باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ءبي فەستيۆالىنىڭ كەرەمەتى بيدە عانا ەمەس

    كەلۋ قاينارى: شينجياڭ گازەتى    2017-07-21 19:10:52  

−5-كەزەكتى جۇڭگو شينجياڭ حالىقارالىق ۇلتتىق ءبي فەستيۆالى جونىندە
ءتىلشىمىز جاڭ حايفىڭ

20 - شىلدە كۇنى 5 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى سالتاناتپەن باستالدى. بۇل كۇندەرى ءبي فەستيۆالى ءان - ءبي كوركەمونەرىن ايگىلەيتىن ساحنا عانا ەمەس، رايون، مەملەكەت اتتاعان سالتاناتتى كوركەمونەر جينالىسىنا، ءتىپتى، كوپ ادامنىڭ شينجياڭدى تۇسىنۋىنە مۇمكىندىك جاسايتىن تەرەزەگە، ءار ۇلت بۇقاراسىنا كوركەمونەردىڭ قۇدىرەتىن سەزىندىرەتىن مەرەكەگە اينالىپ وتىر.
  حالىقارالىق ۇلكەن ساحنا
  ءبي فەستيۆالى كورەرمەندەرگە حالىقارالىق ورەدەگى كوز ايانى سيلادى. 1 - كەزەكتى ءبي فەستيۆالىنان تارتىپ قازىرگە دەيىن الەمدەگى 5 ۇلكەن قۇرلىقتىڭ كوركەمونەر ۇيىرمەلەرى وسى ساحنادا ونەرلەرىن كورسەتتى، شينجياڭداعى كوركەمونەردى سۇيەتىن قالىڭ كورەرمەن ءوز ءۇيىنىڭ الدىندا ەستەن كەتپەس تالاي «تۇڭعىش رەتتى» كوردى، رەسەيدىڭ الەمگە ايگىلى بالەت ءبي ۇيىرمەسىنىڭ «اققۋ كولىن» تۇڭعىش رەت تاماشالادى، جۇڭگوداعى ەڭ تاڭداۋلى بالەت ءبي ۇيىرمەسى ورىنداعان قىزىل كلاسسيك تەاتر − «قىزىل ايەلدەر قوسىنىن» تۇڭعىش رەت تاماشالادى، گەرمانيادان، اۆستراليادان كەلگەن ونەرپازداردىڭ كلاسسيكالىق ءبيدى وسى زامان بيىمەن ۇشتاستىرا بيلەۋىن تۇڭعىش رەت تاماشالادى، تۇڭعىش رەت يسپانيانىڭ ناعىز فلامەنكو ءبيىن تاماشالادى...
  حالىقارالىق ۇلكەن ساحنا كورەرمەننىڭ كوز اياسىن اشتى. ساحناداعى تۇرلىشە ستيلدەگى ويىن نومىرلەرى كوڭىل تۇكپىرىنە ساۋلە شاشىپ، ءوزارا سيىسىمدى، ءبىر - ءبىرىن تاماشالاۋ كەرەكتىگىن ونان ارى ۇعىندىردى.   ءبي فەستيۆالىنىڭ شينجياڭدىقتاردىڭ مادەني، تۇرمىس ورەسىن ءبىر سەرپىلتىپ تاستاعانى انىق. جاقىنعى 2 جىلدا ءۇرىمجى قالاسى وتكىزگەن ءار ءتۇرلى جوعارى ورەدەگى كونسەرتتەردىڭ بەلەتى ءاپ - ساتتە - اق ساتىلىپ كەتتى؛ جاقىنعى بىرنەشە كەزەكتى قىزعىندى تەاترلاردىڭ بەلەتى دە جارىم اي بۇرىن ساتىلىپ ءبىتتى؛ كەزىندە بىرەۋلەر شينجياڭداعى جوعارى ورەدەگى كوركەمونەردىڭ بۇقارالىق نەگىزى ءالسىز، بازار ءورىسى تار دەگەن ەدى، ال قازىر نەشە مىڭ يۋان جۇمساپ، ون نەشە مايدان ويىن كورۋ جاي ىسكە اينالىپ قالدى...
  ءبي فەستيۆالى بەينە ءبىر ۇلكەن ماگنيت ءورىسى ىسپەتتى، شينجياڭدىقتاردىڭ جوعارى ورەدەگى كوركەمونەردى قىزۋ سۇيەتىن كوڭىل تۇكپىرىندەگى كومەسكى سۇيىسپەنشىلىگى مەن وعان دەگەن ىززەتىن قوزعادى، وسى ىستىق سۇيىسپەنشىلىكتەر ساحنانى وزەك ەتكەن ويىن الاڭىنا شوعىرلاندى، ويىن نومىرلەرىن كورگەن كورەرمەندەر قاباعات اسەر الدى، ويىن نومىرلەرى ادامداردى ونان ارى بەلسەندى بولۋعا جەتەكتەپ، داۋىرمەن بىرگە العا باساتىن رۋحاني ۇمتىلىس باعىشتادى.
