جاڭا حابارلار

مۇناي قالاسى بولعان قارامايلى قازىرگى كۇندە دۇنيە جۇزىلىك مۇناي قالاسى اتىمەن الەمگە تانىلدى

    كەلۋ قاينارى: شينجياڭ حالىق راديو ىستانسياسى    2017-07-25 11:51:34  
ءتاڭىرتاۋ تورابىنىڭ حابارى: جۋىقتا پاكيستاننىڭ پورت قالاسى گۋادار پورتىنىڭ تەڭىز ونىمدەرى اۋە تاسىمالى ارقىلى قارامايلىلىقتاردىڭ اس ۇستەلىنە جەتۋى ادامدارعا مۇناي قالاسىنىڭ دامۋ حيكىمەتتەرىن تاعى ءبىر قىرىنان ايگىلەدى.
مۇناي قالاسى بولعان قارامايلى قازىرگى كۇندە دۇنيە جۇزىلىك مۇناي قالاسى اتىمەن الەمگە تانىلدى، مۇنىڭ استارىندا قارامايلىنىڭ ەكونوميكانىڭ دامۋ تاسىلىنە رەتتەۋ جۇرگىزىپ، بۇكىلدەي مۇنايعا يەك سۇيەۋدەن اۋلاق بولۋ جولىنداعى قۇلشىنىستارى قامتىلىپ جاتىر. جاڭا زات، جاڭا تەحنيكا ۇزبەي شوعىرلانعان قارامايلى قالاسى وزىندىك دامۋ ءتاسىلى ارقىلى توعىسپالى دامۋ وي جەلىسىن رەسمي العا قويدى، مۇناي اشۋدى دامۋدىڭ قوزعاۋشى كۇشى ەتكەن بۇل قالا توعىسا دامۋدان تىڭ سەرپىنگە يە بولدى.
قارامايلى قالالىق پارتكومنىڭ ورىنباسار شۋجيى، قالا باستىعى جاڭ حۇڭيان بىلاي دەپ تانىستىردى: 2010-جىلدىڭ وزىندە قارامايلى قالاسى «دۇنيە جۇزىلىك مۇناي قالاسىن» قۇرۋ سىندى دامۋ ستراتەگياسىن العا قويىپ، «بايلىق قالاسى» سىندى بايانسىز دامۋ تاسىلىنەن «الۋان كاسىبى كوركەيگەن قالا» سىندى باياندى دامۋ تاسىلىنە بۇرىلىس جاسادى. مۇنىڭ نەگىزگى مازمۇنى ـــــ مۇناي-تابيعي گاز ءوندىرۋ، مۇناي وڭدەۋ حيميا ونەركاسىبى، تەحنيكالىق قىزمەت وتەۋ، مەحانيكا، مۇناي قورى، ينجەنەريالىق تاربيەلەۋ سىندى 6 بازا قۇرۋ ؛ ينفورماتسيا، فينانس، ساياحات سىندى 3 ۇلكەن كاسىپتى دامىتۋ ؛ جوعارى ساپالى قالا قۇرۋ جانە ەڭ حاۋىپسىز قالا قۇرۋ سىندى 2 ۇلكەن تۇعىر ورناتۋ. وسى ستراتەگيانىڭ جەتەكشىلىگىندە، تۇرلىشە كاسىپ سالاسى قارامايلىدا شوعىرلانىپ، بۇرىلىس جاساپ، ۇلگىسىن جاڭالاۋعا قوزعاۋشى كۇش سيلادى.
«12-بەسجىلدىق» پلان مەزگىلىندە، قارامايلى قالاسىنىڭ جەرگىلىكتى قازىنا كىرىسى «11-بەسجىلدىق» پلانعا سالىستىرعاندا %77.6 ارتىپ، ىشكى ءوندىرىس جالپى ءونىم قۇنىنىڭ كىسى باسىنا تۋرا كەلەتىن كىرىسى اۆتونوميالى رايون جانە مەملەكەت بويىنشا الدىڭعى قاتاردان ورىن الدى. 6 ۇلكەن بازا قۇرىلىسى جاپپاي ىلگەرىلەپ، ستراتەگيالىق جاڭادان كوركەيكەن كاسىپ سالاسى قاۋىرت دامىدى، اسىرەسە، فينانس، ينفورماتسيا، ساياحات كاسىپتەرىنىڭ جەتەكشىلىگىندە، 3-كاسىپتىڭ ارتقان قۇنىنىڭ ۇلەسى 2010-جىلعى %14.1 تەن 2015-جىلى %31.9 كە ارتىپ، قالا ەكونوميكالىق دامۋىنىڭ حاۋىپ-قاتەرگە قارسى تۇرۋ قۋاتى كۇشەيدى. 2016-جىلى ەل ىشىندەگى ەكونوميكالىق باسەڭدەۋ قىسىمىنىڭ ارتۋى جانە مۇناي باعاسىنىڭ تومەن دەڭگەيدە اينالسوقتاۋى سىندى كۇردەلى جاعدايدا، قارمايلى قالاسى مۇناي، مۇناي-حيميا جوعارعى-تومەنگى تىزبەكتەگى كاسىپتەرىن ءبىر تۇلعالاندىرۋ كومەسكى كۇشىن اشىپ، ينفورماتسيا، فينانس، ساياحات سىندى جاڭادان كوركەيگەن 3 ۇلكەن كاسىپتى دامىتىپ، ەكونوميكالىق قۇرىلىمدى رەتتەۋگە پارمەندى كۇش قوستى. قارامايلى قالالىق پارتكومىنىڭ شۋجيى جاۋ ۋىنچۋان بىلاي دەدى: قازىر قارامايلىنىڭ دامۋى قايقاڭعا شىعىپ، بەلەستەن ءوتۋ، تىڭ ساتىعا كوتەرىلۋدىڭ شەشۋشى كەزەڭىنە جەتتى، ەندىگى ساتىدا قارامايلى «دۇنيە جۇزىلىك مۇناي قالاسىن» قۇرۋ نىساناسىن نەگىز ەتىپ، قارامايلىنىڭ بۇرىلىس جاساپ، دامۋ ۇلگىسىن جاڭالاۋ قىزمەتىن اناعۇرلىم تەزدەتەدى.
 

بەرىپ كەت ورامالىڭدى

دوستار

الىستاعى اق ەركە