باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

4 رەتكى تارتىمدى كونسەرت كورەرمەندەردى وزگەشە اسەرگە بولەدى

    كەلۋ قاينارى: شينجياڭ گازەتى    2017-07-24 19:47:18  
ءتىلشىمىز يان رۇڭ 21 - شىلدەدە ۇرىمجىدەن حابارلايدى. 21 - شىلدە كەشتە 5 - كەزەكتى جۇڭگو شينجياڭ حالىقارالىق ءبي فەستيۆالى باستالعاننان كەيىنگى ءبىرىنشى كۇنى قويىلعان كونسەرتتەر ءبي فەستيۆالىنىڭ دۋمانىن اسىرا ءتۇستى. سول كۇنى كەشتە قىزىل كلاسسيكالىق تەاتر «مۇزتاۋعا كەلگەن قوناق»، تاجىكستان مەملەكەتتىك ەڭبەك سىڭىرگەن «لولا» ءان - ءبي انسامبىلىنىڭ ءان - ءبي كەشى، پولشا كەلتسە ءبي تەاترحاناسىنىڭ دجاز جانە وسى زامانعى ءبي كەشى، سونداي - اق اۋمىن ونەر ينستيتۋتى جاستار ءبي توبىنىڭ ءبي كەشى سياقتىلار شينجياڭ كوركەمونەر تەاترحاناسىندا، شينجياڭ پيەسا تەاترحاناسىندا، شينجياڭ حالىق تەاترحاناسىندا جانە تەمىر جول جۇمىسشىلارى مادەنيەت سارايىندا تارتىمدى كونسەرتتەر قويدى.
  «مۇزتاۋعا كەلگەن قوناق» تەاترىنىڭ شيەلەنىستى دە شىتىرمان سيۋجەتى، قۇلاقتان كىرىپ بويدى الار اسەم مۋزيكاسى، اسقاقتاتا شىرقالعان ءان اۋەنى بولسىن، الدە تاجىكستان مەملەكەتتىك ەڭبەك سىڭىرگەن «لولا» ءان - ءبي انسامبىلىنىڭ ەرەكشەلىككە باي ءبي جانە فولكلورلىق مۋزيكاسىنان قۇرالعان 22 كونسەرت ءنومىرى بولسىن نەمەسە پولشالىق ونەرپازداردىڭ مىڭ بۇرالعان ءبي قيمىلدارىنىڭ مۋزيكامەن ۇشتاسقان كۇشتى ريتىمى بولسىن، بارلىعى كورەرمەندەرگە وسى زامانعى قالا ادامدارىنىڭ باي مازمۇندى، تاتۋ - ءتاتتى كۇندەلىكتى تۇرمىس - تىرشىلىگىن كورسەتىپ، ولاردى ونەردىڭ تاماشا ءلاززاتىنا بولەدى.
  شينجياڭ پيەسا تەاترحاناسىنان كونسەرتتىڭ قىزىعىنان ادەمى اسەرمەن شىققان جوۋ حانىم: كوپتەن كۇتكەن ءبي فەستيۆالى اقىرى كەلدى، ءبىرىنشى كۇنگى كونسەرتتى كورىپ كوز ايىم بولدىم. ءبي فەستيۆالى بۇقارانىڭ اسىل ونەردەن ءلاززات الىپ، كوز اياسىن كەڭەيتەتىن، كوركەمونەرلىك ساپاسىن جەتىلدىرەتىن تاماشا تۇعىر، - دەدى تەبىرەنە.
ءان الەمى

جول توسىلىپ قالدى

تۇلپارىم