جاڭا حابارلار

وتكەن جارتى جىلدا رايونىمىزدىڭ اۋىل-قىستاقتارىنداعى ءبىر ميلليون 475 مىڭ ارتىق ەڭبەككۇش باسقا سالاعا ويىسىپ جۇمىسقا ورنالاستى

    كەلۋ قاينارى: شينجياڭ حالىق راديو ىستانسياسى    2017-07-27 12:28:01  
ءتاڭىرتاۋ تورابىنىڭ حابارى: ءتىلشىنىڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنا قاراعاندا، وتكەن جارتى جىلدا رايونىمىزدىڭ اۋىل-قىستاقتارىنداعى ءبىر ميلليون 475 مىڭ ارتىق ەڭبەككۇش باسقا سالاعا ويىسىپ جۇمىسقا ورنالاسىپ، جىلدىق نىسانالى مىندەتتىڭ %56.7ى ورىندالعان. اۋىل-قىستاقتارداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ رايونىمىزداعى جۇمىسقا ورنالاستىرۋ قىزمەتىنىڭ ماڭىزدى ءتۇيىنى. وتكەن جارتى جىلدا رايونىمىز اۋىل-قىستاقتارداعى ارتىق ەڭبەككۇشتەردى ءوز جەرىندە، جاقىن ماڭدا باسقا سالاعا ويىستىرىپ جۇمىسقا ورنالاستىرۋ، شينجياڭنىڭ وزىندە باسقا سالاعا ويىستىرىپ جۇمىسقا ورنالاستىرۋ، تۇتاس قۇرىلىم بويىنشا ىشكەرىدەگى كاسىپورىندارعا جىبەرىپ جۇمىسقا ورنالاستىرۋ سياقتى قىزمەتتەردى ۇزدىكسىز ىلگەرىلەتىپ، 12 مىڭ 588 ادامدى تۇتاس قۇرىلىم بويىنشا ۇيىمدى تۇردە ىشكەرىدە جۇمىسقا ورنالاستىرىپ، نىسانا مىندەتتىڭ %62.9 ءىن ورىندادى.
وڭتۇستىك شينجياڭدا اۋىل-قىستاقتارداعى ارتىق ەڭبەككۇشتەردى باسقا سالاعا ويىستىرىپ كاسىپتەندىرۋ اۋىل-قىستاقتارداعى ەڭبەككۇشتىڭ قاجەتتەن اسىپ قالۋ ماسەلەسىن شەشۋدەگى، ەكونوميكانىڭ دامۋىن جەبەپ كەدەيلىكتەن قۇتىلدىرىپ، اۋقاتتانۋدى جۇزەگە اسىرۋداعى، ۇلتتار ىنتىماعىن ىلگەرىلەتۋدەگى ماڭىزدى ءتاسىل. رايونىمىز الدىڭعى جارتى جىلدا وڭتۇستىك شينجياڭنىڭ 3 ايماق، ءبىر وبلىسىنىڭ اۋىل-قىستاقتارىنداعى ارتىق ەڭبەككۇشتەن 799 مىڭ ادامدى باسقا سالاعا ويىستىرىپ، نىسانالى مىندەتتىڭ %53.2ىن ورىندادى.
بيىل ءساۋىر ايىنان باستاپ، رايونىمىز قاشقار، حوتان ايماقتارىندا 3 جىلدا 100 مىڭ ادامدى جۇمىسقا ورنالاستىرۋ جوسپارىن اتقارىپ، مەملەكەت مەنشىگىندەگى كاسىپورىنداردا ءبىر توپ ادامدى جۇمىسقا ورنالاستىرۋ، ءتۇيىندى كاسىپتەردە ءبىر توپ ادامدى جۇمىسقا ورنالاستىرۋ، بيڭتۋاننىڭ شى، قالا، تۋان-الاڭدارىندا ءبىر توپ ادامدى جۇمىسقا ورنالاستىرۋ، الەۋمەتتىك يگىلىك ورىندارىندا ءبىر توپ ادامدى جۇمىسقا ورنالاستىرۋ، كەدەيلەردى سەلبەسىپ سۇيەمەلدەۋ بويىنشا ءبىر توپ ادامدى جۇمىسقا ورنالاستىرۋ، جالپىلىق مەنشىككە جاتپايتىن كاسىپورىنداردا ءبىر توپ ادامدى جۇمىسقا ورنالاستىرۋ ارقىلى قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ جۇمىسقا ورنالاستىردى. بيىل جوسپار بويىنشا 2 ايماقتان 40 مىڭ ادام باسقا سالاعا ويىسىپ جۇمىسقا ورنالاسادى. الدىڭعى جارتى جىلدا قاتىستى تاراۋلار جيىنى 36 مىڭ 511 جۇمىس ورنىن ازىرلەيدى، مۇنىڭ ىشىندە قاشقار ايماعىنا 19 مىڭ 390 جۇمىس ورنى، حوتان ايماعىنا 17 مىڭ 121 جۇمىس ورنى باعىتتالعان. اۆتونوميالى رايوننىڭ ورنالاستىرۋىنا ساي، بيىل قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ جوسپارى 30-تامىزدان بۇرىن جاپپاي ورىندالىپ بولادى ەكەن.
وتكەن جارتى جىلدا رايونىمىز كەدەيلەردى جۇمىسقا ورنالاستىرۋ ارقىلى سۇيەمەلدەۋدى تىڭعىلىقتى جۇرگىزىپ، اۋىل-قىستاقتارداعى بىردە-ءبىر ادامى جۇمىسقا ورنالاسپاعان وتباسىلارىن اداقتاۋدى ءۇرتىس ىلگەرىلەتىپ، «ءبىر وتباسىنا ءبىر شارا قولدانىپ» دالمە-ءدال جۇمىسقا ورنالاستىرۋ كومەك شاراسىن اتقارىپ، بىردە-ءبىر ادامى جۇمىسقا ورنالاسپاعان وتباسى بولماۋىنا كەپىلدىك ەتتى؛ رايونىمىز اۋىل-قىستاقتارداعى 720 مىڭ كەدەي ەڭبەككۇشتىڭ جۇمىسقا ورنالاسۋىن، جۇمىسسىزدىق جاعدايىن قىستاقتارعا، جان باسىنا دەيىن بىرتىندەپ ناقتى تەكسەرىپ اداقتاپ، كەدەيلەردى جۇمىسقا ورنالاستىرۋ ارقىلى دالمە-ءدال سۇيەمەلدەۋگە بەرىك نەگىز قالادى.

بەرىپ كەت ورامالىڭدى

دوستار

الىستاعى اق ەركە