  شينجياڭ وبرازىن ايگىلەيتىن تەرەزە
  ءبي فەستيۆالىندا ەل ءىشى - سىرتىنان كەلگەن ايگىلى ۇيىرمەلەردىڭ ويىن نومىرلەرىنەن تىس، «قوناق يەسى» بولعان شينجياڭ دا ،ءسوز جوق، تارتىمدى ويىندار قويادى. مىسالى، ايگىلى «مۇقامنىڭ كوكتەمى» شىعارماسى ادامدار اراسىنداعى سۇيىسپەنشىلىكتى جىرلايدى، ايگىلى ءانشى ءدىلبار ورىنداعان «تيانشانعا ماحاببات»، قىرعىز ۇلتىنىڭ باتىرلىق تاريحي داستانىنىڭ ءبي تەاترى «ەر ماناس»، ۋاڭ لوبيننىڭ مۋزيكاسىنان شابىت الىپ تۋىنداعان «الماحان اڭىزى»... ءبي فەستيۆالى سىندى وسى حالىقارالىق ءىرى ساحنادان پايدالانىپ، شينجياڭداعى كوپ ۇلتتىڭ مادەنيەت كوركەمونەرى ءتىپتى شالعايلارعا تاراپ، ءتىپتى كوپ ادامدار تۇسىنەتىن جانە ۇناتاتىن بولدى.  ادامدار بۇل ارادان گۋمانيتارلىق شينجياڭنىڭ مايەكتىلىگى مەن الۋان ءتۇرلى اجارىن، شينجياڭنىڭ جاراتىلىستىق كەلبەتى مەن كوركەمدىگىن ءتۇسىنىپ قانا قالماستان، وسى ساحنادان شينجياڭنىڭ العا باسۋى مەن دامۋىن، جاراسىمدىلىعى مەن باقىتىن كورە الادى.
  «ءشول دالاداعى جاستىق كوكتەم» − شينجياڭداعى ءوندىرىس - قۇرىلىس بيڭتۋانىنىڭ تىڭ اشىپ، شەكارانى قورعاعان، قالتقىسىز ءوزىن ارناۋ رۋحىن جىرلاپ، شينجياڭنىڭ دامۋ تاريحىنداعى سالتاناتتى ءبىر پاراعىن ءبي تەاترى فورماسىندا جازدى؛ «كوركەم ىلە مەكەنىم» كورەرمەندەردىڭ وي - ساناسىن بايتاق، كوركەم ىلە ساحاراسىنا قاراي جەتەلەپ، قازىرگى تاڭداعى ىلە حالقىنىڭ باقىتتى تۇرمىسىن ءان، ءبي، ولەڭ فورماسىندا جىرلادى؛ وسى رەتكى ءبي فەستيۆالىندا قويىلاتىن «قىستاققا سۇيىسپەنشىلىك» − «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ وڭتۇستىك شينجياڭنىڭ اۋىل - قىستاقتارىندا اۋىلداستارعا كومەكتەسىپ، ولاردى ۋايىم - قايعىدان ارىلتقانىن باياندايدى؛ سەرىك تەاترى «شۇعىلالى ارمان» − شينجياڭعا باعىتتامالى كومەكتەسۋ بارىسىنداعى ءبىر شوق گۇل، حۋاڭپۋجياڭ وزەنى ساعاسىنداعى شاڭحاي سەرىكشىلەر مەكتەبى شينجياڭعا سەرىك ويىنى دارىندىلارىن تاربيەلەۋگە كۇش سالعان ادامدى تەبىرەنتەرلىك اڭگىمەسى ايتىلادى... مىنە وسى رەاليستىك تاقىرىپتاعى «شينجياڭ حيكايالارى» ادامدارعا كەزەكتەگى شينجياڭنىڭ جاعدايىن ءتىپتى جاقسى تۇسىندىرەرى حاق.
  تيانشان ۇلاندارى ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى كۇش سالا قۇرۋدا، ءبي فەستيۆالىنداعى ءاربىر ويىن ءنومىرى بەينە تەرەزە ىسپەتتى، دۇنيەنىڭ بۇگىنگى شينجياڭدى ونان ارى تۇسىنۋىنە مۇمكىندىك جاسادى.
