باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

«شۇعىلاعا بولەنگەن ءبي» اتتى كولەمدى مۋزيكالى ءبي جىرى كورەرمەندەردىڭ جان دۇنيەسىن ەرەكشە تەبىرەنتىپ، كوركەمونەردەن سۋسىنداتتى

    كەلۋ قاينارى: شينجياڭ حالىق راديو ىستانسياسى    2017-07-21 18:04:13  
ستانسيامىزدىڭ تىلشىلەرى حى في، ۋاڭ يىڭنىڭ حابارىن تىڭداڭىزدار: 5-كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ اشىلۋ سالتىندا قويىلعان «شۇعىلاعا بولەنگەن ءبي» اتتى كولەمدى مۋزيكالى ءبي جىرى كورەرمەندەردىڭ جان دۇنيەسىن ەرەكشە تەبىرەنتىپ، كوركەمونەردەن سۋسىنداتتى.
«شۇعىلاعا بولەنگەن ءبي» اتتى مۋزيكالى ءبي جىرىن شينجياڭ كوركەمونەر تەاترىنىڭ ءان ء-بي ۇيىرمەسى سياقتى جەرگىلىكتى ۇيىرمەلەر مۇقيات دايىنداعان، ءۇستىرتتى كەڭ ساحارا، ورمان مەن كول، ءشول دالا مەن قۇبا ءتۇز سياقتى ايبىندى كورىنىستەر ارقاۋ ەتىلىپ، ۇستىلەرىنە ءار ۇلتتىڭ ءداستۇرلى كيىمدەرىن كيگەن بيشىلەر اسەم بيگە باسىپ، ايبىندى ريتىمنىڭ سۇيەمەلدەۋىندە، كوپ ۇلتتىڭ ءان-ءبي كوركەمونەرىنىڭ تارتىمدىلىعىن بارىنشا ايگىلەپ، «ءان-ءبي مەكەنىندەگى » ادامداردىڭ ۇدىرە العا باساتىن، اناردىڭ دانىندەي تىعىز ۇيىسقان رۋحاني بەت-بەينەسىن كورسەتىپ، قالىڭ كورەرمەندەردىڭ كوز مەيىرىن قاندىردى. ستۋدەنت ليۋ حىڭ تىلشىگە وسى رەتكى ويىندى تاماشالاۋى جازعى دەمالىستاعى ەڭ زور تابىسى ەكەنىن ايتا كەلىپ بىلاي دەدى: «``سامعاۋ`` اتتى ءنومىردى قاتتى ۇناتتىم، وندا ەرلەردىڭ كۇش-قايراتى مەن سىمباتى ايگىلەنىپ، وتە تاماشا بەينەلەنگەن، قورتىپ ايتقاندا وتە تاماشا، كەلگەنىم وتە دۇرىس بولعان».
ويىن اياقتاعاندا، پولشادان كەلگەن 30 نەشە ەرەكشە ۇسىنىس ەتىلگەن سيلى قوناق ورىندارىنان تۇرىپ، ارتيستەرگە شاپالاق سوعىپ، العىس ءبىلدىردى، پولشالىق ءبيشى توماس رۋمكا بىلاي دەدى: «ءبي وتە تاماشا ەكەن، ماڭگى ەسىمنەن كەتپەيتىندەي بولدى، وتە جاقسى، كەيىن وراي بولسا تاعى كەلىپ كورسەم دەيمىن».
بۇرىنعىداي بەلەت باعاسىن بۇقاراعا لايىقتى بەيىمدەۋ داعدىسىن جالعاستىرۋ ءۇشىن، وسى كەزەكتى ءبي مەرەكەسىندە بارلىق ويىن نومىرلەرىنە تۇگەلدەي ەڭ تومەن بولعاندا جۇز يۋانعا جەتپەيتىن بەلەت باعاسى شىعارىلدى، تاعى ءار ۇلت بۇقاراسىنا ويىن بەلەتىن تەگىن اپارىپ بەرىپ، مادەنيەتتىڭ دامۋ جەتىستىگىنەن ورتاق يگىلىكتەندىردى. كورەرمەن دىڭ ليڭ بىلاي دەدى: «وسى رەتكى ءبي فەستيۆالىنان ۇكىمەتتىڭ مادەنيەتكە دەگەن جۇمسالىمىنىڭ توتەنشە زور ەكەنىن سەزىندىم، بۇقاراعا مادەنيەتتىڭ تارتىمدىلىعىن سەزىندىرىپ، بىزگە شينجياڭنىڭ ۇلت مادەنيەتى مەن حالىقارالىق مادەنيەتتىڭ توعىسقانىن كورسەتتى، ءجاي بۇقارا تۇرعىسىنان اناعۇرلىم تاماشا نومىرلەردى كورسەتۋىن ءۇمىت ەتەمىن».
ءان الەمى

جول توسىلىپ قالدى

تۇلپارىم