جاڭا حابارلار

شينجياڭنىڭ جەمىس اعاشى كاسىبى سورتىن جاڭالاپ دارەجەسىن جوعارلاتۋ ارقىلى امبەباپ ءوندىرىس قۋاتىن ۇزدىسكىز جوعارلاتتى

    كەلۋ قاينارى: شينجياڭ حالىق راديو ىستانسياسى    2017-07-26 12:41:19  
ستانسيامىزدىڭ ءتىلشىسى لەي ميڭ مەن ەرىكتى تىلشىلەر ليۋ جينرۇي، لي شياۋفىڭداردىڭ حابارىن تىڭداڭىزدار: «ءونىم مولشەرى» قاجەتىن قاناعاتتاندىرۋعا ءمان بەرۋدەن، «ساپا» قاجەتىن قاناعاتتاندىرۋعا ءمان بەرۋگە وزگەردى، شينجياڭنىڭ ەرەكشە ابزال كاسىبى بولعان جەمىس اعاشى كاسىبى سوڭعى جىلداردان بەرى ساپانى جوعارلاتىپ، ونىمدىلىكتى ارتتىرۋدىڭ سارا جولىن تاپتى.
بىرنەشە كۇننەن بەرى، شىڭگىل اۋدانى ارال اۋىلى قوبى قىستاعىنىڭ ديحانى ۋاڭ حۋاچۇن ءوزىنىڭ ەگىس اتىزىندەگى ۇلكەن جەمىستى شىرعاناقتىڭ جاپىراعىن جيناۋمەن قاربالاس بولدى، بيىل ونىڭ مەجەلى كىرىسى ويداعىداي بولىپ، كاسىپورىن ءار كيلوگرامىن 5 يۋاننان ساتىپ الدى، ەگىستىك جەردەن ورماندى قالپىنا كەلتىرۋ ساياساتى بويىنشا 5 جىل ءار مۋىنا تاعى ءبىر مىڭ 500 يۋان قوسىمشا قاراجات الادى. ول: 30 مۋ جەرگە شىرعاناق ەكتىك، مەملەكەتتىڭ 2-رەتكى قوسىمشا قاراجاتىنان يگىلىكتەنىپ، ءار مۋىنا 500 يۋان قوسىمشا قاراجات الدىم، بۇعان شىرعاناقتى ساتۋدان العان 20 مىڭ يۋاندى قوسقاندا، جىلدىق كىرىسىم 30 يۋانعا جەتەدى،-دەدى.
شىڭگىل اۋدانى شىرعاناقتى كولەمدەندىرىپ ەگۋ، ساۋداگەر شاقىرىپ قارجى ەنگىزۋ تەبىنىن ارتتىرۋعا، كاسىپورىنداردىڭ ىرگە تەۋىپ وندىرىسكە قوسىلۋىنا، شىرعاناق جەلىلەس ونىمدەرىن 20 نەشە تۇرگە جەتكىزۋگە سۇيەنىپ، «بازار تىرەكتى كاسىپورىندارعا جەتەكشىلىك ەتكەن، تىرەكتى كاسىپورىندار بازاعا جەتەكشىلىك ەتكەن، بازا ديحان وتباستارىمەن بىرلەسكەن» شىرعاناقتى كاسىپ سالالاندىرىپ دامىتۋ جاعدايىن قالىپتاستىردى. شىڭگىل اۋداندىق ورمان شارۋاشىلىعى مەكەمەسىنىڭ باستىعى لۋ يوۋ بىلاي دەدى: سوڭعى ەكى جىلداعى باستى نىسانا ـــ بۇرىنعى 100 مىڭ مۋ شىرعاناق اعاشى ورمانىنىڭ دارەجەسىن جوعارلاتىپ جاڭالاۋ، ۇلكەن جەمىستى شىرعاناقتى زەرتتەۋ ورتالىعىنا ەنگىزگەننەن كەيىن، قازىرگى بار شىرعاناق اعاشى اتىزىنىڭ كولەمىن جىلىنا 5 مىڭ مۋ اينالاسىندا جاڭالاپ، شىرعاناقتىڭ ءونىم مولشەرىن 3 مىڭ تونناعا جەتكىزۋ بولىپ تابىلادى.
سوڭعى ەكى جىلدان بەرى، اۆتونوميالى رايون «كولەمىن ورنىقتىرۋ، قۇرىلىمىن رەتتەۋ، ساپاسىن جوعارلاتىپ ونىمدىلىگىن ارتتىرۋ، سورتىن جاڭالاپ دارەجەسىن جوعارلاتۋ» ستراتەگيالىق ورنالاستىرۋىن اتقارىپ، بازاردىڭ قاجەتىنە ساي، جەمىس اعاشى بازاسىنىڭ سانىن مولايتۋدى ساپا ونىمدىلىگى مەن ءونىم حاۋىپسىزدىگى جاعىنا قاراي وزگەرتۋ اياق الىسىن ىلگەرىلەتتى. قازىر، رايونىمىزداعى جەمىس اعاشىنىڭ اۋماعى 22 ميلليون مۋ بولىپ، جەمىس ءونىم مولشەرى 10 ميلليون تونناعا جەتىپ، جالپى ءونىم قۇنى 70 ميلليارد يۋاننان استى. ديحانداردىڭ كىسى باسىنا تۋرا كەلەتىن جەمىس اعاشى كاسىبىنەن كىرگىزگەن ناقتى كىرىسى 2 مىڭ 200 يۋان بولىپ، جىلدىق كىسى باسىنا تۋرا كەلەتىن ناقتى كىرىستىڭ %30 تەن ارتىعىن ۇستادى.
