جاڭا حابارلار

بايىنعولين وبلىسىنىڭ يانجي اۋدانى اۋدان، اۋىل، قىستاقتىڭ دەنساۋلىق ساقتاۋ قىزمەت وتەۋىن ءبىر تۇلعالاندىرىپ باسقارۋ رەفورماسىن جۇرگىزدى

    كەلۋ قاينارى: شينجياڭ حالىق راديو ىستانسياسى    2017-07-23 01:26:51  
ستانسيامىزدىڭ ءتىلشىسى چيۋ جين، بايىنعولين وبلىستىق راديو ستانسياسىنىڭ ءتىلشىسى ني چيڭچيڭ مەن ەرىكتى ءتىلشى سۋ جياننىڭ حابارىن تىڭداڭىزدار: بايىنعولين وبلىسىنىڭ يانجي اۋدانى اۋدان، اۋىل، قىستاقتىڭ دەنساۋلىق ساقتاۋ قىزمەت وتەۋىن ءبىر تۇلعالاندىرىپ باسقارۋ رەفورماسىن وبلىس بويىنشا الدىمەن جۇرگىزىپ، نەگىزگى ساتى ەمدەۋ قۇرىلىمىنىڭ قىزمەت وتەۋ قابىلەتىن ۇزدىكسىز كۇشەيتىپ، ءار ۇلت حالىق بۇقاراسىنىڭ بۇرىنعىدان دا قولايلى، تەز، ساپالى ەمدەۋ قىزمەت كورسەتۋىنەن يگىلىكتەنۋىنە مۇمكىندىك جاسادى.
يانجي اۋدانى ۋ-حاۋ-چۇي اۋىلدىق شيپاحانانىڭ ىشكى اۋرۋلار بولىمىندە، جەرگىلىكتى ورىنداعى تۇرعىندار تارتىپپەن دەنساۋلىعىن تەكسەرتۋدە، يانجي اۋدانى ۋ-حاۋ-چۇي اۋىلى شاعانچۇي قىستاعىنىڭ ديحانى ما سۇيحۋا، بۇرىن ەمدەۋ جابدىعى كەمشىل بولعاندىقتان، ديحانداردىڭ اۆتوكولىكپەن اۋداندىق شيپاحاناعا بارىپ دەنساۋلىعىن تەكسەرتىپ شيپاگەرگە كورىنەتىنىن، سوڭعى ەكى جىلدان بەرى، اۋىل-قالاشىق شيپاحانانىڭ ەمدەۋ شارت-جاعدايىنىڭ جاقسارۋىنا بايلانىستى، ديحانداردىڭ كوبىنىڭ ۇيلەرىنىڭ قاسىندا شيپاگەرگە كورىنەتىن بولعانىن ايتا كەلىپ: اۋىلداعى شيپاحانا ۇيىمىز‍گە جاقىن، قولايلى، ءۇش كۇندە 60 تا 70 يۋان عانا جۇمسادىم. اۋداندىق شيپاحاناعا بارىپ اۋرۋحاناعا جاتقان بولسام، مىڭ يۋاننان ارتىق اقشا جۇمساعان بولار ەدىم،-دەدى.
نەگىزگى ساتىدا دەنساۋلىق ساقتاۋ-جوسپارلى تۋىت دارىندىلارىن ەنگىزۋدىڭ قيىن بولۋ، تۇراقتاپ ىستەمەۋ، ەمدەۋ قۋاتىنىڭ ءالسىز بولۋ سياقتى ماسەلەلەر باستان-اقىر نەگىزگى ساتى ەمدەۋ دەنساۋلىق ساقتاۋ ىستەرىنىڭ دامۋىنا ورالعى بولىپ كەلدى. وسى ءتۇيىندى نەگىز ەتىپ، يانجي اۋدانى اۋدان، اۋىل، قىستاقتىڭ دەنساۋلىق ساقتاۋ قىزمەت وتەۋىن ءبىر تۇلعالاندىرىپ باسقارۋ رەفورماسىن وبلىس بويىنشا الدىمەن جۇرگىزىپ، 8 اۋىل-قالاشىقتىڭ شيپاحاناسى مەن 45 قىستاقتىڭ دەنساۋلىق ساقتاۋ تۇيىنىندەگى ادام كۇشى، قازىنا كۇشى جانە زات كۇشىن تۇگەل اۋداندىق دەنساۋلىق ساقتاۋ مەكەمەسى ـــ يانجي اۋداندىق حالىق شيپاحاناسىنىڭ باسقارۋىنا تاپسىردى. سونىمەن