باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

گرۋزيا SEU مەملەكەتتىك ءان-ءبي ۇيىرمەسىنىڭ ءان-ءبي ساۋىق كەشى شينجياڭ حالىق سارايىندا قويىلدى

    كەلۋ قاينارى: شينجياڭ حالىق راديو ىستانسياسى    2017-07-25 12:50:05  

گرۋزيا SEU مەملەكەتتىك ءان-ءبي ۇيىرمەسىنىڭ ءان-ءبي ساۋىق كەشى 23-، 24-شىلدە ۇرتىس ەكى كۇن شينجياڭ حالىق سارايىندا قويىلدى. ەرەكشە سەزىمگە باي ءبي، ويناقى مۋزيكا كورەرمەندەرگە گرۋزيا ەلىنىڭ وزگەشە سالت-ساناسىن سەزىندىردى.
ويناقى مۋزيكانىڭ سۇيەمەلدەۋىمەن، گرۋزيا SEUمەملەكەتتىك ءان-ءبي ۇيىرمەسىنىڭ ارتيستەرى ساحناعا شىقتى. ۇستىلەرىنە ۇزىن شاپان كيگەن ەر بيشىلەر بىرەسە قىرانداي قالىقتاسا، بىرەسە تىزەرلەپ وتىرا قالىپ، جىلانشا ءيىرىلىپ، شىر كوبەلەك اينالدى؛ ۇستىلەرىنە ۇزىن تۇتاس كويلەك كيىپ، باستارىنا ادەمى جەلەك جامىلعان ايەل بيلشىلەر بۇرالا بيگە باستى. بيشىلەردىڭ ءبيى ارقىلى جەتكىزگەن تۇرمىسقا دەگەن ىستىق ماحابباتى كورەرمەندى جەلپىندىرىپ تاستادى. كورەرمەن تان مىڭمىڭ بىلاي دەدى: «ولاردىڭ ءبيى وتە شيراقى سەزىلدى، ريتىمدەرى دە وتە كۇشتى، سەزىمگە ەرەكشە باي ەكەن، ولاردىڭ ءبيى ماعان قاتتى اسەر ەتتى».
بيدەن سىرت، 9 ادامنان قۇرالعان ۇستىندە سۇيەمەلدەيتىن ونەر توبى دا كوپشىلىكتىڭ نازارىن اۋداردى، ولار ءار ءبىر ءبيدىڭ اراسىندا گرۋزيا ءانىن ايتىپ تۇردى. كورەرمەن ۋاڭ حاييان بىلاي دەدى: «ادەتتە ويىن كورگەندە، ءبي مۋزيكامەن ساحنا ارتىندا سۇيەمەلدەنەتىنىن، نەمەسە دىبىسقا الىپ قويعان مۋزيكا ارقىلى سۇيەمەلدەنەتىنىن كورەتىنبىز، الايدا بۇگىن مۋزيكامەن سۇيەمەلدەۋدى ساحناعا الىپ شىعىپتى، سونىمەن بىرگە ولار ارتيستەرمەن ۇندەستىك تاۋىپ وتىردى، ودان كەيىن قوس داۋىس شىعارۋ جاعى تاعى بار. ءوزارا ۇندەستىك تابۋى وتە كۇشتى سەزىلدى، ءبىز دە سول ساحنادا جۇرگەندەي بولدىق، وتە جاقسى بولدى».
ۇعىسۋعا قاراعاندا، گرۋزيانىڭ SEU مەملەكەتتىك ءان-ءبي ۇيىرمەسى 2011-جىلى قۇرىلعان، مۇشەلەرى تۇگەلدەي گرۋزياداعى ەڭ تاڭداۋلى بيشىلەر مەن كومپوزيتورلار ەكەن. بيىل ولار جۇڭگو شينجياڭ حالىقارالىق ۇلتتىق ءبي فەستۆالىنا تۇڭعىش رەت ۇسىنىس بويىنشا قاتىناسىپتى. ۇيىرمە باستىعى بۋادجا كاحا بىلاي دەدى: «بۇل جەردىڭ ءبي كوركەمونەرى وتە جاقسى ەكەن، حالقى دا جىلى شىرايلى، وسى بىرنەشە كۇندە بىزگە وتە جاقسى قارايلاستى، ونىڭ ۇستىنە كورەرمەندەر دە وتە ىقىلاستى ەكەن، قاتتى قۋاندىق، ءارى رازى بولدىق، بۇدان كەيىن وراي بولسا تاعى كەلىپ ويىن قويىپ تۇرامىز».

ءان الەمى

جول توسىلىپ قالدى

تۇلپارىم