شىلدەنىڭ شىلىڭگىر ىستىعىندا، قۇمىل قالالىق شين-يا اۋىل شارۋاشىلىق ەگىمشىلىك سەرىكتەستىگىنىڭ ورىنباسار باس مەڭگەرۋشىسى لي يۇڭ ەرەكشە قاربالاس بولدى، وسى مەزگىلدە ءجۇزىم پىسادى، باپتاپ باسقارۋدىڭ شەشۋشى ءساتى، ول ءار كۇنى تەحنيكتەردى باستاپ جان-جاققا شاپقىلاپ، ءجۇزىمنىڭ پىسۋىن تەكسەردى. ول: قازىرگى ەگىلۋ اۋماعى جيىنى 3 مىڭ 300 مۋدان اسادى، مۋ باسىندىق ءونىم مولشەرى ءار جىلى تۇرلىشە بولىپ، ءبىر توننادا 1.2 توننا اينالاسىندا، شىلدەدەن تامىزدىڭ سوڭىنا دەيىن، نەگىزىنەن داعدىلى پىنشىندەۋ جۇرگىزىلىپ، دەرت-دەربەز بەن زياندى جاندىكتىڭ الدى الىنادى،-دەدى.
قۇمىل جەمىس اعاشى كاسىبىنىڭ ۇزدىكسىز ءتۇرىن جاڭالاپ دارەجەسىنىڭ جوعارلاۋىنا بايلانىستى، شين-حى، يۇي-زۇن، شين-يا سىندى ءبىر توپ جەمىس اعاشىن ءوندىرۋ، مارنەلەپ ساقتاۋ، ساتۋ تىرەكتى جەتەكشى كاسىپورىندارى مەن ديحاندار كاسىپتىك سەلبەستىك ۇيىمدارى جارىققا شىقتى، مانەرلەيتىن ءونىمىنىڭ ءتۇرى جالاڭ جۇزىمنەن نەگىزىنەن شىلان، ءجۇزىم سياقتى سان-سالالى ءونىم، كولەمدەنگەن قۇنتتاپ مانەرلەۋ باعىتىنا دامىپ، ءبىر توپ شىلان، ءجۇزىم ايگىلى ماركاسى، ايگىلى ماركالى ونىمدەر دۇنيەگە كەلدى. قۇمىل قالالىق جەمىس اعاشى كەڭسەسىنىڭ ورىنباسار مەڭگەرۋشى قىزمەتكەرى جياۋ جيانحۇڭ تىلشىگە بىلاي دەدى: ديحانداردىڭ جەمىس اعاشى كاسىبىنەن كىرگىزگەن كىرىسى بۇرىنعى ءبىر مىڭ يۋانعا جەتپەۋدەن جوعارلاپ، 3 مىڭ يۋاننان استى، جەمىس اعاشى كاسىپورىنى 9 عا كوبەيدى، جەمىس اعاشى كاسىپتىك سەلبەستىك ۇيىمى 96 عا جەتتى، ونىمدەردى مانەرلەۋ قۇرىلىمى دا بارعان سايىن ۇيلەسىمدى بولىپ، دامۋ قۋاتى بارىنشا ارتتى.
سونىمەن بىرگە، اۆتونوميالى رايون جەمىس اعاشى كاسىپورىندارىن شابىتتاندىرۋ جانە ولارعا جەتەكشىلىك ەتۋ، ديحاندار سەلبەستىك كوپەراتيۆى ۇيىمى ەلەكتروندى ساۋدا تەكشەسىنەن پايدالانىپ، بازار اشۋ تەبىنىن ارتتىرۋ ارقىلى، جەمىس ونىمدەرىن ءوندىرۋ، اينالىمعا سالۋ جانە ساتۋ بۋىنىن قامتىعان توراپتا ساتۋ فورماسىن قالىپتاستىردى، قازىر، كورلانىڭ المۇرتى، حوتاننىڭ شىلانى، اقسۋدىڭ الماسى سياقتى ونىمدەر بەيجيڭ، شاڭحاي، گۋاڭجوۋ سياقتى 6 قالادا ءبىرىنشى دارەجەلى ساتۋ تەكشەسىن قۇردى، 2-، 3-دارەجەلى قالالاردا بولىمشە توراپ ءتۇيىنىن اشىپ، نەگىزىنەن ەلىمىز بازارىن تۇگەل قامتىدى. اۆتونوميالى رايوندىق جەمىس اعاشى كاسىبىن دامىتۋدى سايكەستىرۋ باسشىلىق گرۋپپاسى كەڭسەسىنىڭ ورىنباسار مەڭگەرۋشىسى ساۋ ديڭگۇي بىلاي دەدى: قۇنىتتاپ مانەرلەۋ، كاسىپ تىزبەگىن ۇزارتۋ، ءونىم ءتۇرى بۇرىنعىدان دا كوپ، تۇتىنۋشىلار قاجەت ەتەتىن ەرەكشە جەمىس اعاشى ونىمدەرىمەن قامداۋ ارقىلى، قازىرگى قالىپتاسقان كولەمدى ءوندىرىس قۋاتىن وزگەرتىپ، بۇرىنعىدان دا جوعارى ءارى جاقسى ونىمدىلىككە قول جەتكىزىپ، شينجياڭنىڭ ەرەكشە جەمىس اعاشى ونىمدەرىنىڭ ساپاسىن جوعارلاتىپ، ايگىلى ماركا جونىندە جۇرتتىڭ ريزا بولۋ، القاۋ، مويىنداۋ مولشەرىن ارتتىردىق.

بەرىپ كەت ورامالىڭدى

دوستار

الىستاعى اق ەركە