جاڭا حابارلار

بيىل اۆتونوميالى رايونىمىزدا اۋىل-قىستاق بەيقۇت ءۇي ينجەنەرياسى بويىنشا 109 مىڭ 700 ءۇي سالىنىپ ءبىتتى

    كەلۋ قاينارى: شينجياڭ حالىق راديو ىستانسياسى    2017-07-22 11:59:31  
ءتاڭىرتاۋ تورابىنىڭ حابارى: بيىل اۆتونوميالى رايونىمىزدا اۋىل-قىستاق بەيقۇت ءۇي ينجەنەرياسى بويىنشا 109 مىڭ 700 ءۇي سالىنىپ ءبىتتى.
بۇگىنگى كۇندە جاسىل جەلەكپەن كومكەرىلگەن ءارى جاپ-جارىق، تىنىستى بەيقۇت ۇيلەر قاشقار ايماعىنىڭ اۋىل-قىستاقتارىنداعى ەڭ تاماشا كورىنىسكە اينالدى. تاياۋدا، ءبىز پايزاۋات اۋدانى جامباز اۋىلى گال قىستاعىندا قىستاق تۇرعىنى حايىرگۇل كەرىمنىڭ 80 شارشى مەترلىك بەيقۇت ۇيىنە باردىق، 4 بولمەلى ءۇيدىڭ ەدەنىنە دە كىلەم توسەلىپتى، ۇستەلدە بىرنەشە پوتنوس جەمىس-جيدەك تۇر، توڭازىتقىش، تەلەۆيزور سياقتى ءۇي ەلەكتر جابدىقتارىنىڭ ءبارى تابىلادى، تازالىق ۇيىندەگى جۋىنۋ جابدىقتارى دا تولىق ەكەن. حايىرگۇل اۋلاسىن تازالاۋمەن ابىگەر بولىپ جاتىپتى. حايىرگۇل وتباسى جونىنەن ايتقاندا وسى ءۇيدى سالۋدىڭ ۇلكەن ەكونوميكالىق اۋىرتپالىعى بولماپتى. ءۇيدىڭ جالپى قۇنى 60 مىڭ يۋانعا جۋىق ەكەن، مەملەكەت، اۆتونوميالى رايون، شينجياڭعا باعىتتامالى كومەكتەسەتىن ولكە، قالالار مەن جەرگىلىكتى ۇكىمەتتىڭ زور كۇشپەن قولداۋىندا وزدەرى 20 نەشە مىڭ يۋان عانا شىعارىپتى، ۇكىمەتتىڭ ءوسىمى قازىنادان تولەنەتىن 15 مىڭ يۋان اقشاسىنان دا يگىلىكتەنۋگە بولادى ەكەن. «بارلىق قارىزدى قايتارىپ بولدىق»،-دەدى حايىرگۇل قازىرگى ءۇيىن وتە ۇناتاتىندىعىن ايتىپ.
بيىل ماكىت اۋدانى قىستاقتارعا 5 مىڭ 850 بەيقۇت ءۇي سالۋ مىندەتىن ءتۇسىرىپ، قازىرگە دەيىن 5 مىڭ 720ءۇيدىڭ جۇمىسى باستالىپ، جۇمىس باستاۋ مولشەرى 97.8%كە جەتىپتى. سوڭعى جىلدارى ماكىت اۋدانىندا 28 مىڭ 400 وتباسىنداعى 119 مىڭ 300 نەشە شارۋا ىلگەرىندى-كەيىندى جاڭا ۇيگە كوشىپ كىردى. بۇگىندەرى «دولان مەكەنى» بولعان ماكىت اۋدانىندا كەڭ اسفالت جولدار شار تاراپقا تۇتاسىپ، تۇرعىندار وتباسىنا سۋ، ەلەكتر، جىلۋ، گاز جەتكىزىلىپ، قىستاق تۇرعىندارىنىڭ كوبى قالالىقتارشا تۇرمىس وتكىزۋدە.
