باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تاجىكستان روللا مەملەكەتتىك ەڭبەك سىڭىرگەن ءان-ءبي ۇيىرمەسى شينجياڭ كورەرمەندەرىنە اسا تارتىمدى ءان-ءبي كەشىن تارتۋ ەتتى

    كەلۋ قاينارى: شينجياڭ حالىق راديو ىستانسياسى    2017-07-26 12:30:15  

ستانسيامىزدىڭ ءتىلشىسى جين لەيدىڭ حابارىن تىڭداڭىزدار: اسەم ءبي، ويناقى مۋزىكا، دۋماندى بەينە... 25-شىلدە كەشتە، تاجىكستان روللا مەملەكەتتىك ەڭبەك سىڭىرگەن ءان-ءبي ۇيىرمەسى شينجياڭ كورەرمەندەرىنە اسا تارتىمدى ءان-ءبي كەشىن تارتۋ ەتتى.
ساۋىق كەشى «ناۋرىز» اتتى توپتىق بيمەن باستالىپ، ارتيستەر ۇزىن كويلەك كيىپ، تاجىك ۇلتىنىڭ ءداستۇرلى مۋزىكاسىنىڭ سۇيەمەلىمەن بيگە باستى، وسىدان كەيىن «سالتاناتتى قوناعاسى» اتتى ەرلەر توپتىق ءبيى ورىندالىپ، التىن رەڭدى جەيدە كيگەن بيشىلەر ريتىمى كۇشتى مۋزىكاعا ىلەسىپ شىر كوبەلەك اينالىپ، سەكىردى، ءبي نومىرىندە سىبىزعى، بارابان سياقتى 9 ءتۇرلى مۋزىكا اسپابىمەن ونەرپازدار «ساۋدا كەرۋەنى»، «پەرىشتە»، «ارمان» سياقتى ۇلتتىق مۋزىكالاردى ورىندادى، ولار شەرتپەلى، تۇتىكتى ىشەكتى، سوقپالى مۋزىكا اسپاپتارىن، سونداي-اق ەلەكتروندى مۋزىكا اسپاپتارىن توعسىتىرىپ، ورىنداعان مۋزىكالارىنىڭ ريتمى كۇشتى ويناقى بولىپ، قويۋ ۇلتتىق ەرەكشەلىگىن بەينەلەپ، كورەرمەندەر قىزۋ قول شاپالاق سوقتى. يە مەيجى اتتى كورەرمەن: «تاجىكستان مەملەكەتتىك ءان-ءبي ۇيىرمەسىنىڭ ويىندارى مەن شينجياڭنىڭ ءان-ءبي ويىندارىنىڭ ۇقسايتىن جەرى كوپ، باۋراۋ قۋاتى كۇشتى ەكەن، سونىڭ ريتىمىنە ىلەسكەندە بيگە باسقىڭ كەلەدى، ەرەكشە تاڭعالارلىق»،-دەدى.

روللا مەملەكەتتىك ەڭبەك سىڭىرگەن ءان-ءبي ۇيىرمەسى كەزىندە ەكىنشى كەزەكتى جۇڭگو شينجياڭ حالىقارالىق ۇلتتار ءبي فەستيۆالىنا قاتىناسقان، تاجىكستان مادەنيەت مينيسترلىگىنىڭ ءمانساپتىسى ماحمادسايف مىرزازويەۆ تىلشىگە، وسى رەتكى ۇيىمداستىرۋ كوميسسياسىنىڭ ۇسىنىسىن تاپسىرىپ الىپ، وزدەرىنىڭ تاجىكستان كوركەمونەرشىلەرىنىڭ شىت-جاڭا جاراتقان ءبيى مەن ۇلتتىق مۋزىكا ويىنىن الا كەلگەنىن ايتا كەلىپ: «وسى رەتكى ءبي فەستيۋالىنا قاتىناسقانىمىزعا قۋانامىز. ءبىز ارناۋلى جاڭا ءبي جانە مۋزىكا دايىندادىق، كورەرمەندەردىڭ ىنتاسى كۇشتى. ولار قىزۋ قول شاپالاق سوقتى، بۇل بىزگە ەرەكشە اسەر قالدىردى، كەلەسى جولى تاعى دا جۇڭگوعا كەلىپ ويىن قويۋدى ءۇمىت ەتەمىز»،-دەدى.

ءان الەمى

جول توسىلىپ قالدى

تۇلپارىم