بىرگە، يانجي اۋدانى ىلگەرىندى-كەيىندى 8 ميلليون 900 مىڭ يۋان قارجى شىعارىپ، اۋىل-قالاشىق شيپاحانا مەن قىستاقتىڭ دەنساۋلىق ساقتاۋ تۇيىنىنە، B تيفتى ۆلتىرا دىبىس تولقىنىمەن تەكسەرۋ اسپابى، اۆتوماتتى بيو-حيميالىق تالداۋ جاساۋ جابدىعى سياقتى جابدىقتاردى الىپ بەردى. يانجي اۋدانى ۋ-حاۋ-چۇي اۋىلدىق شيپاحانانىڭ شيپاگەرى تان شينرۇي بىلاي دەدى: قازىر شيپاحانامىزدا ءتۇرلى جابدىقتار تولىق، دەنساۋلىقتى جان-جاقتىلى تەكسەرۋدەن سىرت، جوعارى قان قىسىم اۋىرۋى، قانتتى نەسەپ اۋىرۋى سياقتى داعدىلى اۋرۋلار مەن ۇنەمى جولىعاتىن اۋرۋلاردى ناۋقاستار ۇيلەرىنىڭ قاسىندا كورسەتە الاتىن بولدى، اۋداندىق شيپاحانانىڭ ماماندارى دۇيسەنبىدەن جۇماعا دەيىن، شيپاحانامىزدا ناۋقاس كورەدى، وسىنىڭ بارلىعى اۋدان، اۋىل، قىستاقتىڭ دەنساۋلىق ساقتاۋ قىزمەت وتەۋىن ءبىر تۇلعالاندىرىپ باسقارۋ رەفورماسىنىڭ ناتيجەسى.
قىستاق ديحاندارىن اۋىل-قىستاقتىڭ شيپاحاناسىنا بارىپ ناۋقاس كورسەتۋگە باۋراۋدىڭ تەتىگى جانەدە مىقتى شيپاگەردىڭ بولۋىمەن قاتىستى. يانجي اۋداندىق حالىق شيپاحاناسى ءار كۇنى ەمدەۋ تىرەكتىلەرىن اۋىل-قالاشىقتىڭ شيپاحاناسىنا بارىپ ناۋقاس كورۋگە، اۋرۋحانانى ارالاپ تەكسەرۋگە، تاربيەلەۋگە جىبەرۋمەن بىرگە، اۋىل-قالاشىق شيپاحاناسىنىڭ الىس ارالىقتان ناۋقاس كورۋ جانە جۇرەك ارەكەتىنىڭ ەلەكترلىك ورنەگى ارقىلى الىس ارالىقتان ناۋقاس كورۋ تۇعىرىن ورناتىپ، اۋىل-قالاشىق شيپاحاناسىنىڭ ناۋقاسقا دياگنوز قويۋدا، جولىققان قيىن ماسەلەلەرىن ۇستىندە شەشتى. قازىر، يانجي اۋدانىندا اۋدان دارەجەلى شيپاحانانى جەتەكشى، اۋىل-قالاشىق شيپاحاناسىن سۇيەنىش، قىستاق ەمحاناسىن سۇيەمەلدەۋ سىندى ءۇش دارەجەلى ەمدەۋ دەنساۋلىق ساقتاۋ ءتۇزىلىسى قالىپتاستى، يانجي اۋداننىڭ ورىنباسار اكىمى لي رىنيۇڭ بىلاي دەدى: الدىمەن نەگىزگى ساتىدا ناۋقاس كورۋ، ونان سوڭ قوس باعىتتا سەلبەسىپ ناۋقاس كورۋ، شۇعىل قارەكترلى ناۋقاس پەن سوزىلمالى ناۋقاستى ءبولىپ ەمدەۋ، جوعاردان تومەنگە دەيىن سەلبەسىپ ەمدەۋ جاعدايى بىرتىندەپ قالىپتاسۋمەن بىرگە، بۇقارانىڭ ريزا بولۋ مولشەرى ۇزدىكسىز جوعارىلادى، «كىشىگىرىم ناۋقاستى نەگىزگى ساتىدا كورۋ، سالماقتى ناۋقاستى شيپاحاناعا جەتكىزۋ، نەگىزگى ساتىعا قايتىپ دەنساۋلىعىن قالپىنا كەلتىرۋ» سىندى شيپاگەرگە كورىنۋ جاعدايى قالىپتاستى.

بەرىپ كەت ورامالىڭدى

دوستار

الىستاعى اق ەركە