  بۇقارامەن جاناسقان سالتاناتتى جينالىس
  وسى ايدىڭ باسىندا شينجياڭ حالىق تەاترحاناسىنىڭ بەلەت ساتۋ ورنىندا ءۇرىمجى قالاسى تيانشان رايونى باقىت باقشاسى تۇرعىندار اۋماعىندا تۇراتىن لي دان - ياڭ حانىم 8000 يۋان جۇمساپ، دوس - جاراندارىنا ءبي فەستيۆالىنىڭ 6 مايدان ويىنىنىڭ 34 بەلەتىن ساتىپ الدى، ونىڭ ىشىندە «جاۋ اۋلەتىنىڭ جەتىمدەرى»، «جۋ حۋان» سياقتى ايگىلى فيلمدەردىڭ ارتيستەرى دە بار.
  ساحنادا ايگىلى ارتيستەر مەن ەل ءىشى - سىرتىنداعى ايگىلى ۇيىرمەلەر ويىن كورسەتتى، الايدا بەلەت باعاسى توتەنشە قولجەتىمدى بولدى، ەگەيدىڭ ەگەيلەرى ويىن كورسەتكەن ءبي فەستيۆالى «مادەنيەت ارقىلى حالىققا تيىمدىلىك جاساۋ» فورماسىمەن مۇمكىندىكتىڭ بارىنشا قاراپايىم حالىقتى قاتىناسۋعا باۋرادى.
  وسى رەتكى ءبي فەستيۆالىنىڭ بارلىق ويىن ءتۇرىنىڭ بەلەت باعاسى ەكى دەڭگەي بويىنشا تۇراقتاندىرىلدى، جەكە - جەكە 80 يۋان، 100 يۋان، 120 يۋان جانە 200 يۋان، 260 يۋان بولدى. بۇدان تىس، ۇيىمداستىرۋشىلار اقىسىز جەتكىزۋ، الەۋمەتتىك يگىلىك ارناۋلى مايدانى، اقپارات قۇرالدارى ارقىلى بەلەتكە قول جەتكىزۋ سياقتى تاسىلدەرمەن «مادەنيەت ارقىلى حالىققا تيىمدىلىك جاساۋدىڭ» نۇرىن ءتىپتى كوپ حالىق بۇقاراسىنا سەبىپ، ءار ۇلت حالقىن مادەنيەت دامۋىنىڭ جەتىستىكتەرىنەن يگىلىكتەندىردى. ويىن قويىلاتىن 6 تەاترحانانى تاڭداۋدا دا وسى پرينسيپ ايگىلەندى، دەمەك، تەاترحانالار ءۇرىمجى قالاسىنىڭ وڭتۇستىك، سولتۇستىك، ورتا بولەكتەرىنەن تاڭدالىپ، قالا حالقىنىڭ ويىن كورۋىنە قولايلىلىق جاراتتى.
  18 - شىلدەدە شينجياڭ مادەني مۇرالاردى جوندەپ قالپىنا كەلتىرۋ تابىس كورمەسى اۆتونوميالى رايوندىق مۇراجايدا اشىلدى، بۇل وسى رەتكى ءبي فەستيۆالىنداعى 5 قوعامدىق قيمىلدىڭ ءبىرى. ءىس جۇزىندە، ءار كەزەكتى جۇڭگو شينجياڭ حالىقارالىق ۇلتتىق ءبي فەستيۆالىندا تۇگەلدەي سايكەستى مادەني قيمىلدار وتكىزىلەدى، قالا تۇرعىندارى تەاترحاناعا كىرىپ ويىن تاماشالاپ قانا قالماستان، مۇراجايعا بارىپ كورمەنى تاماشالايدى، اسەمونەر سارايىنا بارىپ ءتۇرلى سۋرەت كورمەسىنەن ءلاززاتتانادى، ايگىلى وقىمىستىلاردىڭ كوركەمونەر جايلى لەكسياسىن تىڭدايدى، ءتىپتى، ينتەرنەتكە شىعىپ ءبي فەستيۆالى جونىندەگى ءوزارا ىقپالداستىق باعدارلاماسىنا قاتىناسادى.  حالىقپەن قويان - قولتىق ارالاسۋ باستامالارى، بۇقاراعا جاناسىمدى بولۋ يدەياسى ءبي فەستيۆالىن اتى زاتىنا ساي «كوركەمونەردىڭ سالتاناتتى جينالىسىنا، حالىقتىڭ مەرەكەسىنە» اينالدىردى.

ءان الەمى

جول توسىلىپ قالدى

تۇلپارىم