق ەرەكشەلىكتى، جالپى حالىق ورتاق لازاتتاناتىن سالتاناتتى مادەنيەت جينالىسىنا اينالاتىندىعىنا، شينجياڭنىڭ قوعام ورنىقتىلىعى مەن باياندى تىنىشتىعىن تىڭعىلىقتى ىلگەرىلەتۋ، «ءبىر بەلدەۋ، ءبىر جول» بويىنداعى ەلدەردەگى حالىقتىڭ تىلەگىن توعىستىرۋدى جەبەۋ، «ءبىر بەلدەۋ، ءبىر جول» قۇرىلىسىن وركەنيەت جولى ەتىپ قۇرىپ شىعۋ ءۇشىن بەلسەندى ۇلەس قوساتىندىعىنا سەنىمىمىز كامىل.
شوكىرات زاكىر ارناۋ سوزىندە اۆتونوميالى رايوندىق پارتكوم، حالىق ۇكىمەتى اتىنان، وسى كەزەكتى ءبي فەستيۆالىنا قاتىناسۋعا كەلگەن ورتالىق پەن مەملەكەتتىڭ قاتىستى مينيسترلىك-كوميتەت باسشىلارىن جانە الىستان ات ارىتىپ كەلگەن سيلى قوناقتاردى قىزۋ قارسى الاتىندىعىن ءبىلدىردى. شوكىرات زاكىر بىلاي دەدى: جۇڭگونىڭ شينجياڭى ازيا-ەۆروپا ۇلى قۇرىلىعىنىڭ كىندىگىندە، بايىرعى جىبەك جولىنىڭ ماڭىزدى جولى، ءار ۇلتتىڭ كوشىپ-قونىپ توعىساتىن ءدالىزى، سان-سالالى مادەنيەتتىڭ جانە شىعىس پەن باتىس مادەنيەتىنىڭ توعىسقان جەرى. ۇزاق تاريح كوشىندە، وسى بايتاق دالادا ءومىر سۇرگەن ءار ۇلت حالقى مۋزيكا، ءبي مادەنيەتىن قامتىعان وزگەشە ەرەكشەلىككە يە تاماشا ۇلت مادەنيەتىن قالىپتاستىرىپ، جۇڭحۋا ۇلتىنىڭ تاماشا مادەنيەتىنىڭ ماڭىزدى قۇرامداس بولەگىنە اينالدى. «ءبىر بەلدەۋ، ءبىر جول» دارىپتەمەسىنىڭ تانىمنان ارەكەتكە، بولجامنان رەالدىققا اينالۋىنا ساي، جۇڭگونىڭ شينجياڭىنىڭ بولاشاقتا كوپ ورايعا يە بولىپ، ەلىمىزدىڭ قۇرىلىق ءۇستى جىبەك جولى ەكونوميكالىق بەلدەۋىنىڭ ماڭىزدى تۇيىنىنە اينالىپ، جۇڭگو شينجياڭ حالىقارالىق ۇلتتىق ءبي فەستيۆالىنىڭ دا «ءبىر بەلدەۋ، ءبىر جولداعى» مادەنيەت جولىن قۇرۋ بارىسىندا ۇزبەي كوز تارتارلىق جاڭا ساۋلە شاشاتىندىعى داۋسىز.
ىلە-شالا، جۇڭگو مەن شەتەل قوناقتارى جانە 2 مىڭنان ارتىق ءار ۇلت كورەرمەنى «شۇعىلاعا بولەنگەن ءبي» اتتى كونسەرتتى تاماشالادى.
وسى رەتكى ءبي فەستيۆالىنىڭ تاقىرىبى-«جۇڭگو ارمانى-مىڭ بوياۋلى جىبەك جولى»، 20-شىلدەدەن 5-تامىزعا دەيىن، 10 نەشە ەل جانە رايوننان كەلگەن 20 نەشە جۇڭگو جانە شەتەلدىڭ كوركەمونەر ۇيىرمەسى ءۇرىمجىنىڭ 6 تەاترحاناسىندا كورەرمەندەرگە 60 نەشە رەت تاماشا كونسەرت بەرەدى. بۇدان سىرت، ينتەرنەتتىك ءبي ماۋسىمى، جۇڭحۋا تەاترى كوركەمونەر اپتالىعى، «زور وزگەرىس» اتتى شينجياڭ جاستارىنىڭ ماي بوياۋ كورمەسى، «ساۋساق ۇستىندەگى ونەر،قايتا تۋعان تۋىندى» اتتى شينجياڭ مادەني مۇرانى قالپىنا كەلتىرۋ جەتىستىگى كورمەسى جانە جۇڭگو جاس ناقىسشىلاردىڭ ويما ناقىش كورمەسى سياقتى قوسىمشا قيمىلدار وتكىزىلەدى.
ءان الەمى

جول توسىلىپ قالدى

تۇلپارىم