2017-جىلى رايونىمىز اۋىل-قىستاقتاردا 300 مىڭ بەيقۇت ءۇي سالۋدى، وعان 22 ميلليارد يۋان قارجى قوسۋدى جوسپارلادى. ماۋسىم ايىنىڭ سوڭىنا دەيىن اۋىل-قىستاقتارداعى بەيقۇت ءۇي ينجەنەرياسىنان 244 مىڭ ءۇيدىڭ جۇمىسى باستالىپ، جۇمىس باستاۋ مولشەرى 81.34%كە جەتتى؛ 109 مىڭ 700 ءۇي سالىنىپ ءبىتىپ، سالىنىپ بولۋ سالىستىرماسى36.57% كە جەتتى؛ بۇكىل رايون بويىنشا 10 ميلليارد 308 ميلليون يۋان قارجى قوسىلدى، مۇنىڭ ىشىندە ورتالىقتىڭ قارجىسى ءبىر ميلليارد 320 ميلليون يۋانعا، شينجياڭعا باعىتتامالى كومەكتەسەتىن ولكە، قالالاردىڭ كومەك قارجىسى 664 ميلليون يۋانعا، ايماقتاردىڭ، اۋدانداردىڭ سايكەستىرگەن قارجىسى 167 ميلليون يۋانعا جەتىپ، شارۋالار وزدەرى 8 ميلليارد 157 ميلليون يۋان قارجى دايىندادى.
ۇعىسۋىمىزشا، «13-بەسجىلدىق» كەزىندە رايونىمىز اۋىل-قىستاقتاردا بەيقۇت ءۇي سالۋ ينجەنەرياسى بويىنشا ءبىر ميلليون 356 مىڭ 500 ءۇي سالۋدى جوسپارلاپ، ءار ۇلت شارۋالارىن حاۋىپسىز، قولايلى ۇيدە وتىرعىزۋعا قۇلشىنعان. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ شۋجيى جاڭ حۇڭ بىلاي دەدى: اۆتونوميالى رايوندىق پارتكوم مەن حالىق ۇكىمەتىنىڭ ورنالاستىرۋىنا ساي، رايونىمىز ورتالىق پەن باعىتتامالى كومەكتەسەتىن ولكە، قالالاردىڭ قولداۋىنا بەلسەنە قول جەتكىزىپ، اۆتونوميالى رايوننىڭ كومەك قارجىسىن جەدەل ورنالاستىرىپ، جەر-جەردىڭ الۋان شارالارمەن قۇرىلىس قارجىسىن توپتاۋىنا جەتەكشىلىك ەتىپ، جەرگىلىكتى ورىننىڭ سايكەستىرۋ قارجىسىن جاپپاي تياناقتاندىرىپ، فينانس قۇرىلىمدارىنىڭ قارىز بەرۋىن قولداۋىن كۇشەيتۋگە سايكەسىپ، ءۇي سالۋداعى قارجى ماسەلەسىن ۇيلەسىمدى شەشتى؛ اناعۇرلىم يكەمدى ساياسات، شارا قولدانىپ، «ەڭبەككۇش، قارجى شىعارۋ، ءوزارا كومەكتەسۋ، قوعام سۇيەمەلدەۋ، كاسىپورىن كومەكتەسۋدەي» ءۇي سالۋ فورماسىمەن ارحيۆ تۇرعىزىلىپ، كارتشكا بەرىلگەن كەدەي وتباسىلارى سياقتى 4 ءتۇرلى ءتۇيىندى وبيەكتىلەردىڭ «ازىراق اقشا تاپسىرىپ نەمەسە اقشا تاپسىرماي» جاڭا ۇيگە كوشىپ كىرۋىنە كەپىلدىك ەتتى؛ جەر-جەرگە قۇرىلىس سالۋ ارقىلى تاربيەلەۋ، قۇرىلىس سالۋ ارقىلى تاربيەلەۋدى جەبەۋ، تاربيەلەۋ، باسقا كاسىپكە اۋىستىرۋ سياقتى شارالار ارقىلى جەتەكشىلىك ەتىپ، شارۋالاردىڭ قۇرىلىس سالۋ شەبەرلىگىن شىنايى جوعارىلاتىپ، ولاردى جاقىن ماڭدا جۇمىس تابۋعا، كىرىستەرىن ارتتىرىپ بايۋعا باستادى.

بەرىپ كەت ورامالىڭدى

دوستار

الىستاعى اق ەركە